حكايه رجل ثلاثيني

9

قصه جديده .......
((((((عرض اول ))))))
#حكايه_رجل_ثلاثيني
للكاتبه :
#هدى_ابراهيم
#البارت_٩_

………………………………………………………

گالتلي اكو شي اريد اكوله الك ..
وراح اتقبل نتائجه ..
لكن بعد نهايه المحاضره الاخيره ..!
قريت كل الي تريد تكوله ..
من عيونها .. !
خلصت المحاضره الاخيره ..
شفتها مرتبكه حيل ..!
تعمدت اتناسى الموضوع ..!!
مشينا بالشارع المؤدي لباب الجامعه ..!!
وگفت وباوعتلي ..!
: مو گتلك عندي موضوع وياك ..!!
گلت الها اي موضوع ..؟
بقيت اباوع بعيونها وشفايفها ..!
صحيح تذكرت ..!!
رجعنا نتمشى للكليه ..
جان الدوام مسائي ..!!
ومجموعات من الصباحي
متواجدين ايضآ  ..
الكليه جانت مزدحمه ..
كأنها مدرسه ابتدائيه ..
كعدنا بمكان بعيد ..
سألتني عن وضعي المادي ..!!
قررت انو اكون صريح وياها..!!
يمكن تبتعد من ذاتها
وتلكى الها مستقبل بيه امل ..
بالنسبه اليه لا امل الها وياي
ولا مستقبل ..!!
فكرت بيها اكثر ..
وماجنت اناني ..!
حجيت الها عن فقري ..
انصدمت ..!!
وتغيرت نبره صوتها ..!
سكتت شويه بعدها باوعتلي وگالت ..
تكدر تنشأ عائله ..؟؟
جاوبتها ببرود وقله ذوق :
واني اعرف الزمن شضاملي ..
يمكن اسافر واترك كلشي ورايه ..🙁
ظلت تباوع على رجلها
الي تحركها بتوتر ..!
وسألتني : عندك حبيبه بمنطقتك ..؟
راح تتزوجها ..؟؟
ابتسمت بأستهزاء واني اسألها :
وين الموضوع ..؟
جاوبتني بخجل : اني شفت نظراتك
ولهفتك اليه ..
واعرف انك تحبني ..
واني ايضآ احبك ..!
مستعده اصبر وياك
واتحمل كل ظروفك ..
لان قلبك نقي ..!!
ضحكت بهيستيريا
على نفسي ..!!
مجنونه هذه البنيه ..
بقيت اضحك بصوت عالي ..!!
وهي تباوعلي بأشمئزاز
وعيونها تدمع ..!!
گالتلي : قاسي .. لئيم
مغرور ..!!
كذاب .. وجماد ..
وبلا مشاعر ..!!
جرحتني بضحكتك ..
بقت تلومني وتبچي ..!
واني اباوع عليها بصمت ..!
وينرسم گدامي حاضري الي عايش بيه
وحاضرها هي ..!!
گلت الها : اني لاشئ
مجرد قالب .. بلا روح
اني مو اناني ..
اني افكر بيج اكثر من نفسي ..
سكتي ميسره ..
الطلاب انتبهو علينا ..
سيطري على نفسج ..
ارجوج كافي ..!
شهكت شهكه حسيت روحي
تگطعت الها ..
گالتلي مااثرت بيك كل ذيج الايام ..!!
ماحركت مشاعرك ..!
كلتلها والله حركتي كل مشاعري ..!!
بس اني مو مثل اي شخص ..
اني شؤم ..
تركي الاحلام الورديه ..
واقعي يختلف ..
خلينا ننسى هذا اليوم
ونرجع اصدقاء ..
وننهي الكلام بقصص الخيال ..😞
كالتلي انت حتى مو بشر ..!!
راحت وهي تبچي ..
وبقيت اني افكر بيها ..
شلون تعيش ويايه هذه المجنونه ..!!
اقسم بالله تحرگ نفسها بأول اسبوع ..!
شلون تتحمل ضيق بيتنا ..!!
وتقيدنا بتقاليد اللبس
والحجاب الطويل ..!
وما تطلع بس للمراقد
وياها احد ..!!
او للسوگ ويه امي ..!!
مجنونه اكيد ..!!
اني افكر بيها وبمستقبلها
افضل منها ..!!
خليها تعتقد الي تعتقده ..!!
قررت اغير نظامي وياها ..!!
غيرت مكاني ..!
قررت اقضي الفتره الصباحيه
بنادي كليه الشريعه ..!
راح احاول مااشوفها
واتجاهلها ..
سألوني الاصدقاء شنو الي صار؟
تركتو بعض ..؟
جنت ارد عليهم :
مجرد سوء فهم  ..!
مرت مده ...!!
