احمد: جوده احجي وياي ولج تعبتيني والله ...سولفي شبيج
جوده: مبيه شي
احمد: اذاانتي متحجين تره عيونج تحجي
جوده: احمد انته بس تزوج مريم اترجعني لأاهلي الله يخليك
اذا رايد اداوي اجروحي رجعني
احمد: اسولف بكلبي ...ولج بس تكولين رجعني والله ادمر من داخلي واحسج قطعه من روحي ...... ليش هيج اتكولين جوده
جوده: احمد تعبت ومااكدر ابقى ومريم راح تجي بمكاني وتلبيلك كول طلباتك
احمد: اذا هذه شي يريحج تمام بس يخلص العرس باجر ارجعج لأاهلج معززه مكرمه
جوده: اوك شكرا وهسه من رخصتك ممكن انام وانته هم نام الوقت متأخر وباجر عندك كعده من الصبح
احمد : تصبحين ع خير اخذي راحتج ...طلعت من الغرفه نزلت للحديقه ميت قهر جوده راح اتروح والله مااتحمل افراكها .....بس لازم اسوي الي طلبته لأن قسيت وياها وغلطت بحقها هوااي واذيتها اوووف شكد جنت غبي راح اتروح اجمل شي صار بحياتي صحيح احجي ويه مريم واحبها بس مو بكد جوده جوده عشكتها واحسها جزء مني بس يلا خليها ترتاح مني والله يرزقها الأحسن
جوده : طلع احمد من الغرفه واني انهاريت بالبجي من جه مشتاقه لااهلي ومن جه متعذبه ومن جه احمد وزواجه ومن جه كلبي الصار يعشك احمد بس مااكدر احجيله شنو ذنب مريم اوووووف ياربي شنو جاي ايصير ويايه راح اتخبل
حسيت بأاحمد اجه غمضت عيوني
احمد : صعدت للغرفه شفت جوده نايمه وجنت حاس انها منايمه بس غلست
خليت راسي ع المخده مقابيل وجهه وباوع بيها للمره الأخيره ولج زلمه شكدني كلبي يضل يدك بس يشوفج واختل عقليا اووف منج ومن اعنادج راح يدمرني
جوده: بقيت ساعه او ساعتين بس مغمضه عيوني واحس بأنفاس احمد وبكلبي النار فتحت عيوني شفته نايم بقيت اباوع بي لصبح مااخذت عيني نوم صارت ب 6 حضرت ملابس احمد مالات عرسه اوووووف ياربي منو تكدر تتحمل ياخذون قطعه من روحها
احمد: فزيت مثل المرعوب شفت جوده اتحضر ملابسي والدمعه بعيونها ومقهوره
صباح الخير
جوده: صباح النور ....
احمد: شلونج
جوده: بخير الحمدلله 😊 محتاج شي راح انزل جوه
احمد: اي حضري ملابسي اريد اسبح
جوده: اوك تدلل
حضرت ملابسه واجيت اطلع
احمد: جوده
جوده: كول محتاج شي بعد ادلل ياعريس بس أمر 😊
احمد: حسيتها تضغط ع نفسها بالبتسامه بس حته متبين حزنها لاسلامتج روحي
جوده: نزلت جوه شفت عمتي وحنين توهن كعدن
صباح الخير 😍
ام احمد وحنين : هلا يمه فدوه لهاي الضحكه
حنين: هاا ولج اعترفي شنو سر الأبتسامه
جوده: فرحانه بزواج احمد ورجعتي لااهلي
ام احمد: جوده تضحك جذب ومتأذيه حيييل بس متبين هذه الشي ..... جوده يمه يعني يهون عليج اتعوفينه
جوده: لايمه مو هين بس شسوي يلا الله كريم خلي يمر اليوم بخير وهوه الخميس يوم الوجع الأكبر بكلبي
حنين: الله كريم
