وهم الاقدار ج١

٩/السرطان

البارت (٨) السرطان
#وهم_الاقدار١
بقلمي جوري 🌷🌷

نبدأ البارت بعون الله

الهام : من سمعت الدكتور قرة فايلي مال تحاليل وسونارات كال سرطان بالرحم اني راسن وكعت من طولي
- مرتضى : انصدمت بهل خبر ضليت صافن ودموعي تسيل دون توقف بعدين شلت راسي اشوف الهام واكعة خربانة ركضتلهة واني مااعرف شاسوي احس جسمي تشنج ومااكدر احركة واتحكم بي
ضليت اضرب على خدهة لمن صحت وتبجي
- الهام: كعدت وابجي اكلة روضي وبناتي شلون بتاتي محتاجيني

- الله موجود لا تخافين لكلشي علاج بس صيري قوية ترة اني هم محتاجج اترجاج لخاطري قاومي حتة تعيشين

- الدكتور : وهو متاثر بيهم حاجاهم
لاتخافين اكو هواي مثلج ويتعالجون اكو علاجات وتطيبين وهو حجمة كلش صغير يعني انتو جان كلش خوش وقت اجيتو لو متاخرين جان صارت الشغلة اصعب واكللكم عملية ويستأصل الرحم وياه بس بما انتو مامتاخرين وحجمة صغير رح نبدي بعلاج وياهة وجزء قليل من الكيمياوي وايضن علاج يمنع انتشارة
اهم شي الراحة والنفسية والجسدية وماكو مجامعة بينكم.

الهام: رجعنة للبيت متحطمين ونفيستنة زفت واني ماالي واهس لا بجهالي ولا بيتي وكضيتهة نوم وامي وخواتي ورغد تعاونو علية بقيت تسع اشهر عل هذا الحال بعد التسعة كمت من اراجع يكلولي اكو تحسن رجعتلي البسمة والامل ورجعت الفرحة بالبيت خطية مرتضى جانت نفسيتة متاثرة بية من اني ارتاحيت حسيتة هو هم تغير ورجعلة الامل ضليت كل شهرين اراجع وهم اكو تحسن لمن نسيت مرضي ورجعت طبيعية وكمت على بيتي واطفالي

عودة من الذكريات ....

الهام: ☎️📞 بالتليفون وية رغد
هلو رغود شلونج والله مشتاقتلج
- جذب لو مشتاقة جان مريتيلي توصلين للموصل لاهلج وماتجيني
- والله جنت خالة ابالي اجيج بس رضرض خابرو عليه واضطرينة نرجع مالحكت افتهم شي من سفرتي حتة اهلي ماشبعت منهم
واني دااسولف وية رغد وكلسع اكوم لبناتي وكحات حركات ميكعدن.
- يلة لهومة روحي الله وياج مافهمت شي كلسع صايحة بالبنات وتكوميلهم يلة غير وكت نتخابر ديري بالج عليهن .

حاليا جنان عمرهة ثلاث سنوات ونوران سنتين ووحدة اوكح من الثانية واني حايرة اركض وماالحك والله مااحتاج رجيم هذا الركض ضعفني ههه كل اسبوع انزل كيلو
خلصت شغلي وطبخي كعدت انتضر زوجي صارت ب٢ سمعت صوت الباب عرفت اجة
رحت تلكيتة مثل كل يوم بوستة من خدة هلو حبي الله يساعدك

- هلة حياتي الله يسلمج ودخل الغرفة كعد على السرير اخ ميت تعب على فد وكفة اليوم وطلعت واجب كلش متعب وصايم ( نسيت اكوللكم عدهم شهر رمضان)
اكلج لهومة اليوم اهلي عازمينة على الفطور

- ههه خير ان شاء الله اليوم منو عدهم ضيوف عمتي ماتعزمنة الة اذا عدهة ضيوف حتة اساعدهة بالشغل