ما كدرت اغير نمطي ..!
ورجعت لمكاني ..!
المقعد صار لونه باهت
رجع جماد ..!!
مرت الايام ..
واني متجاهلها ..!!
بس جنت اباوع الها خلسه ..
واسمع صوتها ..
واشتاق هوايه لكعداتها وسوالفها ..!!
جانت تمر گدامي ويه زميلاتها ..!!
واني اصطنع اللامبالاه
گدرت اصبر اكثر من شهر
على فراگها ..!!
الرجل يكدر يترك حبيبته :
شهر .. شهرين .. تلاثه ..!!
لكن راح تظهر الاعراض عليه لاحقآ ..!!
يرجع يسيطر عليه الحنين من جديد ..
ويرجع يشتاق ..!!
عكس المرأه الي تكون ضعيفه بالبدايه
ترجع صلبه بعد فتره ..
وتنسى وتترك كلشي وراها ..!!
ويصبح الموضوع مجرد ذكرى
بالنسبه الها ..!
خلص الكورس الاول وجتي عطله
نص السنه ..!
اشتغلت عامل بناء
بقاعده التاجي ..
چنت بنفس الوقت اترجم للمقاول كلما يحتاجني ..!!
فات اسبوع واني على هذا الحال ..!!
كسرت ظهري هذه المهنه ..!!
اضطريت اشتغلها حتى اجمع مبلغ واكمل السنه الدراسيه ..!!
الاسبوع الثاني لاحظت
الجندي الامريكي يطلب من رجال انو يگعد على الارض ويدير وجهه حتى يگدر يفتشه ..!!
ما اعرف وقتها
المترجم وين چان  ..
لكن موقف تطلب تدخلي فورآ لان الامريكي رفع سلاحه وراد يضرب
الرجل البدوي ..!!
تدخلت بسرعه وساعدته ..!!
شافتني مجنده امريكيه وتعرفت عليه ..!!
واشترطت على المقاول انو
مااعمل بعد ..!!
وما آلمس اي شي ..!
للكاتبه هدى ابراهيم
چنت اكعد وياها بسيارتها الهمر ..
المجنده ( انجيلكا )
من لوس انجلوس
چانت جميله وقلبها نقيّ ..!!
جنت اكعد وياها بسيارتها الهمر الي چانت تروح بيها لباب المعسكر وترجع ..!!
دوريتها اربع ساعات ..!!
جانت تتعجب لمه اكولها بزمن النظام السابق بعض الناس جانو ياكلون من النفايات ..!
والخريج عامل ..!!
كلت الها وآلان ايضا ..!
ماتغير اي شي حاليا ولا تطورنا ..!!
تعجبت اكثر لمه عرفت تعليمنا (مجاني) ...!!
بأمريكا ماكو شي مجاني ..
چانت تتأثر بكلامي هوايه ..!!
بچت لمه توادعنا ..!!
لاني حرجع لدراستي ..!
رجعت للجامعه واني متلهف اشوف
( زهره قلبي ) ..☺️
بس اباوع الها من بعيد
واسمعلي كم كلمه ..!
جانت ايام باهته مالها اي طعم ..!!
تقريبآ تركت الاكل
وصرت ادخن هوايه
بينّ عليه الضعف ..
لكن ابتسامتي باقيه ..
مااعرف اذا جانو اصدقائي يعرفون مراره الفراق بداخلي او لا ..!!
ما اعرف اذا شخص سمع قصتي رح يأيد تصرفي هذا او لاء ..!!
دفنت المراره بداخلي
وحبست آلمي ..!!
انتهت السنه الدراسيه
لكيتلي شغل جديد بمناطق غرب العراق
جنت اشتري الالمنيوم
والنحاس التالف
وبطاريات السيارات المنتهيه صلاحيتها
اجمعهم ابيت وارجع ابيعهم ..!!
جنت ابقى اسبوعين
وانام بفندق الرطبه ..
السنه الدراسيه الثالثه عاديه جدآ ..
عشت بيها صراعات مع نفسي انو اترك الجامعه نهائيآ وارجع اشتغل بالرطبه ..!!
للكاتبه هدى ابراهيم
بديت اجي للجامعه متأخر جدآ ..
المحاضره الاولى منتهيه ..!!
ادخل المحاضره الثانيه ..!!
ميسره جانت تداوم لكن ماچنا نلتقي وجه لوجه وحدنا ..
اما اني وزملائي ..
او هي وزميلاتها ..!
تركت المقعد الخشب
وتركت المقعد الاسمنتي ..!!
وبديت التقي بكافتيريا كليه اللغات ..
