كل منا يحتاج الى فرصه
ربما تكون فرصة تعلم
او فرصة نجاح
او فرصة مليئه بالأمل
لكن ما بالكم بفرصة التعبير فهي أكثر أنواع الفرص أحتياج لدينا
فدعونا نعبر بسلام عما يجري في داخلنا مع صراعنا النفسي
هنادي❤
بعد أن أخذت سهى الهاتف فهي لم تتصل بميس بل قامت ب
محادثة الهاتف !!!؟
#سهى :- السلام عليكم
#سالم :- عليكم السلام
هلو ليلى شلونج مشتاقلج شكو ماكو أخبارج
#سهى :- ليلى الحمد لله زينه أني سهى بنت عمها وأختها وزوجة أخوها وصديقتها
ودا احجي وياك بموضوع خاص بليلى وأتمنى تسمعني وتفهمني
#سالم :- أهلا وسهلا أخت سهى تفضلي خير أن شاء الله ماكو شي
#سهى :- الحمد لله لحد الان ماكو شي بس اذا بقه هيج الوضع يصير أكو شي
#سالم :- يا ستار يا رب سولفي عيني دا أسمعج
#سهى:- ليلى واگعه بالحب وأني أريد أساعدها قبل ما أحد من أهلها يعرف وتصير مصيبه عليها
#سالم :- شنوووو ليلى تحب منو وشوكت وشلون وليش ما گلتلي ؟!
#سهى :- واكو وحده عاقله تگول لواحد ما عنده ذره شعور وإحساس وگلب أني أحبك وتكسر گلبها
#سالم :- شنو أنتي شدا تحجين شتقصدين من كلامج؟
#سهى :- ألي أقصده يفهمه ويعرفه كل إنسان قريب على ليلى ويشوف عيونها
ليلى تحبك يا سالم تحبك وبعد ماكو مجال أتركها بعذابها
اذا ليلى مو البنيه الي تهواها أبتعد عنها أترجاك كافي تتعذب بسببك وماكو داعي تحجي وياها لا دافع صداقة ولا خوه
أني هذا العندي ويا ريت تنفذه
#سالم :- الله كريم
ميصير خاطركم ألا طيب راح أحاول أشوف طريقة أبتعد عنها لان أني ما اگدر اسعدها وبنفس الوقت ما اگدر أكسر گلبها
الله يعيني على الجايني والله كريم
أني مو مال حب ولا هيج سوالف أني ياخذني ليلي يجيبني نهاري
وملخص گليلها أني ما أفيدها عليمن أنتظر طريقه وسلميلي عليها
في أمان الله أختي
#سهى :- الله وياك ولا تنسه أبتعد عن ليلى
#سالم :- تدللين أنتي وليلى
#سهى:- هاج ليلى هذا تليفونج ويا ريت تنسين اكو سالم بالدنيا عيشي حياتج وأصحي على نفسج سالم ميحبج وتخلى عنج
#ليلى :- شلون أنتي شتحجين وشمدريج ؟!😮
#سهى :- أني ما أتحمل أشوف عذابج ودموعج أقري المحادثة وتفهمين كل شي
#ليلى :-
أخذت التليفون وقريت كل شي ومن دون شعور دموعي صارن ينزلن وكتمت صرخه بداخلي توصل للسمه
تحطمت گلبي أنكسر من الصارلي
وما حسيت على روحي شصار بعد غير أن أني بالمستشفى حاليا فقت أصرخ وأصيح خابروه خابروه فدوه خابروه
أمي أخوي أبوي سهى كلهم واگفين
وعلامات التساؤل والصدمه من ألي صارلي والهستريا الي أني بيها ظاهرة على ملامحهم
لحد ما أخوي وأمي نطقو وگلولي ألمن نخابر؟!
وأني بس أبجي وأصرخ
بس سهى تدخلت وگالت هذه ليلى مأثر عليها العلاج چنها تحلم بشي لسه ما واعيه لوجودنه خل نتركها ترتاح
وبعد يوم طلعت من المستشفى
والكل ما عنده خبر بالي صارلي غير أن ضغط الدراسة برمضان هو ألي أثر علية وعلى صحتي
وبهيج گدرت أرجع لحياتي من دون علم أهلي بشي
وظليت أبلع ألمي ووجع گلبي وأداري جروحي بنفسي
مريت بأزمة محد وگف وياي بيها عدا سهى بكلامها وتصبيراتها
وأني أموت أموت أموت يوم بعد يوم
الشوق الحب الألم المشاعر
كل شي أختلط عندي صار بداخلي وجع حسيت نفسي مغدوره ومكسوره
ليش شبيه شناقصني ؟
ليش ربي ليش دخلت حبه بگلبي؟
ليش هيج صار وياي ؟
تساؤلات بداخلي ذبحتني
يا ترى راح اگدر انسه واتخطه أزمتي وارجع أعيش من جديد
((مقتطفات البارت الجاي))
#سالم :- ومتردين تعرفين سبب أبتعادي عنج ؟
#ليلى:- لا يهمني أعرف
الكاتبة❤هنادي
••••••••••••••••••••••••••••••••••••••••••••••••
تصوييييت
بلييييز اضغطو على النجمه 😍😍
وتعليق حلو منكم لرايكم بالبارت وتوقعاتكم
ليش سالم رفض حب ليلى ؟
شنو راح يصير بليلى ؟
وشنو تتوقعون راح يصير بالبارتات الجايه ؟
هنادي😘😘 احبكم
أنت تقرأ
إعجاز قلبه ..... وجعي 😞
Romanceقصة حب من طرف واحد كما تظن هي وكما يتمنى هو تتحدث عن فتاة هي إحدى متابعيني أحبت شخصا لمدة 3 سنوات لكن ما الشي الذي أجبرها الابتعاد عنه وما الشي الذي جعله لا يبوح ولا يسمح لنفسه الاقتراب منها تابعوني لتعرفو تفاصيل القصة أكثر
