جوده : احمد صار عصبي لدرجه .... وحنين زادت الطين بله
حنين : احمد تره مريم تحجي ويه شخص ثاني ومتحبك انته وماخذتك ع طمع اصلا واني سمعتها بأذني بالمطبخ البارحه
احمد : انتي شتحجين
حنين : مثل مكتلك شيخ
احمد : مريم الجاي اسمعه صحيح
مريم : طبعا لا تحتار اختك شسوي هم معبايه جذب
احمد : مريم 😡 اختي تاج راسج
مريم : احمد اني حبيتك شبيك انته
حنين : لا انتي محبيتي انتي دخلتي ع طمع
ام مصطفى : احمد شبيك عمه سحرتك الفصليه
احمد: الف مره كلت لحد يجيب طاري الفصليه هي مرتي مثل ما مريم مرتي
ام احمد : يمه احمد العن الشيطان ويمكن حنين متوهمه دروح لديوان وتالي يصير خير
احمد : ان شاءلله يمه رايح .......باوعت ع جوده دموعها مغوركه عيونه .....خليت وطلعت
جوده: احمد عصب لدرجه بس ادخلت عمتي وخلته يروح
اني هم رحت للمطبخ كعدت يم البنات مااتريكت مااشتهي
ومريم بقت بغرفتها تشمر حجي وصوتها يلع لع
راحت ايناس لبيت زوجها
صارت الساعه ب10 سويت غده دخلت مريم للمطبخ
مريم : اي الخدم هذه مكانهم
جوده : ..........
مريم : شوفي ياالفصليه احمد تبتعدين عنه ولأاهلج يدزونج اشوي ومااشوفج هنا بعد ماشي احمد الي وبس
جوده: اي بالعافيه عليج ...... جان جدر المي الحار ع الطباخ ....دفعتني الحقيره اوكع ع ايدي الحمدلله
مو ع جسمي بس حييل اتأذيت
حنين : اني جنت اباب المطبخ اسمع حجيهن شفت مريم شسوت
لج مريم شسويتي
مريم : تستاهل
حنين : صحت امي وجوده بس تبجي واتصيح من الوجع
اجت امي وصعدت لسعد صحته
سعد : شبيج حنين شكو
حنين : مريم وكعت الماي الحار ع جوده تعال بسرعه
سعد : شنو الله يطيح حظها الحقيره بسم الله بعدهي اول يوم
حنين: مو وكته الحجي لك امشي
ام احمد : مريم ليش هيج شسوتلج البنيه وبعدج اول يوم شسوين اذا بقيتي عدنه
مريم : عمه اني مدخلني بيكم بس اريد هاي الفصليه تطلع من البيت
حنين : نزل سعد اخذو جوده للمستشفى هوه وامي صار ت الساعه ب 12
احمد : كلبي ممطمن احس اكو شي صاير رجعت للبيت الباب جان مفتوح دخلت سمعت مريم تحجي بالتليفون
مريم : اني مثل مكتلك والله احبك انته وتعرف اني ازوجت احمد ع طمع اخذ الأريده منه واعوفه
احمد : سمعت هذه الكلام وودلي اذبحها
ويه منو تحجين ولج
مريم: شبيك احمد ويه امي احجي
احمد : تحجين ويه امج واتكليلها احبك انته
حنين: سمعت صياح احمد بالحديقه ع مريم نزلت لكيته يكتل بيها وجابها سحل للصاله حاولت اخلصها منه اجه ابوي
سمع الصياح ادخل بينهم
ابو احمد : احمد شبيك ليش تضرب البنيه بعد هي عروس
احمد : بويه هاي الحقيره ازوجتني ع طمع وهسه اني سمعتها تحجي ويه واحد بالحديقه وكلتلي حنين بس مصدكت
بس مراح تبقى ع ذمتي روحي مريم لمي اغراضج وروحي لأاهلج انتي طالق طالق طالق
ابو احمد : بويه اذكر الله شسويت انته
احمد : بويه سويت الصح واذا تبقى هنا اذبحها
خلي سعد يدزها لأاهلها
حنين : سعد مموجود
احمد : بويه انته اخذها ....... صدك امي وجوده وين شكو اشو محد بالبيت
حنين : جوده مريم دفعت جوده ع الماي الحار واخذوها سعد وامي للمستشفى
احمد : شنوووووووووو ...... كل عقل مابقى براسي بسرعه اخذت السياره وطلعت للمستشفى
ابو احمد : مريم امشي لااهلج اذا يرجع احمد ويلكاج صدكي تنذبحين واحتراما لأختي ماسويت شي اني يلا اخذي امج وروحي يلا😡
حنين : اخذت المسمومه امها وطلعن من البيت وابوي راح للمستشفى وراهم
