اجو اهل الولد ياخذوني جان ابوي وعمي رادون يدزوني الهم بس همه اجو ودعت اهلي واني بس بجي
جوده: يمه راح اروح بالج ع نفسج
ام جوده: يمه راحت بنيتي يمه بالج ع نفسج بعد روحي يمه جوده
ابو جوده: بويه سامحيني.
جوده: الله يسامحك بويه الله وياكم
وجان الكل يبجي امي وابويه وعمي وزوجته والبنات واني البجي ممفارگني صار ل3 وتعبانه حييل
ابو مهند: احمد جيب مرتك وخليها بالسياره
احمد: بويه لاتگول مرتك
ابو جوده: ابو مهند خويه بالك ع جوده
ابو مهند: خويه جوده بعيونه لاتخاف
صعدت بالسياره وعيوني ع اهلي وبس ابجي طول الطريق طبعا اني ماشايفه احمد ولاهوه شايفني لأن جنت امغطيه وجهي وصلنه للبيت دخلت صاح عمي ابو مهند
ابو مهند: ام مهند تعالي اخذن البنيه صيحي للبنات
ام مهند: المن جبتوها اريد ثار ابني بالدم مو جايبلي وحده حته موواخته
ابو مهند : كافي مااريد اسمع حجي زايد اشوي يجي الشيخ ويعقدلهم
بقت الحجيه تحجي عليه وطبعا ماالومها لأن ابنها راح من ايدها الله يساعدها بقيت گاعده بالصاله ثار المغرب اجه الشيخ عقدلنه
ابو مهند : حنين ايناس ودن البنيه لغرفتها
حنين: ان شاءلله يابه
ايناس: يابه احمد وين
ابو مهند: مااعرف طلع. بويه بالجن ع البنيه تره مالها ذنب
ايناس: من عيوني يابه
صعدت للغرفه مالتي ويه البنات وجانت كلش حلوه ترتباتها وشغلاتها
حنين: لاتبجين جوده انتي مالج ذنب واني وايناس هنا مثل اخواتج واي شي تحتاجين بس صيحي علينه ولاازعلين من امي تره طيبه بس جرحها بعده
جوده: حبيبتي تسلمين اعرف حقها امج اسوي اكثر ماالومها
حنين: اخليج ترتاحين
جوده: شكرا حبيبتي
خليت شغلاتي بالكبد ودخلت للحمام سبحت وبدلت وكملت وطلعت انشف شعري وامشط انفتح الباب ركضت لبست شالي
احمد: ابوي دزني گلي اصعد لمرتك واني ميت قهر منها فتحت الباب ركضت لبست شالها شفتها عليها اعيون يموتن بس مقهور منها لزمتها من شعرها وشمرتها ع الجربايه
جوده: وخر هاي شبيك
احمد: شبيه اني احمد الي اخذتو اخو وقهرتو
جوده : واني شدخلني
احمد: لادخلج واليوم اله اموتج
جوده: شحدك اتمد ايدك خليك محترم
احمد: اني محترم وشيخ وتاج راسج ولاترفعين صوتج عليه
بده يضرب بيه واني بس اصيح وابجي واخواته يدگن ع الباب وهوه لاعبالك اتگول وحش
احمد: قهرتني زياده باللسانها الطويل مديت ايدي عليها وبسطتها وخليتها تتقيء دم وخليت وطلعت عنها بس طلعت بندم لأن مو طبعي امد ايدي ع مره
بقيت ع الأرض مثل الطير المذبوح حلگي وخشمي يجرن دم دخلن ايناس وحنين
حنين: جوده اگعدي الله يخليج راح اتموت البنيه الله لاينطيك احمد
ايناس: هذه اتخبل شنو ذنبها البنيه. حنين روحي جيبي ماي وتعالي بسرعه
حنين: اوك
جابن البنات مي ورشن ع وجهي. وساعدني اگوم ع طولي واني حيلي مهدود من الضرب نمت ع الجربايه طلعن البنات واني بس ابجي نمت ع البجي
احمد: ياربي اني اسويت، ،بس تستاهل ليش اطول اللسانها واله اخليها تتمنه الموت اني مااريدها اني احب مريم
گعدت الصبح الساعه 6 نزلت لجوه للمطبخ لگيت الكل نايم نظفت البيت وسويت ريوگ واشوف باب المطبخ انفتح
أنت تقرأ
فصليه السمره
Fantasyالسلام عليكم ورحمة الله وبركاته الكاتبه. بنت الهدى القصه تتكلم عن بنيه فصليه الي حبها زوجها كثر من روحه لكن بعد ماعذبها وخلا ها تشتغل مثل الخدامه تابعو القصه ويارب تعجبكم
