قصه جديده
((( عرض اول )))
#حكايه_رجل_ثلاثيني
للكاتبه
#هدى_ابراهيم
#البارت_١_
""""""""""""""
اهلا.........
يقال انو : فاقد الشئ لايعطيه ..!!
حكمه سمعها .. ورددها .. وآمن بيها كثير من الناس ..!
اذا كنت واحد منهم
راح تغير انطباعك
بعد قراءتك لهذه القصه ..!
((فاقد الشئ يعطيه))
وممكن تفيض نفسه
بالمحبه والخير
اثناء هذا العطاء ..!!
وممكن يعطي تحديدآ
كلشي فقده بيوم من الايام
ويكون كريم
وجزيل العطاء ..!!
"""""""""""""""""""
ملاحظه : شخصيه الطفل (فليفل) رغم وجودها الحقيقي بالواقع
لكن كل مايوجه الها في القصه
هو اشاره وتوجيه الك ايضا
عزيزي القارئ .......
للكاتبه
#هدى_ابراهيم
يوم جميل ..
ترجلت من سيارتي ...
وگفت گدام البيت ..
بديت اراقب العمال ..
وهم يتحركون .. ويصيحون بكل مكان ..!!
همه وآلاتهم الصاخبه ..
بقيت اتأمل المنظر ..
ويغمرني شعور من السعاده ..!
بهذا المكان بالذات ...
احس نفسي انتصرت ع الحياه ..!!
كلما يعلى بيتي عن الارض
اعيش السعاده .. والحلم ..
ثنينهم سوى ..!!!
ياهلا ... ياهلا بالبطل
واخيرآ شرفتنا ..
اجازه سعيده ..
الحمد لله ع سلامتك ..
هلا اسطا بشير ..
شنو الاخبار ..
والله يابطل كلشي تمام ..
ضبيتلك العمال مثل الساعه ..!!
تعال ادخل واتفرج بعينك (ابو خليل) الورد ..
مو هيچي يسموكم انتو الجنود ..!!
تفضل استاذ ..
اسطا بشير شتنصحنا
ع الارضيه للطابق الثاني ..
خوما (المرمر) يسوي ثگل عالبيت ..!!
استاذ ( زين )رحمه لوالديك
ذبيت مواد ع اساس البيت توصلك للبتلو
يامرمر هذا اليسويلك ثگل ..!!
هذا الطابق الثاني
تفرج بعينك ..
واحنا بالخدمه استاذ زين ..
رحم الله والديك اسطا
هي ملاحظات
وترى ماتخلصون مني ..☺️
تفضل السويچ خلي العمال ينزلون غده
وتغدو ..!!
رحم الله والديك
ماتقصر استاذ ..
اخذ راحتك ..!!
تقربت من شباك يطل ع الشارع
شعلت جكاره..!!
بقيت اتأمل المنطقه ..
لفت انتباهي نفس الولد الصغير ..!!
هذا الولد بدء يشغلي بالي ..!!
عائلته كبيره
واهله ع كد حالهم ..!!
بس ليش دائمآ وحيد ..!!
بقيت صافن عليه
اراقبه بفضول وهو يلعب ..
يذكرني بنفسي هوايه ..!!
طفيت جكارتي ..
نزلت للحديقه ..
اسطا بشير ترى الحديقه خط احمر
ممنوع تدخلون بيها اي شي من مواد البناء ..
فدوه لعمرك ابو الشباب ..
حتى الجيران حفظو هالملاحظه ..
مو بس العمال ..😀😀
ضحكنا سوى ..
طلعنا بره ..
ومن تذبون المواد وصيهم اسطا ..
مااقبل يسدون الشارع ..
ومااقبل يأذون جار ..!!
والتنظيف اول بأول ..!!
استاذ زين اني داشتغل لابني ترى ..
الله شاهد ..!!
رحم الله والديك اسطا
اخذ راحتك اني اترخص ..
التفتت بأتجاه الولد
بعده يلعب بمكانه ..
مشيتله بخطوات متردده ..!!
حس بوجودي قريب منه ..
تجاهلني كالعاده ..!!
خليت ايدي بجيوبي
اراقبه وهو يلعب ..
تقربت حيل من بيته الترابي ..
