بعد فترة .. ماهر قاعد مع كريم وامير وبوسي قاعدة علي كرسي وهو باصص علي ال
بيعملوه كريم بيضرب امير ضربه خفيفه على كتفه ويطلع يجرى يقوم امير طالع يجرى وراه وماسكه مموته ضرب وبوسي قعده على جنب مش باصه عليهم اصلا واخده جميز فى حضنها عشان ينام ودقيقه تنام هي .. يحس ماهر انه مدايق ومخنوق يقوم يطلع بره البيت خالص ويقعد قدام الباب وهو بيفكر :
ماهر فى سره "وبعدين عدا اكتر من شهر ونص الوقت بيجري ومش فاضل كتير والتجربه تخلص ومفيش اى تحسن حصل واحد جبان خايف من خياله واحد عصبى مش طايق حد ده غير الهانم اللى قعده كأنها مش قعده الدنيا تتقلب حواليها وهى مش فى دماغها والمفروض ابعت التقرير لـ مدير المستشفى واقوله التطورات طب ابعت له اقوله ايه مفيش اى تطورات!"
وهو قاعد بيفكر يلاقى تلفونه بيرن يبص على الاسم يلاقيه مدير المستشفى ..
ماهر "نهار اسود انت بتيجى على السيره ارد ولا لا يعنى ههرب منه ماانا لازم ارد عليه ... احم احم الو.."
المدير "ايوه يا ماهر ازيك"
ماهر "الحمد لله يا فندم حضرتك عامل ايه"
المدير "انا كويس .. هاا ايه الاخبار عندك؟"
ماهر "ايه..! اه اه يا فندم الحمد لله كله تمام وزى الفل"
المدير "طب كويس امال فين التقارير ده انا مستنيها من اسبوع"
ماهر "الله هو كان داخل فى دماغى ولا ايه .. اصل يعنى التقرير انا يعنى لسه بكتبه واول ما اخلصه هبعته لحضرتك على طول.."
المدير "امممم واخبار زفت وطين ونيله ايه وايه درجة التغير اللى وصلو ليها؟"
ماهر "بص يا فندم من الاخر ومن غير لف ودوران مفيش اى تغير حصل فى الحالات.. اه بقى ماانا مش هكدب..!"
المدير "انا كنت حاسس .. هو فاضل على التجربه قد ايه؟"
ماهر "بالظبط شهر و 15 يوم"
المدير "شيل شهر يفضل 15 يوم .. 15 يوم يا ماهر لو محصلش تغير التجربه هتتلغى بالكامل..!"
ماهر "ايه 15 يوم !! ليه بس كده يا فندم .. طب خلينى اكمل لحد الاخر وانا اوعدك ان..."
المدير بحزم "الي تعرف تعمله فى 3 شهور هتعرف تعمله فى 15 يوم وبعدين مهو احنا داخلين على الشهر التانى اهو ايه اللى حصل ايه اللى اتغير؟.. اسمع انت لما قولتلى على التجربه دى انا وفقت مع انى مش مقتنع بيها عملتلك ميزانية للمصاريف وأجرت البيت وخرجت تلات مجانين من المستشفى على مسؤليتى الشخصيه لكن تيجى تقولى مفيش تغيير وزى ماهما ده انا المفروض دلوقتى كنت قولتلك هاتهم وتعالا والغى كل حاجة..!"
ماهر "بس يا فندم .."
المدير "من غير بس هما 15 يوم .. واسمع اهاليهم سألو عليهم وعرفو موضوع التجربة وجايين يشوفوهم"
أنت تقرأ
بيت المجانين - Houes Of The Crazies
Comédieهلآو قايز ✋ .. "ادخلوا برجليكم اليمين وامسحوها من برا علشان لسه منضفين. " ........🏃
