الجزء الخامس
بسمه- نصيت وفتت خجلانه هسه شوكعه تذكرت كلشي مماكله ومنايمه وداارضع
رجعت طلعت صبيت ضل يباوع عليه بغضب محاجيته رجعت للغرفه اكل كملت ورجعت نمت على نومه النونو
سمعته طلع وره شوي ضليت نايمه لليل كعدت ب8لملمت البيت وغسلت الملابس وكويتهن رضعت الطفل وسويت العشا جتي رشا اكلت وصعدت نامت خطيه هاي شمفتهمه من حياتها عجبني حلاه سويت داطلي واني اشتغل وفات رجل خالتي
سامان- السلام عليكم
بسمه- عليكم السلام
سامان- شون صار اثير
بسمه- احسن بقه نايم جنت خجلانه منه منصيه واحاجيه
سامان- فتحت الفرن اشوف شكو عشه لكيت مسويه بورك شغلت الفرن احمي باوعتلها دسوين
بسمه- هيج لقمه القاضي عجبني حلاه
سامان- وكفت يمها باوعتها اخذت وحده ضكتها طيبه كلش طيبه عاشت ايدج سوي هواي
بسمه- اي عمو تتدلل راح عالنونو شافه وفات بدل وراها اجه يتعشه
سامان- رشا جتي
بسمه- اي
سامان - تعشيت وفتت للغرفه ضليت اتصفن اتذكر كل موقف وكل نضره وكل ابتسامه منها والاشياء الجانت تحبها الله يرحمها بجيت بالغلط خليت ايدي جوه المندر لكيت شي سحبته لكيتها مداليه فضه الجوشن الكبير بيها دعاء وكاتبه بصفه ورقه اذا موجوده اني انطيكياها واذا مموجوده كل عام وانت بخير والله يحفضك من كل شر انهاريت وضليت ابجي فقدت شونً حعيش دونها حسيت روحي تطلع مني
بسمه- سمعته يبجي صوت عالي رحت للغرفها لكيت بفراشه مقرفص ويبجي تقربت منه
عمو عفيه لتبجي الله يخليه ميفيد مسحت دموعه وجريت راسه حضنته سكت ضليت امسد على راسه رفع ايده
سامان- باعي شمخليه مال عيد ميلادي جوه المندر باوعتها واحس حموت من القهر صار شهر وبعدني نفس الالم شسوي
بسمه- دمعت عيني ميخالف عمو هذا امر الله على الاقل بقتلك جزء منها يكبر وياك غمر راسه غطيته وتمدد لبسته المداليه وضليت امشي ايدي على راسه انقهرت عليه كلش وهو بقه صافن لحد ماغفه غطيته سمعت الطفل بده يبجي كمت على كيفي ورحت يمه رضعته ونام
اني هم نمت اول مره انام بليل وكعدت بالخمسه على صوت بجي الطفل كمت رضعته فاتت رشا
هلاو شونج حبي تقربت شفت الطفل اوي فدوه كبران منشنش
بسمه- ابتسمت
رشا- يله حروح للمستشفى بستها وبست اثير ورحت
بسمه- نام الطفل كمت صليت وسويت ريوك اجه
سامان- صباح الخير شو كاعده
بسمه- كعدني النونو رضعته وحسيت بجوع خليت الريوك كدامه واني هم كعدت اتريك
سامان- بسمه اني اعتذر البارحه صحت بيج
بسمه- لا عمو عادي
سامان- وشكرا البارحه نمت مرتاح
بسمه- ابتسمت الحمد لله لبست الدعاء
سامان- لا والله انفتح ومداعرف اسوي
بسمه- هسه اجيبه واسوي لتنزعه حتى تفرح روحها
سامان- باوعتها صدك تفرح
بسمه- انت من مرتاح هي ترتاح وتفرح من تفرح انت
سامان-صحيح هالحجي
بسمه- بيبيتي دائما تكول الميت يعلم
سامان- ابتسمت سبحان الله جيبيها خل البسها جابتها وتقربت تلبسها الي انفاسها تقربت وي انفاسي باوعت بعينها هي هم باوعت
حسيت احساس حلو ودافي تقربت ردت اشتم نفسها اكثر وهي عيونها على قفل المداليه تقربت اكثر ردت ابوسها اشتهيت نفسها كلش هي كلش غمضت عينها بجه الطفل فزينا ثنينه ابتعدت عني نصت واني دخت كعدت راسن شفتها فاتت للغرفه طلعت ومستغرب من حالتي شصار بيه كلبي دك بسرعه رحت للمستشفى كلسا اتذكر نفسها
بسمه- شنو الصار على غفله طلعت من الدنيا
وذبت رحت لغير عالم من اقترب مني مو اني حاسبته مثل عمي تمددت واثير يرضع واني ذايبه من اتذكر كمت كملت شغلي من الطفل نام وسويت اكل كملت كلشي وكعدت بالهول صارت12فتت اصلي وراها كعدت ارضعه كمل ونام سمعت صوت السياره مال سامان بقيت كاعده بالغرفه استحي اطلع
سامان- فتت للبيت ماكو صوت دكيت الباب مال غرفه
بسمه- ادخل
سامان- هلاو شونه اثير وعيوني بعيونها اشوفها اخاف ضايجه مني من تقربت منها جانت خجلانه ومن تحايني منصيه
بسمه- زين
سامان- هاي الاكل صاير
بسمه- ايدبس شوي التمن ديتهده
سامان- اسبح واصلي واطلع اكل
يلحك مستوي مو
بسمه- اي
سامان- باوعتها منصيه تضايقت طلعت وسديت الباب سبحت ولبست وصليت كعدت بالهول انتضر شوي وطلعت جانت لابسه تراكسود اسود يخبل عليها ضليت اباوعها جسمها خشن طول بخشونه بترتيب شعرها حلو وحاجبها ثخين وبيضه كلش وعيونها جوزيه كمت اباوع عليها وكمت اشوفها كمره مووكطفله
اندارت انتبهت اباوعلها نصت واني درت وجهي راسن
بسمه- صبيتلك تفضل ورحت للغرفه انتبهت نضراته متغيره رحت للغرفه بسع صارلي شهر وياه اول مره يباوعلي هيج
سامان- متتغدين لعد صحت
بسمه- بعدني مجوعانه
سامان- شوكت تاكلين لعد تريكتي
بسمه- اي تريكت وياك يحاجيني وناطيني ضهره ضخم كلش عبالك وحش
سامان- تعاي اكلي مدام نايم اثير
بسمه- تنهدت اي جيت صبيتلي وكعدت اكل
سامان- كعدت كدامي اكل واباوعلها من جوه ليجوه مخليتها تنتبه
بسمه- كملت اكل وكمت استحي ابقى يمه بعد
سامان- تعاي وين
بسمه- داروح يم اثير
سامان - تنهدت وكفت همست شنو دتخافين مني
بسمه- لا عمو ماخاف منك
سامان- باوعت بعينها نشف ريكي رفعت عينها بعيني ضلت عيونا متحاضنه تنفسي على غفله تسارع عيونها توكع اكبر واحد وديعجبني ابقى اباوعلها
بسمه- رجع يباوعلي ورجع كلبي دك سريع عفته ومشيت سريع للغرفه طبيت
سامان- استغفر الله مااعرف شبيه شغلت تلفزيون وكعدت بالهول اتفرج وعقلي يمها
