#ارضعيه_بحنانك_صغيرتي
القصه منقوله للكاتبه
مريم السعدي
متابعه ممتعه
22/5-2013
جان اصعب ايام حياتي سمعت خبر وفاته واني جنت انتضره يوم يوم ينزل حته اكوله اني حامل
جابوه واخذو للنجف جان عمري بذاك الوكت 15و7اشهر تزوجت وعمري 15يعني 7اشهر بس وكضيت منها 6اشهر ويا بس حبيته حيل وللاسف فقدته جان مثال للحب والحنان صح نوبات ميفهمني ويعاند بدون ميعرف الاسباب حجايته وحده متتثنه مستحيل بس اني حبيته عانيت من اهله هواي اليوم ولادتي واتمنيته يكون ويايه عمتي جبرتني الا طبيعي مع العلم اني مااكدر مالي حمل جيبوبه لان تعبانه وهي الا تجيبين طبيعي جنت حيل فرحانه بحملي فد شي من ريحته لحازم يصير بحضني واباوع عليه انتضرت يوم يوم ولادتي واني يتيمه الام ووالدي متزوج ومره ابويه مطايقتني ولا يوم تستقبلني ببيتها كضيتها من عمري 12سنه ببيت جدي وي ببيتي وخالتي جانت تشتريلي نوبات شغلات بس من تزوجت التهت عني تزوجت عمرها 35سنه على كبر واخذت كومه مقويات حته تحبل وهسه هي ويايه حامل وداخله بشهرها سالت عليها كالو بالمستشفى اني هم متوجهه للجده اجيب لان عدي وجع اخذتني عمتي وودتني ضليت ساعه اطلك تدمرت كمت مابيه حتى احجي وتالي اشتدت عليه الطلوكه خربت وطلعو الطفل ميت مختنك ببطني ضليت ابجي من صحيت ورجعوني لبيت ببيتي لانه ماكو شي يربطني ببيت زوجي بعد لاطفله ولا زوج رجعت لبيت جدي طبعا هنا احسنلي لان رغم الحاله الموزينه بس بيبيتي حنينه عليه اشتغل براحتي صح كل يوم جايين بيت خالي يوصخون ويطلعون بس محد يعغثني براحتي اشتغل اول
رجعت اول ايام منهاره ابجي وصدري يدر حليب
ويوجعني
ببيتي تصبر بيه سالت عن خالتي كالو جابت ولد وحالتها بالعنايه صعبه لان من اول هي مريضه بالقلب والحمل موزين عليها بس هي اصرت عالحمل زوجها دكتور نسائي جراح نمت بغرفتي القديمه على غفله سمعت صياح بيبيتي وبجيها ركضت شبيج بيبي خالتي ماتت خطيه ضليتزابجي عليها هواي جانت حنينه عليه انقهرت وضليت ابجي صار العزا ببيتنا وجوي اهل زوجها وامه شايلين ابنها اخذته بيدي باوعت عليه بيبيتي كلتلي بيبي رضعيدخطيه هذا يتيم وانتي محرومه واخالتك جانت حنينه عليه خليته على صدري بمساعده ام زوج خالتي شوي شوي وكام يرضع ارتاحيت من رضعته كانما ابني وحسيت بهذا الاحساس كمت ابجي واحس صدري راح الورم جان مورم من تكتل الحليب رضعته طول العزا 3ساعات على صدري فرغت صدري ارتاحيت كلش
ثاني يوم اجوي اهل زوج خالتي للعزا وهم طوني الطفل بقيت ارضعه طول العزا اباوع بوجهه شون حلو منصدكه عبالك ممات طفلي
وصالث يوم كذلك من يرضع كام يرضع بلهفه
قبل ليخلص العزا جتي ام زوج خالتي
يمه شنو رايج تجين بيت خالت تداري واخته تبقى يمج خطيه البارحه الليل كله يبجي وننطي الممه ميقبل وهو ولد يرادله قوه بس كم شهر ورجعي وشتريدين حاضرين
اني قبلت كيفت من طلبو مني هيج لان حبقه ويا واداري اتمنى ببيتي قبلت بس اشترطت انه اخته لزوج خالتي تبقى ويايه بالبيت واخته قبلت
لميت هدومي ورحت بيت خالتي الله يرحمها البيت جان هوسه ومبين عليه مابي مره
صعبه من تسمع حبيبتك عافتك وغادرت هالدنيا تحس المن عايش بعد عمري محبيت ومصدكت حبيت وحده مثقفه وواعيه وتفهمني
