بيت المجانين - Houes Of The Crazies

Chapter "2"

كريم :"تفتكرو احنا هنعرف نعيش مع بعض."

امير :"لاء."

كريم :"انا كمان بقول كده."

بوسي :"انا عايزه انام."

امير :"انا مش فاهم ازاي انا هقعد مع ناس زيكم."

كريم :"نعم نعم نعممم."

امير :"ايوه ازاي راجل دكتور عبقري زيي يعيش مع ناس اغبياء ومجانين زيكم."

كريم :"ما الحاله من بعضه يا فالح وكلنا واحد ولا احنا منشبهش."

امير :"لا ازاي تشبهو بلد طبعا."

كريم :"لا دا انت لسانك طويل وعايز الي يرد عليه كويس ،، انتي يا بتاعه يالي نايمة قومي."

بوسي :"ايه في ايه."

كريم :"قومي طلعي ردح الستات كده واردحي للراجل ده انتي مش ست."

بوسي :"هممم."

كريم :"يخربيتك انتي بتفكري."

بوسي بهدوء :"اتلم منك ليه يا زفت انت وهو يا ناس يا بيئة."

امير بزعيق :"مين الي بيئة يااختي."

كريم :"انا بقولك تشتميه هو تقومي تشتميني معاه يا حمارة طب اهو انتي."

بوسي ببرود :"بتزعقو لمين يا دلعدي انت وهو."

المدير :"ياختي كميلة يا ناس وعرفتي تقولي يا دلعدي يا خرابي علي العسل اول مره اشوف واحدة بتردح بالبرود ده ،، يا تلات جزم اسيبكم عشر دقايق اجي الاقيكم بتردحو لبعض حتي انتي يا لوح التلج بتعرفي تردحي."

كريم :"هي عارفة تردح ولا تنيل."

امير :"انا قولت من الاول الناس دي مش من مستوايا."

بوسي :"ليه هو انت ابوك كان قائد طابيه."

امير :"هقوم اجيبك من شعرك."

المدير :"الله يخربيتكم ده انتو لسه مخرجتوش من مكتبي وبتعملو في بعض كده."

كريم :"الي اسمه امير ده هو الي بدأ."

امير :"مش انت الي خليت البتاعه الي اسمها بوسي دي تردحلي."

بوسي :"ZzZZZzzzzZZZzz."

المدير :"اخرسو اخرسوو خاالص ,, يا دكتور يا دكتوور اتفضل ادخل واقف برا ليه."

يسكت الكل ويبصو ناحية باب المكتب يدخل شاب وسيم مبتسم ابتسامة هادية جدا ويقف جمب المدير..

المدير :"دكتور ماهر."

امير :"مش باين عليه يعني."

المدير :"هديك علي دماغك ،، احم دكتور ماهر حسين هو الي هيشرف عليكم وعلي التجربة السودة دي الي انا اتدبست نفسي فيها ويلا امشو من وشي كل واحد يروح اوضته يلم حاجاته عشان هتروحو البيت بعد ساعة من دلوقتي."