وهو مشغول يسويله تعديلات ويرتبه ..
مرر نظراته ..
ورفع راسه يباوعلي ..!!
كتله بفضول :
" بيت حلو "..!!
عاشت ايدك ..!!
صرف انتباهه عني
ورجع يعدل بلمساته الصغيره ..
بيته الصغير ..
او يمكن حلمه الصغير ..!!
طلعت ايدي من جيوبي
مسحت ع راسه
وتوجهت لسيارتي ..!!
كالي ...
بصوت بيه نبره عتب ...
هالمره تأخرت ..!!
التفتت اله واني ابتسم ..
رجع دنگ ...
گالي وهو مشغول ..!!
( عبالي متت بالجبهه ) ..
ضحكت حيل لصراحته وعفويته ..!!
صفن بنظره عميقه
ع لاشي ....
رجع گالي خفت لاتموت قبل ماتوفي وعدك ..!!
سألته بأستفزاز :
" اي وعد "..!!
شفت خيبه امل بين نظراته ...
كالي : وعدتني تحجيلي قصه ....!!!!
خيبت ظنه اكثر واني اسئله :
ليش متوقعني راح اوفي بوعدي ..!!
شفت نظره ثقه بعيونه
وهو يگلي :
(( اللطفاء مايخلفون الوعد )) ..!!!
اتقربت عليه بسرعه ..
اسمع فليفل :
(( اياك تثق بالغرباء ))
حتى لو جنت اني ..!!
شفت نظره انكسار بعيونه ..
بس مراح اجامله بهذا الشي ..
ولا راح اراعي مشاعره ..!!
رجع انطوى يسلي روحه بنفس الحركات ..!!
كعدت يمه ...
سألته :
انت بأي صف ..؟؟
.........!!
زين ليش تحب القصص ..؟؟
جاوبني بدون ماينتبهلي ...
يوميه امي توعدني تحجيلي قصه ...!!!!
وتحجيلك قصص حلوه ..!!
رجع سكت ..
بدت حركاته تسرع ..
وهو يعدل بيته ..
انتبه فليفل ..
راح تخربه ..!
توتر اكثر ..
وگف لحيله ....
ضرب بناء الصغير برجله ...
وصاج بوجهي ..
(( امي مو من اللطفاء )) ..
تقربت اهدءه ..
تركني وراح يركض ..
بقيت اراقبه من بعيد ..
دخل لبيتهم وسد الباب ..!!
طول الطريق حاولت اتنساه ..
شفقتي عليه تعدت لمرحله الاهتمام ..!!
لمه اشوفه يبتسم
يجيني احساس
طفل بداخلي هو الي ابتسم ..!!
ومن اشوفه كاعد وحده كأني داتفرج صوره حيه لطفولتي ..!!
مسكين ..!!!
هلا يمه ( زين )
شلونك ..
شخبار بيتك ..
بخير امي ..
شو دخلت صافن .. ودايخ ..!!
تعب الطريق ...
كعديني من وكت الحك ع العمال
باجر يذبون مواد ..!!
ممممم .......
گولي امي ...؟
يمه (زين) خواتك
( صبا ومنى ) ...........!
مديت ايدي بجيبي ..
امي هذا المبلغ الج ..
وهذا وزعيه ع البنات ..!!
انت ابوهم ترى ..
صح خواتك تزوجو
بس تدري وضعهن تعبان
وعينهن عليك ترى ..!!
كون الله يرزقك ابنت حلال تقدر وضعك ..
تصبحين ع خير ...
ولان الجندي مايحتاج احد يكعده ..
غيرت ملابسي ..
تريگت ..
وطلعت وراسي مليان بالافكار .... !!
(للكاتبه هدى ابراهيم)
مااعرف اذا راح يجي يوم ويكمل بيتي ...!
مااعرف اذا تزوجت
وكونت عائله
راح اكدر اساعد اهلي مثل قبل ..!!
اغلب اخواني يعتمدون على مصروفي ..
خايف لااضيع المشيتين ..!!
ولشوكت تبقى خايف ..
ولشوكت تبقى تنتظر ..
اذا همه اخوانك نفسهم .. تزوجو ..!
وخلفو من زمان
وكونو عوائل ..!!
