الجزء السادس
سمعت صوت الطفل يبجي كمزت التهي بيه للاربعه
دكيت الباب
بسمه- ادخل
سامان- فتحت الباب هاي شبي شو طينيا خل العب ويا شوي
بسمه - مو داريد اسبحه
سامان - حفوت وياج عادي
بسمه- كيفك
سامان- فتت وياها تسبحه جان مكيف تليفله وتغسل شعره ماهره وسريعه وهو ساكت مكيف خجلت تغسله كل جسمه كدامي (اعضاءه)
باوعتلي
سامان- غسليله معليج مني
بسمه- كملت غسل وطلعته بدلتله وعطرتها انداريت خليت الحجاب على صدري وخليته يرضع وغطيت صدري
سامان- تقربت منه حبيبي بابا طلعت نضيف شفتها ضايجه وممرتاحه تريد ترضعه يله اخذي راحتج حروح اتمدد
بسمه- تنهدت من طلع اخيرا خلصت
كمل رضاعه ونام من يسبح يطول بنومته
ضليت متمدده بالغرفه ماريد اطلع اخجل
انتبهت لكيت ماعده حفاضات
طلعت
عمو تره ماعنده حفاضات
سامان- هسه اجيبله وبعد شنو محتاجه
بسمه-صفنت تقرب مني عبالي متجه عليه رجعت عالحايط
سامان- هاي شبيج همست داروح ابدل حتى اروح للاسواق مجاي عليج
بسمه- ايً اسويلك طريق
سامان- باوعتلها ضجت هزيت بايدي ومشيت منها
بسمه- كبر الي اله افكس بحياتي قابل حياكلني حاسبني مثل بته تذكرت الصبح لالا اني يتراوالي
سامان- طلعت جبت الغراض وجيت
خليتها عالميز صحتها بسمه تعاي اخذي الغراض وكعدت بالهول جتي اخذت الحفاضات وفاتت
سامان:بعد مااقربلهاكامت تخاف مني اصلا اني شون كدرت اتقرب لا اني متقربت اني يتصورلي لان تعبان
بسمه:كضيت اليوم بالغرفه سمعته طلع بالسياره راح يمكن للعياده كمت سويت عشا ولملت البيت وكويت هدوم رشا وهدوم سامان كعدت ماعدي شي وكلسا اروح ارضعه اخر شي غفيت واني ارضعه جنت مخليه الحجاب وارضعه غفيت
سامان- وصلت ب8 وطبيت للبيت صنطه اتصلت برشا كالت اليوم خفر بايته بالمستشفى
فتحت الفرن لكيت العشا مجوعان بعدني فتت للغرفه ضلمه شغلت الضوه تقربت منها شلت اثير خليته بفراشه غطيته باوعتلها نايمه وغافيه تلمست خدها وشفايفها باصابيعي حست وخرت بسع باوعتلي مستغربه
سامان- هذا ديربالج لتنيمي يمج
اخاف عليه يختنك صوتي راح الا شوي
بسمه- اي مانيمه يمي بعد
سامان- باوعتلها بحنان عفيه وطلعت
بسمه- طلعت صبيتله العشا وحضرتله ويا لبن من داروح صار بوجهي وخر للصفحه الثانيه اني هم وخرت
سامان- صحت هاي شبيج اوكفي خل افوت
بسمه- اي اي يله فات من يمي طبيت بالغرفه تذكرت هدوم رشاوي مصعدتهن شفته الطفل نايم صعدت لغرفتها اعلك هدومها
سامان- كملت اكلي والطفل كام يبجي فتت خليتله الملهيه وين بسمه ادور عليها بالحمام بالحديقه ماكو وينها هاي صعدت فوك بغرفه رشا الضوه مشتغل بس تيبلامات سمعت صوت فتت
بسمه همست
بسمه- نعم هياتني
سامان - تقربت شدسوين فاتحه الكنتور رشا متقبل احد يلعب بغراضها
بسمه- لا اني يوميه اصعد هدومها واعلكها تقبل
