إعجاز قلبه ..... وجعي 😞

البارت الثالث

خطوبة ميس

#ميس :-
بعد ما تزوجت أختي سهى
تقدملي شخص
نوعا ما يحمل كل ما أتمنى شهاده وسمعه وأخلاق وشغل وما كان اكو سبب للرفض
وبحكم علاقتي بسالم أخذت رأيه وأيدني أن أوافق
لان الحياة فرص والعمر يمشي وأني رفضت هواي لخاطر دراستي وليلى هم عرفت بالموضوع وما قبلت تحجي وياي لحد ما نلتقي
تگول الحجي مو مال تليفون
وبيوم بتت يمها

#ميس :- أي للوش گولي شنو الموضوع ألي ردتي تحاجيني بي قبل خطوبتي الرسمية

#ليلى :- أريد اسالج سؤال بس أوعديني تجاوبيني بصراحه

#ميس :-أكيد گولي

#ليلى :- أنتي مقتنعه بالخطوبه يعني سالم ميعنيلج شي ؟

#ميس :- للمره الأخيرة راح اگلج ولج ليلى اسمعي وفهميني سالم اخوييييي
وازيدج من الشعر بيت أني حاسه بيج والي بگلبج أتمنى يصير
سالم يستاهلج وأنتي تستاهلي واثنينكم لايگين لبعض 😉😉

#ليلى :- شنو شنو أنتي شتحجين أني....

#ميس :- اششش ميحتاج تره أني أعرفج وصدگيني افرحلج فكري بگلبج واعترفي بمشاعرج أنتي تحبي ولا تنكرين واذا علية الله شاهد ما بيوم خليته ببالي
صدگيني سالم خوش ادمي ويحافظ عليج
وهسه راح أنام وأنتي هم نامي لتفكرين باجر ورانه فره بالسوك

#ليلى :-
صار ثاني يوم ورحنه للسوك وجهزنه ومرت الأيام واجه يوم الخطوبه وتمت الحفله والعقد

وميس طلعت مثل اللعابه ما يعيبها شي
وخلال شهرين راح يتم العرس

وبخلال فترة هاي الشهرين اني وميس وسهى نطلع للسوك ونجهز ونروح للصالونات ونختار موديل للعروس

وعلى فكره سهى عرفت بعلاقتي بسالم
واثنينهن يگولن أنتي تحبي وأني أخاف أعترف
بس بداخلي أني صرت أعشقه

مرت الأيام
وأني بعدني أتواصل وي سالم وصار حبه يزيد بداخلي وما صرت أنكره صرت بكل ساعه أسولف وياه
صار روحي من الدنيا
بس كل هذا وهو ميدري أحبه صعبه علية اگللهيا

وبيوم إجه موعد زواج ميس
والتهيت وياها وكانت فعلا ملاك ببدلتها البيضة وهي قطعت علاقتها بسالم
واني بقيت على تواصل وياه

#سالم :-
قبل خطوبه ميس صديقتي وأختي تعرفت على بنت جيراني الي هي بنت عم ميس ليلى
بنيه سمره ومتوسطة الطول ومحجبه وعيونها تدوخ الي يشوفها
تنگع بوسط الكلب
بقيت علاقتي وياه سطحية واثگل بنفسي عليها خطيه ما أريد تحبني وتنصدم بية بعدين
بقيت أتعامل وياها كأخت
وما قربت أكثر
ما أريد تحبني وتنصدم بية

#ليلى :-
اااااخ يا سالم ليش جامد يا ربي ولك ليش متحس بية
ليش هيج يا ربي شسوي
😧😧
#سهى :- ها للوش ليش صافنه
#ليلى :- ها ماكو شي
#سهى :- تفكرين بي مو ؟
#ليلى :- منو هو !!
#سهى :- سالم
#ليلى :- شو سكتي عني لخاطر الله
شتحجين أنتي لا تسويلي سالفة تعرفين اهلنه أنتي
#سهى :- ولان أعرف اهلنه دا احجي وياج
يا بنت عمي وأختي وحماتي
العني الشيطان وخلي عقل براسج وعرفي وضعج لا تظلين هيج
#ليلى :- شتقصدين ؟
#سهى :- لو تعترفيله لو تتركي
ترى دا تتعذبين ودا يبين عليج حتى لو مو قابله تعترفين بحبه
#ليلى :- الله كريم

#ليلى
ومرت الأيام والليالي وصار على علاقتي بسالم 3 سنوات ولحد هاللحظه ما بينتله حبي صار عمري 22 سنه وهسه احنه ب2018  واجه شهر رمضان

في بعض الأحيان نحتاج الى جرعه من الجرأه لنحظى بتلك القوه التي تجعلنا لا نسقط ولا نكسر مهما واجهنا في الحياة من ألم او صعوبات
😃😃

اليوم ميس فطورها يمنه
بعد ما فطرنه وكملنه
ومثل أي عائلة عراقية نبقى سهرانين للسحور
وبهذه الاثناء اجتني ميس

#ميس :- للوش بعدج تحجين وي سالم ؟

#ليلى :- اي ليش ؟

#ميس :- لا هيج أسأل
واريد اگلج سالم خوش ولد لا تضيعي من ايدج

#ليلى :- ميس شبيج شنو لا اضيعه من أيدي أنتي نسيتي اهلنه شيسوون اذا عرفو

#ميس :- لاني ما نسيت دا اگلج بينيله حتى لو يجي ويكون زوجج لو اتركي

#ليلى :- اووووووه ميس فدوه عوفي الموضوع فدوة اروحلج
#ميس :- تمام تمام براحتج

في غرفة اخرى
#ميس :- ميفيد بعدها تتواصل وياه ومدا تسمع كلامي شنسوي

#سهى :- اسكتي انتي اني الي راح اسوي

#ميس :- شراح تسوين ولج

#سهى :- 😒😒
الج الصافي بعدين تعرفين 😉

#ميس:- شتقصدين ؟!

#سهى :- ما أقصد هيج معليج

في يوم آخر

#سهى :- للوش حب انطيني موبايلج أريد اخابر ميس وما عندي رصيد

#ليلى :- تدللين اخذي

#سهى :- شكرا
ليلى:- العفو ولو

الكاتبة❤ هنادي

••••••••••••••••••••••••••••••••••••••••••••••••
تصويت + تعليق= بارت جديد

انطوني ارائكم وتوقعاتكم شراح يصير بالبارت الجاي

ليلى راح تعترف بحبها؟
سالم يحب ليلى لو دا يضحك عليها؟
شنو الي يقصده ليش ليلى تنصدم ؟
يا ترى هو يحبها لو دا يلعب عليها لو شنو وراه؟
شنو الي يدور براس سهى ؟

شتتوقعون 😉😉

هنادي❤ أحبكم