الحلقة الاولي 😍
احببته رغم عصبيته
زينب: شهودة هاتفك يرن تعالي📲
اني: هي اني جاية عميمة🙉
(طبعا شهد علاقتها مع مرت عمها قوية ❤ وديمة تمشي تساعد فيها بحكم انها معندهاش بنات ومرت عمها كويسة معها واللي تبيه تاخدهولها زي امها يعني مش محساستها انها مرت عمها بكل )
اني: هادي ميما
اني: الو ميما
جدها: بنيتي تعالي عمك يبي يحدد حوايجه ماياكل
اني: حاضر ميما توا نجي هي
صكرت الخط 📱
اني: عميمة هي ناقصاتك حاجة ولا تبي ندير معاك حاجة
زينب: لا كله واتي تمام ناقصة شكلاطة🍫 بس ناديلي محمد كان لقيتيه برا وبعدين راك تنسي باش اتجي باهي وقولي لعمتي باهي شهودة
اني: حاضر عميمة هي باي توا 🙋
طلعت قعدت نتكلم بروحي كيف بنكلمه هدا الدراه عليك حصلة حصلتها
(محمد مايحب يكلمه حد ولا يجي في طريقه حد كلهم يخافو منه 🗣👀)!
شفته لقيته مقعمز في سيارة قدمت لقيت الروشن مصكر بدت
ناشرله بيدي🙅💁🙆 بمعني خش امك تبيك الداخل
هوا بينه وبين نفسه المهبولة هادي شن ادير 😂
فتح الروشن وقرن حواجبه
محمد: 😠تفضلي شن تبي
اني في خاطري مستاحشتك 😤
اني: قالتلك امك تعالي نبيك
محمد: قوليلها مش فاضي
اني كيف بنكلمه
صكر عليا الروشن
مشيت وقعدت ندوي بروحي
مش عارفة علاش شايف روحه البارد هدا يحسابني قعدا علي حسابه بري قوليلها 😤😤😤😤😤
زين: ووووووه بطني من الضحك 😂😂😂😂
اني: خيرك تضحك 😤
زين: وحق ربي كيف كنتي تتكلمي بروحك تقولي طالعة من مستشفي قرقارش 😂😂😂
اني: هدا كله من البارد خوك محمد 😤😤
زين: اكيد ماردش عليك 😂
اني: ماعليك منه برا قول لامك قالك محمد انا مش فاضي
زين: تمام باش اتجي بعدين نبيك ضروري
اني: اكيدة تبيني نلعبلك بلاستيشن 😂
زين: زبطي الموضوع صار 😂😂
اني: اكيد نفهمك ع طاير 😂
زين: احلا شهودة والله 😍
اني: هي سي يو توا 🙈
زين: تشاو
وصلت لحوش جدي
رواد: شوشو جيتي
اني: انعم عمو
رواد: بالله عليك ديريلي حاجة ناكلها 🌭🌮🍝
اني: حاضر عمو 😍
خشيت للكوجينة ندير لعمو بياكل رن هاتفي 📲
لقيته احمد
اني: الو احمد
احمد: شهودة
اني: نعم حمادي
احمد: وراسك كيف مروح من المبارة بنجي لحوش جدي طول ديريلي مناكل
اني: حاضر
احمد: منورة والله هي باي
اني: ههه باي
صكرت الخط
عند حوش عمي مختار
زين: ماما ماما
زينب: انعم وليدي
زين: قالتلك شهد قالك محمد انا مش فاضي
زينب: ديمة وهوا مش فاضي
زين: ولدك وانتي عارفته
زينب: باه سلم ولدي برا خود سيارة من خوك ولا عمك وجيب شكلاطة
زين: علاش ماما من بيجينا
زينب: خوالك
زين: اها تمام اني طالع
زينب: متعطلش قريب يوصلو
زين: حاضر
طلع زين مشي لحوش جده علي خشت احمد معاه
زين: شنو لعبتو الكورة اليوم
احمد: اي توا حول بنخش ناكل
جداهم: بشوية بشوية
احمد: كيف حالك ميما
جداهم : تمام ولدي وانت
احمد: انا جيعان ياميما شهد وين منا
رواد : اهي توا تجي ديرلي مناكل
زين: حتي انا نبي ناكل
جداهم: صحتين ولادي الفايدة فيكم ياشهودة جيبيلهم هيا
اني: هي ميما جيت هي
حطتت شهد السفرة ولتمو عليها كلهم
رواد: تعالي كولي شوشو
اني: لالا صحة صحة
زين: وراسك جيبي شيشة مية
احمد: نوض بروحك بلا بخل
اني: توا نجيبلك
جبت لزين مية شن كملتو
رواد: انا الحمدلله بنوض ندوش وبنطلع وناض من جنبهم
احمد: حتي انا بنروح ندوش ونرقد
جداهم: في حفظ الله انشالله
اني: اميما تبيك مرت عمو قالتلك تعالي هدرزي امي بتجي وخواتي
احمد: متقوليش خوالي بيجو وووك
اني : ههههه اي
زين: يس يس هههه حي عليا نسيت بنمشي نجيب شكلاطة هات مفتاح السيارة
احمد: اني بنوض هاك ورد بالك عليها وناض وروح
اني: زين استنا بنمشي معاك خلي نغسل الماعين
زين : تمام اني البرا نستني فيك
جداهم: تمام ردو بالكم خلي نوض انا نمشي قبل مايجو بيش يلقوني غادي واول ماتجو تعالو غادي
اني وزين: حاضر اميما
اني: زين تعالي ساعدني وراسك
زين: من عيوني قداش عندنا شهودة 😂 هي بري قدامي للكوجينة
ضمينا الماعين وطلعنا ركبنا لسيارة
اني: ولع الاغاني
زين : اتقي الله اغاني شنو حرام احم
اني: توا عاد درت روحك شيخ ههه
زين: مش طالع عليا صح 😂😂
اني: استغفر الله هههه
اني: هي هي ننزلو للمحل هدا خاطري نخشله
زين: هي حاضر
نزلو للمحل
~~~~~~~~
ـ ٲڪـتفـيت بنـفسسي فـلا اححـد يـتـعـب نـفـسـهۂ بـلـفـت إنـتـبـاهـي🙂🖤
~~~~~~~~
في حوش مختار عمها
زينب: تفضلي عمتي
جداهم: هي بنيتي سلمك
زينب : وين تبي تقعمزي عمتي
جداهم: عليك انتي وين تبي تقعمزي اهلك
زينب: تعالي قعمزي في دار الجلوس توا قريب يجو
جداهم: هي بنيتي منا محمد وين