بقيت اني بالبيت اجه مصطفى حجيتله الصار ولحكهم
احمد : سعد جوده وين ليش محد اتصل عليه
سعد :اهدئ احمد جوده بالغرفه هي وامي منتظرين الدكتور هسه يجي ادخل يمها راح يوكف كلبها من البجي
احمد : دخلت ع جوده وشفتها وريتي ماشفتها بهذه الحال الوجع ذابحها
جوده يروحي فدوه كافي اني يمج
ام احمد : هلا بيك يمه تعال اكعد بمكاني ....... شفت احمد شلون كلبه طاير ع جوده خليته يكعد يمها
جوده : من الوجع والبجي مااحس ع نفسي شسوي اجه احمد يمي حظنته لاارادي
احمد : كعدت يم جوده واجت لحظني مثل الطفل بس تبجي
لج كافي جوده الله يخليج كافي اجه الدكتور عقم ونظف ايدها وبس تبجي خبصت المستشفى بالصياح وايدي بأيدها من كد مالازمه ايدي احس ايدي خدرت من كد ماضاغطه جوده عليها وكميت الألم الي بجوده متنوصف
جوده : فوك الألم وفوك المصايب صرت مااعرف ع شنو ابجي من وجع كلبي من وجع ايدي
احمد : كمل الدكتور وكتب علاج بقت امي يمها ورحت للصيدليه اجيب العلاج طلع ابوجهي مصطفى
مصطفى :خويه احمد الصار امسحه بوجهي واني عرفت كولشي من حنين
احمد : لاخويه مدخلك انته بس مريم بعد مااريدها
مصطفى : التشوفه خويه ....جوده شلونها
احمد : تعبانه والله وهسه راح اجيب العلاج وا رجع
مصطفى : انطيني اني اجيب العلاج واخذهم انته للبيت
احمد : مشكور خويه
مصطفى : افا عليك خويه شسالفه
احمد : راح مصطفى للصيدليه واني اخذت امي وجوده للبيت ........ نزلت جوده صعدتها للغرفه بس خلت راسها ع المخده نامت من التعب
ام احمد : حنين مريم وين
حنين : احمد طلك مريم وطردهن هي وامها
ام احمد : شنو انتي شتحجين
ابو احمد : ام احمد مثل مكلتلج حنين هذه الصار وانهو الموضوع وصبولنه غده
ام احمد : امرك شيخ
احمد: مكدرت اعوف جوده وانزل بقيت يمها بس اباوع عليها اخذتني الغفه ونمت يمها
مصطفى : جبت العلاج ولحكتهم خابرت ع سعد طلع اخذ العلاج مني ..
سعد : مشكور حبيبي تعبناك
مصطفى: افاا عليك خويه شسالفه بخدمتكم واصلا خجلان منكم اني ع الي سوته مريم
سعد : لا خويه لااتكول هيج مصار شي حصل خير ....تفضل اتغده ..
مصطفى: ممنون منك ابو الشباب غير مره يلا اودعناكم
سعد: الله وياك
ابو احمد : ها سعد بويه منو التصل عليك
سعد : بويه مصطفى جاب العلاج مالت جوده
ام احمد : انطينياه يمه خلي يمي لوره الغده حته تاخذ علاجها
حنين : صبيت الغده وصعدت اصيح احمد فتحت الباب لكيته نايم يم جوده محبيت ازعجهم بس شكد حلوين فدوه 😍
نزلت اتغدينه وغسلت المواعين ونظفت البيت وطبيت لغرفتي اتصل مصطفى
مصطفى : شلونج حنين
حنين: هلوو مصطفى
مصطفى: حنين اعرف زعلانه من امي ومريم ...بس فدوه لااتخلين هذه الشي يأثر عليج اني احبج ورايدج بالحلال خلي تتحسن جوده واجي اتقدملج
حنين : مصطفى الصار كولش صعب والسوته اختك يخزي ومااعتقد احمد يقبل
مصطفى : يعني مترديني بعد
حنين: مصطفى مو هذه قصدي بس خلي تشفى جوده وتعال
مصطفى : ان شاءلله بس كم يوم واجيكم
حنين: وشلون امك واختك
مصطفى: اخليلج بيت ابوحدج
حنين: الله كريم يلا اترخص اني
مصطفى : الله وياج
أنت تقرأ
فصليه السمره
Fantasyالسلام عليكم ورحمة الله وبركاته الكاتبه. بنت الهدى القصه تتكلم عن بنيه فصليه الي حبها زوجها كثر من روحه لكن بعد ماعذبها وخلا ها تشتغل مثل الخدامه تابعو القصه ويارب تعجبكم
