الحلقة الثالثة
مشيت لعميمة
لقيتها توتي في الحجات تصبحت عليها وضميت معها وتيت شن ناقص وكملنا
زينب: سامحني بنيتي تعبتك
اني: عادي عميمة
زينب: بري نوضي احمد في المربوعة
اني: حاضر
خشيت للمربوعة كانت كلها ظلام ومصقعة باردة
اني: الله والله فيها نومة تهبل 🙈
محمد يسمع فيا
جيت بنوض احمد
اني بصوت واطي: حمادي نوض حمادي
محمد: من حمادي متعك شني ديري في الحولة
اني: والله نحسبته احمد راقد اهني
محمد: عارفه جو الاستعباط اللي ديري فيه اطلعي اقلبي وجهك
طلعت خشيت لعميمة
زينب: اهو احمد كان يكلم فيا قالي بايت مع عمي بس محمد غريبة مهناش في داره
اني: منا نمشي نشوفهم شن يبو
زينب: باهي
طلعت لقيت عمو رواد
اني: تباح الفل
رواد: صباح الورد
اني: عمو الساعة كم
رواد: العشرة
اني: هيا نمشو
رواد: خيرك مستعجلة
اني شبحت راجل من بعيد
اني : عمو في راجل شوفه
رواد: منو هدا زعما كاأني شايفه خلي نمشيله
عمو مشي لراجل وانا خشيت قعمزت مع عمو واميما
في حوش مختار
محمد: صباح الخير يما
زينب: صباح الورد وين كنت راقد
محمد: في المربوعة
زينب: حي انا نحسبته احمد راقد غادي وبعتت شهد تنوض فيه
محمد سرح حي ظلمتها مرة تانية نحسبتها خاشة بروحها تتصلق خيرك يامحمد هكي قطعت تفكيره امه
زينب: نديرلك فطور
محمد: ديري
اما عندي انا نسمعو في صوت عمو وراجل يتعاركو
مشينا نجرو
راجل: والله لما ناخدها ونرفعها معاي وتوا اتشوف مش اليوم الايام الجاية
رواد: منو بيخليك كان يصير فيها دم
اميما وعمو مختار عرفو منو الراجل بس انا منعرفاش
مختار: اطلع توكل علي ربي
راجل: اني ماشي لكن ديروها في بالكم بناخدها
طلع الراجل وكانت اميما الخوف في عيونها
مختار: هي انسو اللي صار وتو روحكم بنمشو
قعدنا نوتو في رواحنا ومشينا اجرنا استراحة كانت علي البحر الجو يهبل ساوينا الحجات في مكانهم وكملنا قعمزنا
عمو مختار كان يكلم في عميمة زينب بشوية
واميما ساكتة وعمو رواد دخان ورا دخان اما محمد علي الشط واحمد ياخد في سيلفيات وزين رقد اول ماوصل
اني: اميما خيرك
الجدة: شي بنيتي وانت رواد ياسرك من الدخان
مختار: شهد خيرك ماطلعتيش للبحر غريبة
اني: اهو بنطلع تبو حاجة
مختار : سلامتك
رواد: ردي بالك ع روحك
اني: حاضر عمو
طلعت البرا مالقيتش شبشب نلبسه خشيت بنجيب نسمع في عمو يقول
رواد: شن يبي فيها بعد السنين هادي كلها
انا معرفتش علي من يقصد وكنت بنمشي بس سمعت اميما تقول بنيتي كان تسيبني نموت قعدت واقفة نسمع
زينب: تعودنا عليها البنية
مختار: ولا ماني مخليه يخدها توا تفكرها من وقت ماتت اخته مسالش عليها بكل
اني نصدمت عرفته يكون خالي طلعت نجري بس مشافني حد قعمزت علي الشط قعدت نبكي شافني محمد كيف نجري جاني كنت حاطة راسي علي رجليا. قعمز جنبي
محمد: قعمزت جنبك مش حب فيك راه ع خاطر نشوف في ولد ماشي جاي 😏
اني قعدت ساكتة ونبكي بصوت
محمد: اسمعي فيكيني من جو الافلام والدوشة
اني قمت راسي وكانو عيوني حمر ومعبيات دموع
اني: ياريته عيشتي حلم مش حقيقة وجيت بنوض من جنبه شد في ايدي قعمزني
محمد: شهد تبكي بجديات
اني: وفيه حد مستاحش الدموع وقعدت نبكي
محمد: احكيلي شن فيه
اني: ولا حاجة وسمعت عمو ينادي فينا ع الغداء
مسحت دموعي ومشيت نغسل في وجهي
محمد: نكلم فيك قعمزي وقوليلي خيرك
اني: محمد اس بالله عليك توا توا نقولك بعدين نبيش حد يعرف اني كنت نبكي ارجوك
محمد: تمام هي نوضي تغدي
اني: واضح كنت نبكي
محمد: تي عيونك حمر
اني: باهي شن رايك تكشخ عليا قبل مانخش ع اساس نبكي منك انت
محمد: باهي
مشينا للاستراحة وقبل مانخشو قعد محمد يكشخ عليا
زينب: خيرك ع البنت
محمد: هكي كساد
اني: خلاص عميمة مافي شي
زينب: هي خشو تغدو
اني: توا نتغدي بعدين بنرقد توا
خشيت قعدت نبكي في مكاني وكانو يحسابوني راقدة طلعت مع المغرب راسي متصدع وكانو مقعمزين كلهم ويهدرزو
اني: مساء الخير
الجدة: صح النوم بنتي بري كولي حاجة
اني: حاضر
مختار: خيرك معومتيش
اني: عنديش نية ههه
رواد: انتي معندكش نية
احمد: هي نمشو ع الشط،
اني: هي 🙊
قعدنا نتمشو انا واحمد لعند الساعة تسعة لقينا محمد مقعمز ع الشط
احمد: انا تعبت
اني: وحتي اني
محمد: شهد منسيتش راه
اني خفت
اني جيعانة بنوض ناكل
احمد: هي نمشو مع بعض
محمد شدني من ايدي انتي خليك
احمد: انا ماشي 😂😂
قعدت قعمزت
محمد: خيرك تبكي
اني: وعلاش تسال مش هامتك انا
محمد: اكيد بس سخفتيني حق😏
اني: امباه 😔
محمد: فكيني من جو الافلام ارجوك
اني: باهي شن تبيني بنوض
محمد: نوضي
انا نضت كيف وقفت حسيت الدنيا دور بيا
رجعت قعمزت
محمد: شكله عجباتك تقعميزة جنبي
اني مانسمع في شي حاسة دنيا دور بيا
محمد: انا بنوض
ناض من جنبي محمد
وانا دخت معادش نشبح في شي رقدت
~~~~~~~
°
°
• فيٰ ﺄلحقيقـةه ﺄلتلمٰيح فيٰ ﺄلمشآعر..
• ﺄجمٰل مِن ﺄلمٰصآرحـةهّ بههآ ،💭💕!ء
~~~~~~~~~
عندهم
رواد: احمد وين شهد
احمد: مقعمزة جنب محمد
الجدة؛ اهو محمد جي وشهد مش معاه
________________
الكــاتبـةة:-dooodoo33
