الجزء الثالث
بالمطبخ اللي كدامه يصير الهول داباوع عالحوش الكدامي
رشا- يمه فدوه للبنات ولج شكدوتج وام بيت كرصتها من خدودها شكرا حبيبتي مو اطيب من كلبج
عاشت ايدج عالهدوم تخبل يعني من جيتي لحد الان اني ولا فد يوم طالعه بدون كوي حتى اللي بالمستشفى يكولولي شو مرتبه روحج تردين تعرسين
بسمه- انتي حبابه واني ماعدي خوات وشاريد اجي عليج ومن جيت لهنا لحد الان مرفضتيلي شي ودائما بضهري تستاهلين اكثر يله نامي دوختج باجر عدج عمليات
رشا- باي حبيبتي ديريدبالج على اثير
بسمه- لتوصيني الله عوضني بيه عن ابني
رشا- الحمد لله
بسمه- نزلت مكيفه هيج كلتلي احب يشجعوني ويقدروني هنا
بيت رجلي جانو معتبريني خدامه شسوي يرزلوني ويكولولي موخوش داحس روحي ملكه هنا
نزلت وفتت للحمام مال غرفتي اسبح
لان النونو نايم من سبحته لحد هسه تاخرت بالحمام
سامان- دخلت للبيت ماكو احد شفت الاكل على نار هاديه راسن صبيت واكلت ميت جوع جنت الاكل يخبل جنت بيض وحمايس هسه كله تمن ومرك كملت اكل وغسلت وكعدت اتفرج تلفزيون الفراغ العايش بي مو طبيعي صح جانت هادئه بس بشر مشاركني البيت تذكرت عدي طفل ابتسمت كمت دكيت الباب
بسمه- ادخل
سامان- يابه شو اليوم ماكو واثير مطلع حسه
بسمه مو غسلتله وتعب ونام
سامان- فتحت عيني انتي سبحتي خاف بي شي ركضت عليه فتحت اللفه كلبته كام يتنعوص
بسمه- عمو تره اني اعرف اسبح الطفل
سامان- تنهدت مخترع والله عبالي صار بي شي الحمد لله كام يبجي
بسمه- ههه مو جان نايم ليش كعدته
سامان- اذا تعبانه اني اشيله
بسمه- لا عمو صارلي كومه كاعده دااقره قران بس هو طول نومته جيف غسلتله
سامان - ماشي درضعي وطينيا شوي يمي بالهول
بسمه- اي هسه رضعته لحد مشبع ووديته لابو
سامان- شلته وشميت ريحته فدوه لهالريحه التخبلً ضليت ابوس بي ابتسم دمعت عيني باوعت لبسمه هذا ديضحك
بسمه- اي هو سفيه بس يضحك
سامان- باوعتها باعي جبت جوز عود اكلي مفيد للحليب يقوي دماغه
بسمه- ابتسمت اي عمو خوش هسه اكل من داكوم اغسل المواعين شهكت اذتني بطني
سامان- ها خيرج
بسمه- كعدت كمت الوب نصيت
سامان- خليت الطفل عالقنفه تقربت منها
شبيج شو شيوجعج
بسمه- بطني شو شويه اذتني
سامان- والشويه تاذي تخليج تدمعين
بسمه- توجع كلش
سامان- شو نامي خل افحصج
بسمه- لا ماريد اخجل
سامان- اني طبيب بابا شبيج
بسمه- ماريد عمو نصيت متت خجل
سامان- عفتها اذا بقه الالم باجر اوديج لزميلتي دكتوره لو هم تخجلين منها
بسمه- لا عمو عادي بس انشا ء الله يروح الالم
باجر
سامان- انشاء الله احنا شنريد لعد
رشا نامت
بسمه- اي عمو عدها عمليات باجر ب4الصبح
سامان - اني هم عدي ب7والله شون صرتي هسه
بسمه- راح الالم
سامان- تعاي اخذي اثير ودي لفراشه بسته ابتسمت ونطيتهيا
بسمه- خليته بفراشه ورجعت للمطبخ الملم وحسيت بجوع سويت لفه وكعدت اكل والملم
سامان- اكلج شكو بالثلاجه حاجات محتاجات حلويات
بسمه- كلشي اكو ترايفل وكيك وكليجه ولفه خميره
سامان- جيبي الترايفل بله خل نضوكه
بسمه- نطيتهيا مكيفه ورجعت للمطبخ كملت شغل وكعدت بالمطبخ انفرج تلفزيون وهو بالهول كدامي اندار
سامان- ليش كاعده بالمطبخ تعاي هنا
بسمه-خاف متاخذ راحتك
سامان- لا بابا عادي
بسمه - كعدت انفرج الفلم وياكلسا يباوعلي
ويدير وجهه كمل الفلم
سامان- باوعتها شون صارت قسمتج محاجيتلي خالتج
بسمه- باوعته نصيت تنهدت عادي جان عدنا عرس بت خالي وشافوني وتقدموا وافقت بيبي وصارت القسمه
سامان- زين هو شنو جان شغله
بسمه- بالجيش ملتحق وينطوه راتب
سامان- الله يرحمه باوعتلها ملامحها تغيرت كلها خطيه بعدها صغيره اني رجال وشكبرني يوميه اضل ابجي لحد مااغفى شصار بيها
--
جنتي تحبي لو بعدج ممتعلقه بي
بسمه- تنهدت نصيت اي جنت احبه جان حباب صح عصبي واخاف منه بس نفس الوكت حنين
سامان- ههم بعدج بليل تبجين
بسمه- نصيت دمعت عيني كل يوم
سامان- مخف الالم اللي بكلبج
بسمه- باوعتله عرفت انه ديسال حتى يشوف روحه شوكت تصير عليه اسهل
بالبدايه جنت ابجي اربع وعشرين ساعه وكلشي بي يذكرني وراها كمت ساعتين وراها ساعه وراها من تصير مواقف محتاجته والدنيا تدك الناقصه واحس روحي وحدي وراها كمت من انام بس اتذكره وابجي ومن اتذكر بالنهار ابتسمم وترحمله باوعت لنونو وهسه الحمد لله اجه اليعوضني ويخليني ابتسم الحمد لله ربي ياخذ منا وينطي منا
سامان- باوعتلها كلامها اكبر من عمرها رغم صغرها شافت مواقف صعبه بس مغيرتها
ودائما تشوف الجانب الزين
نايم اثير ؟
بسمه- لا كاعد يتفرج
سامان- طياني خل شويه العب وياه
بسمه- اي هاك هو يحب واحد يسولف ويا
سامان- باوعتلها همزين عده انتي خطيه انحرم من امه