مجنت قابل تحبل لان موزين على كلبها بس جانت مصره واصلا اول شهرين مكلتلي بس اني حسيت بيها
مو انتي دكتوره وتفتهمين ليش تخلين نفسج بهالموقف
حبيبي الاعمار بيد الله الكاتبه الله يصير لتحرمني من نعمه الامومه
جانت طايره من تحرك اول حركه وكل مايتحرك تدمع عيونها سامان ديتحرك وتخليدايدي على بطنها ضليت خايف من ولادتها وهسه راحت وصار الجنت خايف منه هسه وين اروح كملت الفاتحه واني لحد هسه مرايح لبيتي ابات بالعياده وابني لحد هسه مشايفه ولا اعرف شسميه رزان جانت ناويه تسميه اثير
واذا بنيه ايثار تاي بقيتيني وحدي انيداللي بحياتي مباجي مكابل صورتج وابجي مثل النسوان كل ماابقى ببحدي وره الفاتحه رحت للنجف بقيت اربع ايام كابلت كبرها وكعدت
بسمه- فرحانه صار اسبوع هو بحضني واغسله وابدله وارضعه وانيمه يمي فدوه يخبل تركت الممه واتلهف ركض من اسمعه يبجي جوعان حتى اخليه على صدري يوميه الصبح اضل نايمه للوحده الضهر اخت رجل خالتي موضفه تطلع الصبح تجي بليل من العياده واني وحدي بالبيت اكعد ب1انضف واركب كلشي متوفر احلى ايام حياتي دااكضيها انضف البيت واغسل الهدوم واركب وارتب واكوي الهدوم خطيه اخته تجي تعبانه وتكيف من تلكه لكمه تاكلها وهدومها نضيفه كلش حبابه واحب اساعدها
الليل كل كاعده وي النونو ارضعه واناغيه وابدلله واغسله وانضف البيت واحضر الغده نوبات على كعدتي اغسل الحمامات والبيت كام يلمع على ايدي حتى ريوك رشا اخت رجل خالتي هم احضره اذا ماعدي شي كمت اسوي كيك وكليجه وبسكت وككو وترايفل اليعجبني واي شي اريد اسوي قائمه وتوصل للبيت حتى سمنت بهالاسبوع غرفت خالتي عزلتها طلعت هدومها ونطيناهل للفقره بس بقيت اخر دشداشه الها اشم بيها ريحتها وفرغت غرفتها من غراضها ورتبت غراض زوجها جانت هوسه ومخربطه غخلولي غرفه بصف غرفه خالتي الله يرحمها وخليت غراض النونو بيها واشترولي هواي شغلات خطيه امه لرجل خالتي ملابس يخبلن وشامبو وعطورات وداخليات ومناشف مخلت شي بنفسي واني حايره بالنونو طايره بيه
وممقصره عالبيت احس روحي ام البيت رجل خالتي ممبين لحد هسه
اليوم بليل كاعده وحده بالمطبخ داارضع النونو واسولف ويا مشفت الا واحد كبالي بسرعه ضميت صدري فزيت رفعت عيني واحد خشن عاكد حاجبه ولحيته تارسه وجهه وشكله مخربط وتعبان
سامان- منو هاي دترضع ابني منين جايبها
من شافتني فزت اني نصيت ودرت وجهي عدلت روحها وحاجيتها
منو انتي ومنو جابج
بسمه- ااااني بت اخت رزان
سامان- شعدج هنا وليش ترضعين ابني منو كال اني اقبل
رشا- طلعت من الغرفه سمعته يصيح على بسمه
ويكولها شعدج هنا
هلاو حبيبب سامان حضنته حبيبي قوي روحك ابنك محتاج الك
سامان- هاهي الحمد لله وعيني على المراهقه الكدامي متعجب
هاي منو وشعدها هنا
رشا- حبيبي هاي بت اختها ارمله وولدت ابنها خطيه ميت امي كالت خل ترضع ابن خالتها مدام صدرها بي حليب حتى يقوه احسن من حليب الممات
سامان - تقربت اخذ الطفل من ايدها جانت متشبثه بي كانما ابنها
صحت بيها جيبيي فزت ورجعت ليوره
بسمه- عفيه عمو لتاخذه مني اني اريد اداري
سامان- مااخذه بس جيبي خل اشوفههه صيحت واني البيه مكفيني ردت اشوف ابني اللي حرمني من امه تقربت منها باوعت للطفل دمعت عيني اخذته وحملته حضنته وكعدت ابجي مثل النسوان اختي يمي حضنتني