وانت تراوح بحل مشاكلهم ..!
فرگت راسي بأيدي
واني اسمع حوار وجدال
( العقل والقلب )
ثنينهم سوى ..!!
كل واحد بمكان ..
وكل واحد برأي ..!
انتبهت ......
افففف ......
هاي مين طلعت ..!
هذا الطريق قافل ..!
والگعده گعده ..!!
اكثر من ساعه بالازدحام ..!!
تأخرت ع العمال ..!
طلعت راسي من الجامه ..
هاي هيچي اتفقنا اسطه بشير ..!!
صباح الخير استاذ :
سوالف اهل الحمل بعد ..!!
بس لتخاف .. العمال هسه يصفون كلشي
ويفتحون الطريق ..!!
جريناها .......
ع فد وگفه .........
التوجيهات والملاحظات بصوب ..
والعمال بصوب ..!!
طلعت افحص الشارع من جديد ..
كله تمام ..
شالو المواد وفسحو المجال ...!!
مممممممم
ها فليفل ......
ماتسلم ..؟
فليفل :
.........!!
زين ليش گاعد وحدك ..!
انت ليش متلعب ويه اخوانك ..!!
يضوجوك مو ..!
مايلعبون وياك ..!
زين انت طالع تلعب ؟
لو هربان منهم ..!
مممممممممم.......!!
احنا وين وصلنا بالقصه .. ياجزء ..؟
ابتسملي بنظره اهتمام اخيرآ ...!
وذب العوده الي جان يتسلى
وهو يعجج التراب بيها ..☺️
ماريد قصص سندباد ..
ولاقصص الف ليله وليله ..!!
گعدت بصفه واني اسئله ..!
(للكاتبه هدى ابراهيم)
اي نوع من القصص اهتمامك ..!!
جاوبني بدون تردد ...
قصتك ...!!!
شمعنى ...!!!
انت جندي .. والجندي بطل ..
والبطل حياته مليانه بالمغامرات ..!!
اسمع فليفل ..........
ها استاذ محتاج شي من العمال حيطلعون ..؟؟
بالسلامه اسطا الله وياكم ..!
في آمان الله ..!
التفتت لصاحبي الصغير ..
تنهدت ..
ها استاذ فليفل ..
كتلي اختاريت قصتي مو ..!!
على كل حال اني وعدتك ..!
قاطعني : والشجعان مايخلفون وعدهم ..!!
ضحكت لعفويته .. وذكائه ..!
للكاتبه هدى ابراهيم
اسمعني فليفل ..
اسمعني واخذ العبره ..!!
العبره موجوده دائمآ بيننا ..
العبره موقف ..!
مو شرط يخصنا ..!
ممكن بكل فطنه وذكاء
نقبسه من الغير ..!
العبره شخص ..!
انسان .. صاحب قضيه
وهدف بالحياه ..!
ممكن طفل مظلوم
من اقرب الناس ..
العبره حلم او امنيه ..
ضاعو بيدنا او بيد القدر ..
فجأه نلكاها تسبق كل خطواتنا
واحنا نمشي برحله المستقبل ..
واحنا نبحث عن حلم جديد
وامنيه جديده ..!!
العبره ..فكره .. !
فطنه عقل وروح ..!
كل حياتنا ..
اذا مطلوب ناخذ شي من حياتنا بالنهايه..
فهي العبره ..!!
العبره ..كلمه ..
موجوده بهذه القصه
بهواي مواقف ..
وهبتها هديه لكل صاحب عقل ..!
عسى .. ولعل ..
ننتبه ..!
ونصحح من مساراتنا الخاطئه بالحياه ..
او على الاقل ..
بعضها ..!!
القصه حقيقه حدثت ولازالت تحدث معي
بهذا الزمان ..!!
اني من عائله محافظه
بسيطه ..
عائله كبيره ..
والدي مواليد (١٩٤٥)
خدم بكل الحروب السابقه ..
من حرب تشرين (١٩٦٧)
ولغايه حرب ايران (١٩٨٨)
متطوع بالجيش
رجل فقير من مواليد ميسان ..
تزوج زواجه الاول
وكل كل مولود يجيه (بنت) ..😒
صاروا خمس بنات ..!!
