زينب: باهي دخلها ترقد الداخل
محمد: لا اني كان بنشوف سندس احتمال نقتلها
زينب: عيب بنت خالتك
محمد: ماما غيري الموضوع وراسك وجيبي حاجة تتغطي بيها
زينب: باهي اوليدي
مشت عميمة غادي
سندس كانت تستني في عميمة تكشخ عليا وتهزبني لما تلقاني لاصقة في محمد بس صار العكس وقعدت مصدومة
الجدة: شوفتي شهودة
زينب: اي خدها نوم ورقدت ع محمد
عفاف: تعب البحر
زينب: اي وهي ماكلت شي يناري
سندس: هيا طول الوقت لاصقة في محمد منين بتتعب
عفاف :تحشمي يابنت
الجدة: محمد وشهد واخدين ع بعض
زينب: خلي نرفعلها حاجة تتغطي بيها
زينب : محمد
محمد: نعم ماما
زينب: خود هدا غاطيها بيه وهاك هادم كولهم
محمد: صحيتي ماما
زينب: سلمك اوليدي
مشت عميمة وغطاني محمد
اني: كح كح
محمد: ياروحي مرضت شكلها
قعد محمد ياكل
اني بصوت ناعس : حمووودي
محمد: عاودي شن قلتي
اني: حمووودي
محمد: اول مرة تقوليهالي
اني: اي اوول مرررة ، نقولك حاجة
محمد: قولي
اني: اول مرة نرقد مرتااحة
محمد: بجد
اني: والله حسيت روحي في امان
محمد: باهي ارجعي نني
اني: امباااه
محمد: هي تعالي في حضني
اني: حمودي شن اللي غيرك كنت تكرهني مش طايقني
محمد: انتي غيرتيني
اني: انا
محمد: اي
اني: امباه
محمد: نني
اني: امباه
نضت مع الفجر لقيت روحي راقدة ع محمد ومحمد راقد وهوا مقعمز
نضت بشوية
محمد: صباح الخير
اني: صباح الورد نوضتك صح
محمد: لالا وانتي خيرك نايضة
اني: صقعت نضت نسمة هلبا نبي نخش
محمد: خليك معاي حتي انا صقعان
اني: امباه هاك تغطي
محمد: تعالي خشي معاي نتغطو بيها احني اتنين
اني: امباه
محمد: نبي نسالك
اني: تفضل
محمد: علاش امس لما قلت بنروح شديتي فيا
اني: نبيك تقعد
محمد: وعلاش
اني: هكي
محمد: قولي
اني:ماهو حبيتك
محمد: حبيتيني انا مستحيل
اني: اي انت علاش مستحيل
محمد: مستغرب بس كيف حبيتيني وانا نكرهك وديما نكشخ عليك
اني: خلاص المهم نحبك بس انسي عارفة انك اتحب سندس
محمد: هههههه انتي مطرشقة انا مانحب حد ولو كنت نحبها سندس راني مقعمز جنبها هيا توا
اني: اها نحسبتكم تحبو بعض بس هيا تحبك ياناري
محمد: من جدك تقولي عليها ياناري وهيا لافعة نسيتي امس شن دارت
اني: خيرها مادرتلي شي اصلا نسيت حتي تعاركنا
محمد: ماكبر قلبك ياشهد. حتي انا درت فيك هلبا سامحيني
اني: ع شنو بنسامحك محمد انت شن درتلي مادرت الا كل خير
محمد: درت هلبا ووحدة منهم جرح رجلك
اني: لالا انت مادخلك بجرح رجلي هداك صار في المدرسة
محمد: متكذبيش عليا انا
اني : خلاص صكر الموضوع يهبل الجو في الفجر
محمد: غريبة انتي يابنت
اني: شنو الغريب فيا
محمد: شي
اني: امباااه
قعدنا شوية وبعدها مشينا للاستراحة
لقيناهم نايضين يفطرو
اني: صباح الخير
الكل: صباح النور
زينب: قعمزي افطري بنيتي
عفاف: هههه مشفناكش بكل
اني: كنت عالشط
زينب: خيرهم عيونك حمر
اني: مش عارفة
سندس ونرجس وايمان يشبحولي باستحقار
سندس: شهد بعد نفطرو نتمشو عالشط
اني : اني ماقدرتش نقول لا: انشالله
فطرنا بعدها بدلت حوايجي ونزلنا عالشط
سندس: عجباتك النومة امس
اني: سندس مانبيش انرد عليك
سندس: وعلاش ياسمحة
نرجس: خايفة هههه
وقعدو يضحكو
اني: دوم الضحك 😏
ايمان: يابنات شوفو الطرف هداك
نرجس :هي نمشو نكلموه
اني: هي باي
سندس: تعالي معنا
اني: مش رخيصة كيفكم
سندس: صار احني رخاص عندك وشدوني من ايدي ورفعوني
اني: حولي ايدك مانبيش نمشي
سندس: لو سمحت انت
الولد: هلا كيفكم
سندس: تمام وانت
اني قعدت ساكتة
نرجس: شن اسمك
الولد: حسام
سندس: مشالله عليك طرف حتي اسمك حلو
محمد شافنا من بعيد وجانا والولد هرب
محمد: شن اللي كنت نشوف فيه
اني: والله ماني معاهم
سندس : شهد ياسرك كذب انتي جبتينا معاك وقلتي هدا حبيبي تعالو شوفوه
اني: 😔😔😔 والله لا
محمد: خلاص شفت كل شي بعيوني
مشي محمد من جنبنا ولحقته نجري وخليت بنات خالته ع الشط
اني: والله مالي دخل انا رفعوني بسيف قعدو شاديني
محمد: خلاص كله شفته بعيوني
تسريع الاحداث محمد. معادش كلمني وماشفتاش بكل اني مطلعتش من الاستراحة وخالتهم قعدت معنا وعمو استاجر استراحة تانية بيش يقعدو فيها رجالة قعدت ثلاثة ايام علي هالحالة منهدرز مع حد
قبل مانروحو بي يوم
مقعمزة ع الشط نبكي
زين: شهودة خيرك
اني: ولا حاجة قعمز
زين : باهي ماتبيش تقوليلي خيرك 😔
اني حكيتله اللي صار
زين: نقولك حاجة والله منحبهم والله كرهوني في عيشتي
اني: خلاص ماتقول لحد
زين : امباه توا بنوض انا
اني: حتي اني
مشيت خشيت الحمام حشاكم طلعت لقيت قدام الباب سندس
سندس: ههههه اهم حاجة صدق محمد انه حبيبك ومعادش كلمك
اني: اهم حاجة ربي يعلم بكل شي مش مهم محمد يكلمني ولا مايكلمنيش
ومحمد كان وراء الباب الدار يسمع فينا
سندس: اهم حاجة صدق انه انتي اللي رفعتنا للولد هههه
اني: نقولك حاجة ربي ماينسي حد
سندس: وكيف حال ايديك توا
اني: باااي ومشيت وخليتها
طلعت محمد لقي سندس قدامه
سندس نصدمت 😳
محمد: شن اللي كنت نسمع فيه
سندس: شي كنا نهدرزو
الكــاتبةة:-dooodoo33