بسمه- بجيت على بجاه خطيه جان يحب خالتي اني ابد مشايفته لرجل خالتي صار زواجهم بيناتنا واجه للباب اخذها ولحد هسرمشتيفته جانت تجي نوبات لبيتنا وحدها ميجي وياها
ضل حاضنه ويبجي الطفل كام يبجي باوعله تقربت منه طينيا عمو خل ارضعه جوعان
سامان- فتت لاحمام غسلت وطلعت ميت جوع
رشا جوعان سويلي لكمه
بسمه- اي عمو هسه اصبلك
سامان- باوعتها انتي معليج عليج بالطفل كم يوم ورجعي لبيتكم
فتحت الثلاجه مليانه اكل حلويات وكيك وكلشي احبه التفتت عليها هاي شنو منو مسوي
رشا - هاي بسمه بليه كلشي تسوي واني اكل خربتلي الريجيم
بسمه- بالعافيه كيفت من حمدت بيه
سامان- هاي شنو بالماعون كبه
بسمه- اي عمو احميلكياها
سامان- انتي معلللللليج كتلج
بسمه - اخذت الطفل وفتت
رشا- علكيفك وياها خطيه هاهي هم مضلومه
سامان - هي شعدها هنا ممتزوجه
وشا- متزوجه 7اشهر ورجلها مات بالحرب مال داعش وحامل وجابت ولد ومات فجيناها ترضع ابنك صدك شحتسمي
سامان- اثير همست اكلت الكبه وجانت طيبه وفتت للغرفه فتحت الكناتير ادور اي شي لرزان اشم ريحتها ضليت ادور مفرغين كل غراضها كمت اصيح رشاااااا
رشا- ها خويه شبيك
سامان- وين ملابس رزان وين وديتوها
رشا- امي تبرعت بيها للفقره تكول ترتاح من نتبرع بيها
سامان- كعدت وخليت ايدي على راسي
بسمه- سمعته سال عن هدومها
وطلعت اخته وراحت نامت فوك سمعته يبجي بالغرفه وحده انقهرت عليه تذكرت نفسي من راح حازم طلعت دشداشه خالتي الضميتها اخر وحده جانت لابستها جانت بالغساله وصخه دكيت الباب مال غرفته
سامان- ادخل
بسمه- تقربت افوت وبيدي الدشداشه
سامان- شتريدين اطلعي ولتفوتين الغرفه
بسمه- هاك عمو هاي ضميتها جانت بالغساله
سامان- شفت دشداشتها جانت اخر شي لابستها حضنتها واشتم بيها سحبت البطانيه
طلعي وسدي الباب وماريد هوسه
بسمه- اي عمو طلعت ورحت ارضع النونو
وكمت نضفت البيت واغسل ملابس رجل خالتي وكويتها وعلكتهن بالهول من يطلع يشوفها
رجعت ارضع النونو شبع بس بقه يبجي بطنه توجعه مال مغص اطبطبله وميفيد افتر بي وميفيد
سامان- صوت البجي كعدني متحملت بعد طلعت من الغرفه رحت للمطبخ جانت البنيه هناك
هذا شبي بس يبجي
بسمه- فزيت من صيح ورجعت ليوره وبيدي النونو باوعتله خايفه
سامان- شبيج فزيتي جني كبالج
بسمه- لاعمو العفو همست
سامان- طينيا داشوف شبي
بسمه- لالا عمو هسه يسكت ضليت ارجع ليوره اخاف انطيهيا شكله عصبي عليه خاف ياذيً لو ميعرف يشيله
سامان- هاي شبيج انتي مخبله جيبي هاي وحدها تفور الاعصاب واني البيه مكفيني
بسمه- تقرب سحبه بالكوه مم ايدي شاله افتر بي شوي وسكت
سامان- هذا عده غازات شكاعد تاكلين انتي باوعتها بغضب
بسمه- اكل عادي تمن ومركه
سامان- اي لتاكلين شي يسوي غازات يتاذه مثلا فاصوليا باكلا
بسمه- اي عمو مااكل بعد باوعتله خايفه يطردني واني اموت بدونه
سامان - خليت شفتيفي يم اذنه اذنت وسميته ومن كلت انت اثير ابن رزان دمعت عيني نطيتهيا باوعتها هي هم بجت
كعدت عالقنفه اكلب بالتلفون راحت النومه بعد طلعت صورها الله يرحمها
بسمه - كعدت بالمطبخ اللي كدامه يصير الهول داباوع عالوحش الكدامي خشونته وزمجرته وضخامته وصوته
وللحكاية بقية
كل ما تتفاعلون اكثر انزل اسرع وما اخركم
