بيت المجانين - Houes Of The Crazies

Chapter "8"

ماهر داخل بيت المجانين لاقي التلاته قاعدين جنب بعض وايديهم علي خدهم ..

ماهر :"يا ساتر يارب يا ترى قاعدين فى جنازة مين."

كريم :"والنبى يا دكتور بلاش تريقه الواحد نفسويته مش ناقصه."

ماهر :"نفسويته ايه نفسويته دى ..فى ايه يا امير."

امير يبصلو ويتنهد :"هاااااااااااااااااااا."

ماهر :"يااااه للدرجة دى الصراحه انا خايف اسأل بوسى اذا كان امير قالى هاااا امال بوسى هتقول ايه."

بوسى تقوم :"حاضر يا جميز جايه."

ماهر :"هو جميز عيط انا مش سامع عياط .. مالكم فى ايييه."

امير :"زهقنا."

كريم :"اتخانقنا."

بوسى شايله جميز وجايه :"حتى جميز زهق."

ماهر :"ياسلااااام ومن ايه زهقتو ان شاء الله."

امير :"من الحبسه ال احنا فيها دى."

كريم :"احنا متفقناش على كده."

ماهر :"اومال اتفقنا على ايه انتو هنا للعلاج مش فسحه."

بوسى :"ده كده المستشفى احسن."

امير :"ايوه على الاقل كنا بنتمشى فى الجنينة."

كريم :"بنشوف العيانين والدكاتره."

بوسى :"كنا بنخنق فى الدكاتره ونجنن فى المدير."

امير :"لكن هنا احنا قاعدين وشنا فى وش بعض حتى فى الاول كنا بنتخانق ونتسلى بالخناق دلوقتى حتى الخناق زهقنا منه."

ماهر يقعد :"اممممممم يعنى يوم ما تتفقو على حاجة تتفقو عليا انا .. وايه المطلوب بقاااا."

كريم :"عايزين نتفسح."

امير :"نشم هوا."

بوسي :"نتفسح ونشم هوا."

ماهر :"تعرفو انتو لـ اول مره معاكم حق ثوانى وجاي."

يقوم ماهر ويوقف فى مكان بعيد عنهم ويطلع التلفون ويتصل ب سالي ..

◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾◽◾

سالى :"الوو."

ماهر :"ايوه يا سوسو وحشتيني."