چانت من اصخب النوادي واجملها ..!!
جنت مامهتم بالدراسه
قررت اعيش حياه اللامبالاه ..!!
مرت ايام طويله ماشفت ميسره ..!
سألت عنها گالو تركت السنه ..!!
مع انو مابقى من السنه بس كورس اخير
كملت السنه على اعصابي ..!
عندي صوره وياها اشتركت بيها زميله  ويانا ..
گصيتها واحتفظت بيها بمحفظتي ..!!
جنت ابقى اباوع الها كلما تركوني زملائي وحدي ..!
انتهت سنه :
(٢٠٠٤) ( ٢٠٠٥)
خلصت العطله كلها اشتغل بالرطبه والقائم
وقرى حدوديه اخرى ..
احاول الهروب من بيتي بكل الطرق ..
بدت السنه الدراسيه الاخيره ..
جنت تقريبا ناسي ملامح ميسره ..!!
وافكر شراح اسوي اذا خلصت هذه السنه ..!
رجعت لعادتي :
اداوم من وكت ..
واكعد بنفس المقعد ..
بعدني داحاول انشئ حلم ..!!
وافكر .. افكر هوايه
بنفسي ..
وبمستقبلي المجهول
رجعت لطبيعتي تدريجيا ..!!
اشتاق ..
لكن مو بنفس لهفتي السابقه ..!
رجعت ميسره للدوام
جانت بالمرحله الثالثه
واني الرابعه ..!!
لكن ملامحها واسلوبها تغير ..!!
كأنها ماتعرفني ..!!
اني ايضا ماتقربت منها
لاني حسيتها اظهرت لامبالاه ..!!
ماجانت تقترب من المتنزه طول مااني بيه
اشوفها تاخذ صور مع زميلاتها ..!!
استمر الوضع ايام ..
واني بداخلي احساس انو التغيير هذا وراه سبب ..!!
سألت صديقتها عنها
گالتلي : هي بخير ..!
وتزوجت ..!!
اقسم بالله صدمتي كانت رهيبه ..!
صرت اسمع صافره بأذني .. !!
بيدي بطل ميّ
حاولت ابلل شفتي
الي نشفت فجأه ..!
شنو هذا الشعور الغريب ..!!
بديت اسأل نفسي ..!
مشيت واني احجي ويه روحي ..
آلومها ساعه ..!!
وساعه اكول شتريد
يا بائس ..!!
انت لاشئ ..!!
انت نكره ..!!
حاولت اهدء نفسي
هذه حقيقتي ..!!
ماكو داعي للندم ..!
قررت اخليها ذكرى جميله بين ذكرياتي ..!
صرت ابتسم واني امرّ يمها واسلم عليها ..
للكاتب هدى ابراهيم
ما كو داعي اترك طابع الكراهيه ..!!
عن قريب راح اتخرج ..
راح تبقى ميسره اجمل حلم بين احلامي المفقوده ..!!
تقوت علاقتي اخويا
ببعض زميلاتها ..
جانت حلقه الوصل ونقل المشاعر العاديه
تخرجت اني ..
وسمعت من صديقاتها
انو صار عدها ولد ..!
اسأل عنها دائمآ ..!!
رجعت لعقلي وبديت ابحث عن تعيين ..؟؟
للكاتبه هدى ابراهيم
: عمو ...!
اكثر من باكيتين دخنت
تنهدت بحسره قويه ..
فليفل تأخرت على اهلك ..!
ماكو احد بالبيت ..
كلهم طالعين ..
راحو للزياره بالليل يجون ..!!
بس عندي سؤال جنت اريد اسأله من بدايه القصه :
گول فليفل ..!!
المريه جيرانكم
الي سببت المشكله ..؟؟
: هي چانت تحب والدي
بس لانو وجهه قاسي ورجولي جدآ ..
وزوجها چان ضعيف الشخصيه ..!
عرفت قصتها لمه توفت قبل سنتين
جانت تحتضر بوكتها ودزت على امي ..
واعترفت الها انو هيه السبب ..
وطلبت من امي انو تسامحها ..🙁
امي رفضت طلبها ..!
خالتي جانت وياها
وحجتلي قصتها ..!!
للكاتبه هدى ابراهيم

يتبع .....
يتبع .............

هل انتم مستعدون
لختم القصه قريبآ ..؟

سؤال اله دلالات واضحه بالقصه :
عن البطل الصغير
فليفل ..؟
راح يتحول لانسان شرير عكس بطلنا زين
او يبقى ع برائته ويصبح 
النسخه الثانيه للبطل الاول زين ..
ماهو انطباعكم الخاص
دمتم بخير ...