جوده: رحت للمطبخ سويت الريوك اتريكو نزل احمد اتريك اني بقيت بالمطبخ مالي واهس بكولشي بس اتصنع بالفرحه والضحكه فجئه دخل احمد
احمد : نزلت ع الريوك جوده ماكو ضل بالي وكلبي حيل مأذيني
صباح الخير
الكل : صباح النور عريس
اكعد اتريك
احمد : كعدت هيج بس كدامهم
ام احمد: شبيك يمه مو ع بعضك
احمد: جوده وين
حنين :بالمطبخ
احمد : ليش مااجت تتريك
ام احمد: والله يايمه البنيه كلش معاجبتني وبذات هذولي اليومين
ابو احمد : شبيها البنيه
ام احمد : ماادري اتكول خل يمر هذه اليوم ع خير ودزوني لأاهلي
ابو احمد : واحمد قابل بويه انته اتروح جوده ...... تره خطيه لاانته رايدها ولاهيه رايدتك خليها اشوف حياتها
احمد: اي بويه ادزها لااهله ....... اااااه ااااه
احمد: رحت للمطبخ اشوفها
جوده ليش مااجيتي تتريكين
جوده: هلا بالعريس لامااشتهي اريد اكمل شغل البيت قبل الظهر من صدك اشكرك
احمد: جوده اسولف واني بس اباوع ع عيونها واحجاياتها
ع شنو اتشكريني
جوده: لأن راح اترجعني لااهلي
احمد: لاتشكريني هذه حقج واني ظلمتج هوااي سامحيني جوده
جوده: اول مره اشوف احمد دموع بعينه ومكسور هيج ..... لااحمد لاتحجي هيج ع شنو اسامحك الفات مات وربي يهنيك
احمد: طلعت من يم جوده والخنكه بكلبي شبيه ياربي اليوم عرسي والناس فرحانه اني شبيه كرهت ابو الزواج
اوووووف
اهووووو هاي شعدها تتصل
الووو
مريم : هلا حبيبي هلا بزوجي
احمد: هلوو بيج
مريم : مشتاقتلك ومبقى شي واكون يمك
احمد: اي مبقى شي
مريم : حبيبي اني رايحه للصالون هسه
احمد: اي روحي محتاجه شي
مريم : سلامتك حبيبي ... بس الفصليه شخبارها متشوقه اشوفها واخليها تخدمني
احمد: شبت بكلبي النار ..... مريم حضج اطيحه اذا اتكولين فصليه ولااتخدمج وتاج راسج اذا مراضيه وقد اعذر من انذر اذااسمعج تحجين هيج ادفنج وانتي عدله عدلي تصرفاتج
مريم : ع كيفك شيخ اشو حن كلبك عليها بس لاحبيتها احمد حاجيني شسوتلك المسمومه سحرتك
احمد : يعني مالج نيه تاكلين تبن
مريم: بسيطه الفصليه اني دواها راح اروح اني اتأخرت
احمد : يلا ولي
احجايات مريم مثل السم وخاف تجي واتأذي جوده بحجايه شيعدي هذه اليوم ع خير وباجر ادز جوده لأاهلها
جوده : بقيت بالمطبخ خلصو اريوك وغسلت المواعين
سوينه الغده اني وعمتي وحنين كملت البيت اتغدو ع السريع واني لااريوك ولاغده والبارحه مأكلت شي واحس بنفسي حييل تعبانه ونفسي مسدوده من كلشي غسلت المواعين وكملت صعدت للغرفه دخلت سبحت وطلعت شفت احمد بالغرفه كاعد هلا احمد محتاج شي
أنت تقرأ
فصليه السمره
Fantasyالسلام عليكم ورحمة الله وبركاته الكاتبه. بنت الهدى القصه تتكلم عن بنيه فصليه الي حبها زوجها كثر من روحه لكن بعد ماعذبها وخلا ها تشتغل مثل الخدامه تابعو القصه ويارب تعجبكم
