الحلقة الرابعة
احببته رغم عصبيته
محمد: السلام عليكم
مختار: محمد وين شهد
محمد: خليتها مقعمزة قالت شوية توا نجي
زين: وكيف تخليها بروحها
زينب: خلوها بالك تبي تقعد بروحها
زين: يما الساعة عشرة راه
مختار: عادي ونس البحر
محمد: شن بيجيها
الجدة: هيا بنيتي اليوم والله ماكلت حاجة
رواد: انشالله خير وخلاص
زين: انا بنمشيلها
محمد: خليك توا نمشيلها انا
عندي انا دايخة مش قادرة نوض
جاني محمد
محمد: شهد شهد خيرك
اني: تعبانة هلبا
محمد: من شنو شهد
اني: من كل شي
محمد: ماكليتي شي صح
اني: اها
محمد: نوضي كولي بريوش وعصير جبتهولك
اني قعدت ناكل شوي شوي
محمد: شن توا
اني: باهي احسن شوي
محمد: نزيدك
اني: لالا نبي نوض نعسانة بنرقد
محمد: احكيلي خيرك
انا قعدت نحكي بدون مانحس
اني: محمد اليوم جي خالي لحوش جدي
محمد متفاجاة 😳
محمد: انتي وين تعرفيه خالك
اني: اليوم بعد روحت من حوشكم لقيت عمو تصبحت عليه وشفت راجل غريب قعدو هما وعمو يتعاركو خالي يبي ياخدني معاه هكي فهمت من الموضوع
محمد: بياخدك كملي كملي
اني: اني مافهمتش شي وعلاش ماقلوليش مش عارفة بعد ماوصلنا اهني مبكري مقعمزين امك وبوك يتكلمو بشوية وبعدها قلت نبي نطلع ع الشط طلعت ورجعت بنلبس شبشب سمعتهم يدوي عمو ع راجل وقالو انه يكون خالي وبديت نبكي
محمد: تحكي بجد 😔
اني: اها انت اكيد تتمني نمشي 😔
محمد: باهي امسحي دموعك
حظني محمد بعدها حسيت براحة شعور جاني حسسني انه انا في امان
اني: ياريته امي وبوي عايشين ولا قعدت متمرمدة هكي 😔
محمد : انتي في حوشك امتي تمردتي
اني: مهما كان انا هكي وحيدة بروحي اميما انشالله بعد عمر طويل تموت انا ماعادش عندي حد
محمد: عندك احني
اني: مهما كان مش اختكم
محمد: باهي خلاص معادش تبكي
اني: تخايل خالي يرفعني نعيش مع ناس منعرفهمش حتي وقت ماتت ماما ماسئلوش عليا هادم كيف بنعيش معاهم
محمد: اسسسس خلاص انتي معنا
اني وبدي نوم ينعس
اني: محمد
محمد: نعم
اني: شن اللي يغيرك وتهدرز معاي
محمد: حبيت نسمع خيرك بس
اني: اها
محمد: اي
قعدنا ساكتين
انا نبكي بس بدون صوت لين خداني نوم
اما محمد تايه ومصدوم ويفكر في الموضوع
محمد: التيشرت نبل من دموع
شهد شهد
اني: نننععم
محمد: هههه رقدتي
اني: اااي
محمد: امباه نوم العوافي
اني: مممحمدد
محمد: انعم
اني: اااوول مرة نسمع ضحكتك
محمد: امباه هاتفك عندك
اني: اااي
محمد: اعطيه ليا
مديتله الهاتف ورقدت
~~~~~~~~
°
°-
أُحب التأمل فيڪ, لڪن أخجل من عيناڪ ڪثيراً "💙"
°
~~~~~~~~
قعد محمد يتفرج علي هاتفي فتح الفيس يحسابني ضايفة اولاد لقاني ضايفة عمو وزين واحمد دارلهم الغاء طلب صداقة وصكر النقال وبعدها قامني ورفعني للاستراحة
نضت الصبح طلعنا البرا وفطرنا ونسيت موضوعي بكل لان حكيت لمحمد حسيت روحي ارتحت قعمزنا نهدرزو مع بعضنا
الجدة: زينب هاتفك ايرن
زينب: وينه
اني: تفضلي عميمة
محمد: صباح الخير. يقول فيها ويشبحلي
كلنا: صباح النور
زينب: والله في البحر بتجو انا والله مانعرفه قولي لراجلك يتصل بمختار
محمد يكلم فيا: امي فمن تكلم
اني: مانعرفش ومديت شواربي
محمد: اميما في مني تكلم امي
الجدة: خالتك يمكن
زينب: اختي بتجي
محمد: ايح علينا وطلع لشط يتمشي
زين: شنو بنروح انا معادش قاعد
اني: ههههههه.بسم الله امتا نضت من نوم
زين: ماهو سمعت بخالتي بتجي 😅
زينب: تعرفي ياعمتي علي ماقد يحبوهم صغاري يكرهو خوالهم
الجدة: الله غالب هكي من صغرهم سبحان الله ههه
اني: بنمشي نعوم
الجدة: ردي بالك ع روحك
نتمشي علي الشط. لقيت محمد مقعمز خطمت من جنبه
محمد: وين ماشية
اني: بنعوم
محمد: متبعديش بعيد
اني: نعرفش نعوم اصلا
محمد: هههه خلي عومي بعدين
اني: اممم باه قعمزت جنبه
قعدنا مقعمزين ع الشط ونشوفو في صغار كيف يلعبو
محمد: من خالتي اللي بتجي
اني: خالتك عفاف
محمد: بجد تحكي
اني: اها اكيدة فرحان حبيبة القلب بتجيك 😏
محمد: ع منو تقصدي ومن هيا حبيبة القلب وانتي علاش تقولي فيها هكي هههه
اني: سندس 😑
محمد تفاجاة وسكت وقعد يحكي بينه وبين نفسه مطرشقة الفرخة هادي
معادش لقيت من نحب سندس
اني: شن فيه يضحك
محمد: هههه لالا شي
اني: امباه بنوض انا
محمد: مزال خليك
اني: اونه شرفت خالتك وسندس جت شورنا
محمد: خليك قعمزي
اني: منحبهاش بنوض
نضت وتلاقيت انا ويها سلمت عليها ومشت جنب محمد
اني: تدحنس جنبك حق وانا شن دخلي فيها هيا وياه 😡
سندس: اهلا محمد
محمد: تكلمي فيا
سندس: قعمزت اي
محمد: بكل جراءة قعمزت جنبي اني نايض
سندس شدت في ايد محمد وناضت
عندي انا
الكـــاتبةة:-dooodoo33