سامان- ها تقربت اشوف التكييف برودته الضوه جان شاعري وصرت قريب منها ذبيت الريموت عالميز وهي ملتهيه تعلك وترتب ضبطت البروده عثرت طخيت بيها انداريت عليها صرت قريب كلت شنو زعطوطه تاثر بيه اني سامان ممعقوله بس اني لان من ريحه رزان دااتخيلها هي درت وجهي مرتبك يله امشي
بسمه هسه حكمل وانزل
عوفيها وامشي الطفل ديبجي
بسمه اي كملت ها اها مشيت من يمه ونزلت رحت للغرفه دخلت جان اثير يتنعوص راسن شلته خليته على صدري وخطيت صدري
سامان- فتت وراها ها ديبجي
بسمه- يعني شوي سكت هسه ديشرب حليب
سامان - وكفت باوعت على ركبتها هاي شنو بركبتج تقربت
بسمه- ماادري طالعه حبابي وبيها ريحه
سامان-جيت تقربت منها تاذيج
بسمه- شويه من اكيسها تنغز
سامان- عيني هاي اكزمه ولازم تتنضف تره تنقل للطفل
بسمه- شون لعد شسوي
سامان- هسه اجيب وصفه واجي شوكت طلعتلج
بسمه- من بديت ارضع
سامان- اي وره النفاس تطلع لان الجسم يضعف بسيطه هسه اجيب وصفه واجي ممحتاجه شي للبيت
بسمه- لا بس رشا مجتي
سامان- اليوم خفر يله باي رايح
بسمه- ماشي
سامان- طلعت جبت العلاج بطريقي جبت موطه ورجعت للبيت دكيت باب الغرفه جانت دترتب
بسمه- ادخل
سامان- ها دسوين نام اثير
بسمه- اي نام
سامان- يله تعاي اعقمه حته ميتكاثر
بسمه - اي جيت كملت شغلي وطلعت للهول كعدت عالقنفه وهو جاب كرسي وكعد كدامي بده بنضف بالحبوب واني روحي تلوب كمت اتحرك
سامان- لتتحركين اوكفي
بسمه- اخ اخ
سامان- باوعت بعينها شبيج
بسمه- كلش يوجع
سامان- تحملي شويه لا انضفه يله اخلي الغلاج
بسمه- ماشي ضل ينضف واني عيوني تدمع كمل باوع بعيني
سامان- كملت بس خل اخلي المعقم
بسمه- ميخالف دمعت عيني
سامان- دهنته واباوع بعينها ركبتها تخبل ابتسمت عدج شامه بركبتج
بسمه - اي
سامان- ضمدته كملت هاهي
بسمه: هاي جبت موطه طيبه والله عود اكلي
بسمه- شكرا رحت للغرفه باوعت على اثير نايم رجعت للهول لملمت هوسه العشه وكعدت بالهول وهو هم جان كاعد يتفرج باوعلي يله طلعي الموطه خل ناكل
بسمه- اي خليتها بكاسات وكعدنا ناكل شفته لزم التلفون اقترب
سامان-باعي هاي هنا بالعمليه خالتج طكيتلها صوره ابتسمت وهاي هنا بالبحث مالتها وهنا من رحنا زرنا وهنا بدايه حملها وهنا اني وياها بالحديقه مالتنا كعدنا نشوي ههه والله ايام الله يرحمها
بسمه- دمعت عيني ونصيت
ردت افوت للغرفه مخنوكه مااعرف شبيه اليوم
سامان- تعاي وين هاي شبيج لو ادري ممشوفج الصور باوعتلها مدري شبيها
بسمه- مبيه شي اريد انام
سامان- تعاي شوي كعدي اضوج وحدي استوحش ولو اني ماونس واكبر منج بهواي بس يعني احسن من ما وحدج
بسمه- كعدت وضلينا نتفرج تلفزيون لل12 منداريت عليه ابد جان طالع فلم عربي خلص انداريت عليه خوش فلم
سامان- مممممم يخبل يله نروح ننام