قرر يتزوج امرأه ثانيه
يمكن تكدر تجيبله الولد الي يتمناه ..!
تزوج والدتي ..
امي ايضا ولدتله (٤) بنات سنه بعد سنه ..!
صارت عنده هستيريا
والدي طابعه قبلي ..
جان يتمنى يتباها بولد
بين اقربائه واصدقائه ..
چانت هذه امنيته ..!
زوجه والدي جابتله ولد نهايه السبعينات
كانت فرحته كبيره
للكاتبه هدى ابراهيم
كانت فرحه والدي كبيره ..!
فرحه لاتوصف ..!
امي ايضا ولدت اخويه عادل الاكبر مني بسنه
مواليد (١٩٨٢)
نرجع لقصتي اني :
قضت والدتي ليلتها وهي تتألم وتتوجع
وتدعي : رب اجعل مافي بطني ولد ..!
اخذوها خالتي واختي الكبيره للقابله وهي تسألهم : وين زوجها
جاوبوها : بالجبهه ..!!
فجرآ ....
بليله شتائيه بارده
تفتح ابوابها للربيع
(١٧/٣/١٩٨٣)
كانت اولى صرخاتي بهذا العالم..
وبدايه ايامي الصعبه
وتحدياتها ..
ومرارتها ..!
اتصلو بالجبهه ع والدي
وانطوه البشاره ..
اجى بالليل فرحان وملهوف ..🙂
يسأل عني ..!
شالني من المهد
باسني .. وضحك بوجهي ..!!
الحمد لله ع سلامتج ام عادل ..
سألها .. احچيلي منو وداج للقابله ..
خوما رحتي وحدج ..!
كالتله اختي نديمه وبنتك الكبيره شيرين ..!
ابتسم والدي الغيور جدا ..
باس جبين والدتي ..
بهذه اللحظه تحديدآ
اندكت الباب ..
جانت جارتنا (تحب) والدي ..!!
جتي تسأله بكل خبث
ونيتها تزرع الشك براسه ..
لانها تعرف طبعه الغيور الثائر ..
زوجتك اجتي بسياره وحدها ويه الطفل ..😳
اذا تعرف ابو التكسي
لان اخذ من عدنا كلاص مي ومارجعه ..!!
والدي ملامحه اصفرت..
رجع للبيت وجهه كله غضب ..
تكوليلي اختج وبنتج راحو وياج ..!!
انتي راجعه بتكسي وحدج ..!
مين جبتيه لهذا الولد ..😳
احجي لاطلكج ..!!
بدلتي بالمستشفى ..!
جبتي بنيه وبدلتيها بهذا الولد ..😧
والدتي حاضنتني ومصدمه ..!
تحلفله هذا ابنك ..
ومن صلبك ..!!
وظلت تصرخ وتبجي ..!
نسوان المنطقه التمو عليهم ..!
اتقي الله يارجل
المرأه (نفسه) ..!!
كالها اذا ماتجين باجر للعباس وتحلفين
مابقيج لاانتي
ولا هو ..!!
وراح اهجرج ..!!
تركها وراح لغرفه ثانيه
مرت ساعات عصيبه ع امي واخواني ..!!
جتي خالتي للبيت جايبه الاكل وتهتم بوالدتي واخواني ..!!
لاحظت الاجواء مو مريحه بالبيت ..
شافت الخوف ع وجوه الكل ..!!
حچولها الي صار ..!
راحت لغرفه والدي
هذا ابنك يارجل
تسأله : ليش متخيلها جابت بنيه ..!!
جاوبها والدي بعصبيه
لاتدخلين انتي ..!
وطلعي منا ..!!
كالتله ع الاقل انطيها مهله يومين
تكدر تكوم ع حيلها
وتروح وياك ..!!
المرأه (نفسه) حرام عليك ..!!
بعد تدخل عمي الي هو زوج خالتي
وافق والدي ع المهله ..
بعد اليومين راحت امي وياه مثل الاسيره المسبيه ..!
وكفت گدام الشباك
وقالت :
((ياابا الفضل اني مظلومه انصفني )) ..
جر والدي ايدها
وكالها : لزمي الشباك وحلفي .....!!!!!
للكاتبه هدى ابراهيم
يتبع ..............
يتبع ........
#الشمري
