الى متى تتحمل ياقلبي

البارت الحادي عشر والاخير

البااااارت الااااااخيرررر
اسمهان:عمر بالف واسطه عينوه سائق شفل بفد دائره حكوميه بس عدت فتره صارر ميرجع الانص الليل وهو شغله يخلص ب٤العصر بس هو يرجع ب١٠
مروان فدوة لعينه كبر صار عمره ١٣سنه فد يوم رجع للبيت وجه اصفر
مروان يمه شبيك
مروان:يمه وين ابوي
ام عمر: وانت شعليك هذا ابوك
مروان:بيبي سالت امي مسالتج
ام عمر:ادبسز هيج تجاوبني شوف تربيتج
مروان:ماكو مثل امي افتهمتي شو مرت ابنج الثانيه مكدرت تخدمج وامي الها فتره دتخدمج من حلك ساكت فوك زينيتها هسه متعرف تربي لو تعرفين انو ابنج المحترم حسره علينا هدوم جديده وهو يصرف على وحده مطلكه كح...
اسمهان: انصدمت وكلت شنو
ام عمر:انجب لتحجي على ابوك لااكوم اكسرك
اسمهان:اني مااسمحلج تحجين على ابني مايكفي ابنج الدايح وفوكاتها لسانج هالطوله
ام عمر:هاي الي هالحجي زين انت ماحركت هالبيت فوك راسج
عمر:بالف واسطه تعينت هناك تعرفت على وحده اكبر مني بس كولش حلوة ومطلكه جانت تشبه سعاد بس بعد احلى والله كمت تقربت منها سوالف حب وغزل وكامت تطلب مني فلوس واني مثل الغبي انطيها الي تريده فد يوم رجعت للبيت واسمع صوت صياح امي واسمهان ومروان
فتت جوه
ام عمر:تعال ابني تعال شوف يطردوني من البيت مروان ابنك يطول زين من نخدمج هيج صارت رجعني لبيت اخوك احسن من هالاهانه
عمر:عصبت كمت ضربت مروان جتي اسمهان دفعتني كالت
اسمهان:مو من حقك تضرب ابني افتهمت
مروان:بربك انت اب اخجل اكول كدام الناس انت ابويه وانت تمشي ويه وحده كح..واليوم واحد صديقي يكولي ابوك متونس ويه الكح.. خلي يعيرني واحد تخيل واحد يكولي هالححي كمت مااندل دربي امي بشنو مقصره وياك من يوم الوغيت وانت هامل امي وهي ساكته بس خلاص من اليوم اذا يااما تعامل امي زين او اطلع من البيت اني اصرف على اهلي
ام عمر:صدك مامتربي
عمر:خجلت من حجى ابني هالحجي وياي وفعلا اني من يوم يومي ئااذي اسمهان وهي ولافد يوم حجت
كتله خلاص ابني انت اهتم بدراستك واني اوعدك اصير الاب الي تريده
مروان:حظنته والله ياابوي على نود هيج حجيت اتمنى اتباهه بيك كدام الناس
ام عمر:شو تقبلت حجيهم
عمر:يمه همه عندهم حق وانتي من يوم الي جيتي هنا نازله رزايل باسمهان وهي متجاوب لو جنتي يم مرت حسين جان طردتج من زمان اسمهان متاكد متتطردج بس خطيه هي هم
عوجت بحلكها وفاتت لغرفه ورا شوي طلعت وكالت
ام عمر: باجر وديني يم حسين احسلي
عمر:بكيفج يمه اوديج باجر
هم عوجت حلكها وفاتت
عمر:اسف اسمهان
اسمهان:كلبي محروك منك بس راح احاول اسامحك وفتت للغرفه
مروان:راح اتسامحك يبوي امي واعرفها وبسته براسه وفتت لغرفتي
عمر:اه يارب شكد جنت نذل وياها ليش يارب ماموتتني حتى ارتاح بدل محمد لو ماخذني اني
عدت ايام وبالدائره انطوني بيت باسمي
صار يوم سقوط بغداد احنا جوارينا كالو لومن فرهد الشفل وبيعها مقبلت رجعتها للدائره بس البيت جان باسمي بعته رحنا كعدنا بالسليمانيه وبيت عمي محمد هم جوي ويانه
واسست بيتي صرت كولش زين ويه اسمهان والعالم كله كامت تحلف باسمي لان اي واحد يحتاج مساعده جنت موجود الحمدلله بنيت نفسي وساعدت كل جهالي وحلفت اي واحد منهم يريد بنيه مااكوف بطريقه مثل ماسوى ابويه الله يرحمه واصلا هو مو بايد ابويه قدري جانت اسمهان ربي يحفظها النا
اسمهان : اني من يوم الي تزوجت مشفت السعاده سعادتي الوحيده جهالي بيوم الي دافعلي مروان صدك افتخرت انو هذاابني حسيت عندي ظهر الله يحفظهم الي يااارب عمر اتغير للاحسن من يوم الي واجهه مروان صار انسان ثاني الناس كله تحبه لذالك قررت انطيه فرصه اخيرره ومن صار السقوط رحناللسليمانيه اهلي هم اجو قريب علينا وعشنا حياااة كولش حلوو بس السعاده مثل كل مره ماستمرت بحياتي ب٢٠١٣ولدت ولد عيسى اجى للدنيا عنده مرض فتحه بالكل ماضل دكتور مااخذنا ومافاد اخ ياربي ب٢٠١٧توفى اشكد انقهرت شكد بجيت اخخخ الله ليشوف هالالم لاحد الحمدلله على كل حال لان مورا الفتحه الي بكلبه مجان يكدر يمشي من كثر الادويه ضعفت الاورده والعضلات مكدر يمشي لحد وفاته الله يرحمك ياغالي
عمر:كولش انقهرت من مات ابني الصغير اشكد فرحت من ولد بس كدرت اتهنى بيه ماضل مكان بالعراق وماوديته بس كلهم كالو ميفيد مكدر يمشي من مات حسيت قطعه من كبدي شالو صدك ابويه جان معاه حق والله الحزن والالم مااتمناه لعدوي حزني على ابني جان اكبر من حزني على اخوي ربي يرحمه بس مع ذالك لازم الحباة تستمر
اسمهان:ابني حب بنيه من موصل رحنا نطلبها لان مردت تجربة ابوه تنعاد وزوجة بنتي لمياء
بس اهتم بيها كولش واي مشكله صغيره تواجهها مااكول لابوها اني احله لان عمر عصبي تاحية بناته كلمه وحده يكول عوفي البيت ورجعي واني مااريد تتدمر حياتها بس مره وحده حجو مشكله الهم كدامي كلت للولد اني مااخلي الي مريت بيه تمر بيه بنتي ياما تعزل الها البيت لو انسى انو هي مرتك
الحمدلله الولد وافق عزل الها البيت وهي كولش فرحانه ومروان هم الله يقدرتي ازوج البقيه كبل ماالله ياخذ امانته
عمر:زوجت مروان ولمياء
لمياءحبيبة ابوها لان اول بنين بعائلتي اموت عليها من زوجتها من القهر راد يجيني جلطه بس اهم شي تكون مرتاحه وسعيده همزين الولد كلش زين وعزلها البيت بدون مشاكل وربي يقدرني ازوج البقيه
اسمهان:وهاي جانت قصة حياتي من يوم ماتزوجت ولحد هاي الدقيقه الحمدلله عمر هسه كولش زين وياي والحمدلله ربيت جهالي احسن تربيه