بسمه- يله تصبح على خير
سامان- باي
بسمه- دخلت انام كام يبجي اني مخليه دنبوس وبي خاولي بالهدومً مال اثير من يحتاج خاولي معلك بهدومه من داارضعه انغست قوي من دادور شنغزني دست عالدنبوس بصدري فات صيحت اخ
سامان- سمعتها عاطت رحت للغرفه هاي شبيج
بسمه- باوعتله اختنكت وماكدر اجر النفس تقرب مني
سامان- بسمه شبيج وين ياذيج
باوعت لصدرها الدنبوس فايت كله شهكت جبت المعقم خليت كطنه وسحبته خربت بايدي خطيه انقهرت عليها خليتها بفراشها وره شوي حست
بسمه- باوعت بعينه لكيته كاعد يمي
طلعته
سامان- اي
بسمه- ياذي كلش وي النفس حته ايدي كامت توجعني
سامان- تدرين كله فايت ايدج هاليومين حتكوم توجعج لتشيلين اثير خاف يوكع من ايدج
اشو خل اعقم مكانه هاي 3مرات باليوم تعقيم لان اذا تلوث يلتهب وماشاء الله ركبتج وصدرج شكو بعد ماادري
بسمه- حضي مكيفه باثير غير فكر اني يا الله
سامان- هههه تقربت اعقم الجرح وجانت متكاه عالتاج مال سرير عقمته وصرت قريب نفخت حته ينشف المعقم جانت تتاذه من نفخت غمضت عينها مااعرف شصار بيه رجع نفس الاحساس
بقيت قريب منها فتحت عينها على كيفها شافتني كلش قريب ذبلت ملامحها تقربت اكثر نسيت نفسي واني منو بنفسها
بسمه- عيونه التخوف وملامحه الخشنه خلتني اذوب بنفسه وداشوفه هو قريب ديريد يسوي شي
حسيت جسمي نمل وعبالك اني هم داريد يتقرب مني
تقرب اكثر باوعلي بعيوني كام يتنفس سريع خفت منه وذايبه بهالخوف حسيت بدفو شفته وذبت
سامان- بقيت اتقرب رجف جسمي بهالقرب وماريد اوخر لو مااعرف شيصير تقربت اكثر عيونها ذبلانه دتشجعني اكثر اقترب خليت شفتي على شفتها .......... بقيت احس بالدفوًيله ايدي ضلت ترجف وروحي طايره احسها ويايه انسجمت
بسمه- بس سحب شفتي رحت لغير عالم شكد رقيق كانما حلم دااحلم انسجمت ويا سحبت شفته صاح مممم رجع صوت الطفل يبجي صحاني عبالك صدى صوته فزيت بقيت اباوع بعينه ركض طلع من الغرفه واني ضل جسمي يرجف وابجي اخذت اثير ارضعه وابجي شون اني هيج سويت بقت الرجفه بيه
خنت خالتي بجيت لحد منمت وخنت حازم ليش هيج صرت كرهت روحي
سامان- احساس ناعم وحلو بس من حسيت على روحي تدمرت صارت صوره رزان بوجهي كرهت نفسي تخيلتها تباوع عليه بجيت وضليت اعتذر منها اسف رزان قررت مااشوفها بعد لبسمه واني كله من ورايه هي مالها ذنب هي طفله اني الواعي الدكتور الجبير استغليتها نمت واني كاره روحي
بسمه- الصبح سمعته طلع هو ورشا رجعت نمت
وكعدت 10سويت اكل وعفته على نار هادئه ورحت ارضع اثير كملت وكمت لملمت البيت كالعاده غسل هدوم تنضيف وكعدت اصلي وكت الاذان وره شوي سمعت السياره بالكراج ركضت للغرفه استحي اشوفه بعد اللي صار
سامان- دخلت لكيت الاكل على نار هاديه رحت بدلت ورجعت صبيت وكعدت اكل كملت اكل فتت للهول اتفرج وضهري عالمطبخ
