من هو العاجز يا ترى ؟
قلبك أم قلبي ؟
أن كان قلبك فلم قلبي متوقف عن النبض بالأمل
هنادي❤
#ليلى
بعد فترة گدرت أستعيد عافيتي لأن قررت لازم أكون قويه
لخاطر سالم
سالم ألي وصاني على نفسي ورفض حبي بسبب مرضه
رفض يشوف دموعي وحزني
ورفض يموت وأني يمه حتى ما يجرحني
وبمرور الوقت گدرت أرجع أتواصل وياه
أسأل عنه وعن صحته ووضعه
ومرت أيام وأيام وأيام
حب سالم بداخلي زاد
أطلع وأضحك وأعيش وأدرس وكل مسيرة حياتي ماشيه
بس من أرجع آخر الليل لفراشي ميخطر ببالي غيره
وكل ما ينقبض گلبي
أگول توجع حبيبي
وظليت أتواصل وياه وأسأل عنه وأعرف وضعه
وأنتظر وياه لو رحمة ربي وشفاءه لو بيوم ما يرد علية وأعرف منها گلبه وگف ووگفت حياتي وياه😥
وبعد فترة وبيوم من الأيام
صار أتصال بيني وبين سالم
#سالم :- شلونج ليلى شخبارج ؟
#ليلى :- الحمد لله سالم أسأل عنك أنت شلونك وين ما وين ؟
#سالم :- أني بعدني عايش ما متت
#ليلى :- بعيد الشر عنك لا تگول هيج
شلون صرت؟
ملتزم بعدك بالعلاج مو ؟
#سالم :- أي ملتزم بس تعبت والله تعبت
ماكو تحسن
#ليلى :- أش لا تگول هيج أنت متتعب لخاطري راح تبقى ملتزم بالعلاج وراح تشافه والله كريم
#سالم :- والنعم بالله
اگلج ليلى ممكن أسالج سؤال؟
#ليلى:- أي تفضل
#سالم :- تجاوبيني بصراحة؟
#ليلى :- أكيد ليش شكو تره خوفتني ؟!
#سالم :- لا ماكو لا تخافين
بس أريد أعرف ليلى أنتي بعدج تحبيني ؟
#ليلى:- أي سالم
أني أحبك
#سالم:- الله ياخذ سالم الله ياخذه
#ليلى:- ولك ليش هيج تحجي أسم الله عليك بعيد الشر عنك يومي قبل يومك
#سالم :- ولج ليلى أني هم أحبج أحبج ولج أحبج
#ليلى:- شنو أنت شتحجي ؟😮😮
#سالم:- أي ليلى والله أحبج
بس أني عاجز عاجز تعرفين شنو عاجز
ما تمنيتج تحبيني ما ردت حبج وعذابج
ما ردت أموت وأعوف وراي وحده تبجي بسبب حبي ما ردت هالشي
رفضت حبج وما بينت حبي الج بس حتى تكرهيني وما تتأذين من أموت بس ما فاد بعدج تحبيني بعد كل هل وقت بعدج تحبيني
وأني أموت عليج
#ليلى :- اششش كافي كافي لا يتعب گلبك مو زين عليك الأذيه خلص لا تحجي شي
#سالم :- سامحيني ليلى
ما اگدر أسعدج وأبقى وياج
#ليلى:- مسامحتك والله مسامحتك
#ليلى :-
وهيج عرفت سالم يحبني وأني أحبه بس المرض أصعب واقوه منه💔💔💔
لهنا تنتهي قصتي وأني بعدني على تواصل وياه وهو بعده على مرضه ماكو أي تحسن
الي أريد أوصله حتى لو كان الحب من الطرفين والأهل ما عدهم اعتراض وكل شي تمام بس النصيب مو رايد الحب يكتمل
راح ينشأ شي مثل المرض يقتل الحب وينهي الحياة
أتمنى تدعون لسالم الله يشفي مو لخاطري بس لخاطر شبابه
تحياتي الكم وشكرا لكل من دعى لسالم
اختكم ليلى💔💔
قد ينمو الحب بداخلنا 💓
لكن يا ترى هل ينمو النصيب 😒
الكاتبة💓 هنادي
••••••••••••••••••••••••••••••••••••••••••••••••
وانتهت قصة سالم وليلى بالمرض
بس حبهم ما انتهى لحد هذه اللحظه
ادعو لسالم بالشفاء
عسى يحصل هذا الحب على ثمرته بفضل دعائكم
لهنا تنتهي قصة متابعتنه ليلى
وانتظروني بقصة جديدة أيضا حقيقية
الكاتبة🌸🌸هنادي
أحبكم
أتمنى دعمكم وتصويتكم على كل بارت
بالاضافة الى متابعة الحساب ليصلكم كل جديد
وقراءة قصصي الاخرى والتصويت لهم
أنت تقرأ
إعجاز قلبه ..... وجعي 😞
Romanceقصة حب من طرف واحد كما تظن هي وكما يتمنى هو تتحدث عن فتاة هي إحدى متابعيني أحبت شخصا لمدة 3 سنوات لكن ما الشي الذي أجبرها الابتعاد عنه وما الشي الذي جعله لا يبوح ولا يسمح لنفسه الاقتراب منها تابعوني لتعرفو تفاصيل القصة أكثر
