احتاريت شسوي متت بدمي البنيه متتحرك شلتها خليتها ع الجربايه
ولج خرب يومج اباوع عليها كسرت خاطري اتأذت كولش بسببي
جوده: اني ولاحرف بس اسمعه يحجي بس مااكدر ارد عليه من الألم
احمد: يمه حنين الحكن فدوه جوده مااعرف شبيها بسطتها اوكعت
ام احمد: الله اكبر عليك ولك اتخبلت ع البنيه افتهم الصار صار واخوك راح رحمة ربه والبنيه لا اخته ولاهم يحزنون ليش هيج اتأذيها
ركضنه اني وحنين عليها وحاولنا انصحيها بس اول مره اشوف ابني بهيج خوف
حنين : حسيت بشعور غريب اتجاه احمد يمكن حب جوده لأن بقى يبجي بسبب السواه اني اتعجبت عليه
رحت يم جوده اصحيها
جوده فدوه اكعد رشيت ع وجها ماي وكعدت بس متكدر تتحرك من الألم بس تبجي سكته
جوده: اجت عمتي وحنين عليه وحاولن يصحني رشت ع وجهي ماي وفزيت مرعوبه وبقيت بس ابجي من الوجع والهضيمه لأن اني مدلله ومحد ماد ايده عليه بس هذه الحقير اجاوز هوااي
الوقت متأخر من الليل صار
احمد : شفت جوده صحت طلعت مارجعت للبيت بعد طولت بره الساعه ب 2 اني بره البيت مااكدر ادخل مريم تتصل مالي خلك اجاوبها
ام احمد: يمه جوده اعذريني وامسحيها ابوجهي
جوده: لاعمه مدخلج انتي وشبكتها بقيت ابجي كتلها اريد اهلي طلكوني فدوه
ام احمد: يمه والله احمد طيب وكلبه نظيف بس هوه عصبي حاولي اتكسبينه واتخلينه ايحبج وشوفي شلون طيب كلبه
جوده: عمه انتو رايدين ازوجو صح
حنين :جوده اي انزوجه بس غصبا علينه لأن مريم احنه ماانريدها وحده خبيثه وحقوده وكل ذرة جمال مابيها
حاولي تاخذين اخوي لصفج واني وامي راح انكون وياج وعد
جوده : فرحت لأن حنين وعمتي وياي وضجت لأن احمد رايد هيج وحده
ام احمد : يمه ارتاحي واني وحنين راح ننزل
جوده: فدوه لكلبج عمه
ام احمد : لاتكليلي عمه كليلي يمه انتي وحنين وايناس بناتي وايناس وباجر جايه هي والجهال يلا يمه نامي الوقت اتأخر واحمد ماادري وين راح بهيج وقت
جوده : ان شاءلله يمه وكول الهلا ببها ايناس شوكت مااجت
صار بالي يم احجايت عمتي من كالت احمد طلع ضل بالي الوقت متأخر تحجي ويه نفسي واني شدخلني بي ايطبه طوب لارد ان شاءلله
حنين :يلا يمه خلي انروح انام لايكعد ابوي واصير مشكله
ام احمد : يلا يمه امشينه بس خلي باب البيت مفتوح لأخوج خاف يجي
حنين : ماشي يمه تصبحين ع خير جوده
جوده: تصبحن ع خير
بقيت بفراشي وبس ابجي واحس احد فتح الباب غمضت عيوني
احمد: اتأخر الوقت رجعت للبيت لكيت الباب مفتوح دخلت وسديته وراي شفت امي بالصاله
ام احمد : احمد يمه حرام عليك الي جاي اسوي بجوده وانته تعرفه مالها ذنب ليش هيج اذا رايد تزوج اني وعدتك فتره وازوجك مريم بس كافي عوف جوده طلكها اذا مرايدها
أنت تقرأ
فصليه السمره
Fantasyالسلام عليكم ورحمة الله وبركاته الكاتبه. بنت الهدى القصه تتكلم عن بنيه فصليه الي حبها زوجها كثر من روحه لكن بعد ماعذبها وخلا ها تشتغل مثل الخدامه تابعو القصه ويارب تعجبكم