مطلعت ابد من الغرفه وماريد اشوفها صارت ب2 رحت للعياده من وكت ماريد ابقه بالبيت
بسمه- سمعته طلع رحت تغديت اليوم صار عمر اثير 40يوم علينه مال اربعين مكيفه بي كبران حبيبي اليوم نطيته عصير فاكهه شويه
لان بيبي كالت من يصير الاربعين نبدي فوح وعصاير خابرت رشا كتلها كالت اي صح هسه من اجي اجيبلج ممه كيفت شوي هم ارتاح بليل مو يبقه يبجي
بقيت ارضع بي شبع ونام اني هم رجعت نمت بعدني نعسانه حضرت العشا كباب عروك خليته بالفرن سمعت صوت سيارته فزيت
سامان- رجعت تعشيت ورجعت كعدت بالهول اتفرج عدي جهاز بالغرفه بس اختنك ابقى بيها
وره شوي جتي رشا بيدها ممه
هاي شنو لاثير ليش وين بسمه
رشا- موجوده بس اليوم كمل اربعين يوم فتريد تنطي عصير وفوح تمن
سامان -يعني حتفطمه
رشا- لا يمعود بس اضافه للحليب عصاير طبيعيه وفوح تمن
سامان- ها حوش خفت خاف تكون انهزمت من البارحه بستها
صعدت رشا فوك وره شوي نزلت اكلت وضليت اسولف وياها
رشا- يله حبيبي حصعد انام لان البارحه خفر روحي طلعت
سامان- اخذي راحتج
لحد هسه مشايف بسمه بس كل شوي اسمع صوت الطفل يبجي وره شوي يسكت
بسمه- رشا جابت الممه اريد اطلع اغسلها واترسها فوح المحضرته بس استحي وهو كلعد بالهول لازم افوت من يمه يله اروح للمطبخ مديت راسي شفته ناطي ضهره الي رحت للمطبخ غسلت الممه وترستها فوح
سامان- دتشوف خيالها عاكس بالبوفيه بس منداريت وهي هم محجت ويايه ولا سلمت كملت شغلها وفاتت ركض
احسن ماريد اشوفها
بسمه- عبالك بايكه بوكه من افوت بقيت هيج 3ايام ابد مفات شاف ابنه همزين واني شفته والمسواك اكول لرشا تدزه بيد السايق الكاه بالطرمه
سامان- صار 3ايام مشايفها لا الها ولل لاثير بس اسمع صوته مشتاقله ومشتاق ماادري احس اريد اشوفها حسيت نفسي فد نوب محتصر صعدت لرشا باجر جمعه تضل كاعده
بسمه- شفته مموجود اكيد فات للغرفه ردت اصعد يم رشا احجي وياها علمود شوكت ابدي انطي سريلاك هالسوالف صعدت دكيت الباب وكلتلي فوتي
سامان- كلبي حسيته حيوكف ضليت كاعد خاف تنتبه رشا فاتت عبالها بس رشا
بسمه- دخلت للغرفه هلو رشاوي ممكن كم سوال واروح مادو----خجً شفته نصيت كمت مااعرف شحجي هو ضل يباوعلي بنضره حلوه وتخوف كلبي راح
رشا- شبيج بسمه احجي
بسمه- اااا هيج بس ردت اسالج هو مشال عينه عني ومن اباع عليه مااكدر احجي نصيت وسالتها
رشا- حبيبي بالشهرين انطي شوربات خفيفه وسريلاك حتى يكبر
بسمه- شكرا نصيت تصبحين على خير ونزلت
سامان- بس مراقبتها تكفي خرب شون اني بله زعطوطه فرت راسي اكيد اني صار بيه شي
رشا- ها شبيك شو تصفن
سامان- لا هيج نعسان يله انتي هم نامي
رشا- نطلع باجر ضوجه نروح عالشط
سامان- منا لباجر الله كريم نزلت ودايخ بسالفه كلبي ليش هيج
