#سم_بجرعات_لذيذة
#للكاتبة_ايناس
البارت 9
أحمد قابل فريق العمل
وشاف وحدة تشبه زهراء وتذكر حبه وجرح السنين
ولحد الان كلبه ينبض بأسم زهراء بس ولا مرة حاول يسأل عنها
رجع للبيت ودا يتغدة وية ام علي
أحمد : حجية أسأل سؤال
ام علي : اي حبيبي أسأل
أحمد : زهراء شخبارها؟؟
ام علي : شلك بهالسؤال حمودي مو كلت اني راح اسافر واقفل باب كلبي وإذا تحبوني حتى اسمها لا تجيبون طاريها وإذا غلطت يوم وسألتكم عليها لا تجاوبوني؟؟؟
أحمد : بس دا أسأل مو أكثر لأنه ما شفتها بالفاتحة وهي تحب خالها
أم علي : وقلقت هسة وتريد حجة حتى تسأل
أحمد لا........ بس
قاطعته أم علي : لا تكذب عليه هههه حسولفلك.........
ابو زهراء اجتة جلطة بعد سنة من زواج بنته طلعت عليه سوالف الفساد كوليتها وكامت الناس والي جواه المستفيدين منه ومن ضمنهم فهد سحبوا نفسهم وتبرو منه والمشكلة اكو احد داخل بيته هو الي نبش عليه والي ابو علي شك أنه زهراء هي البهذلتهم
و بدت التحقيقات بحقه وحجزوا ع أملاكه وفهد الحقير من عرف السالفة راح توصله جرجر المكرودة زهراء وياه وآخر مرة شفناها اجت على ابو علي تريد اي شي يثبت إجرام فهد بس خالك طلع ناطيهم كل الملفات لأنه فهد توعد انه وانت بالخارج يقتلك وابو علي اتفق وياهم ينطيهم الملفات الباقية مقابل تعهد وتوقيع من ابو زهراء وفهد اي شي يصير عليك هم المسؤولين عليه وخطية انقهرت حيل ما عندها شي يخلصها من هالنذل واول ما طلعت الباب طلع الحقير بوجهها وأخذها وانقطعت أخبارها وابو زهراء ورة سنة توفى وثبتت عليه كل الجرائم وفهد كذلك بس مهزوم ولا أحد يعرفلة طريق
أحمد : وزهراء لحد الان ماكو
أم علي : كتلك ما شفتها بعد بس سمعت انه رجعت للعراق وطلكت من فهد لأنه اكيد هددته إذا ما يعوفها تخبر على مكانه
احمد : ووين هسة هي؟؟
ام علي : ما اعرف
أحمد : شعجب ما اجت عاشت وية ابو علي هي مو تحبه وليش ما اجتي ع فاتحته؟؟؟
أم علي : مو...... مو...... والحجية كامت ما تعرف شتجاوب
أحمد : حجية شكو؟؟؟
ام علي : اني حكول بس بداعت زهراء لا تزعل ع ابو علاوي
أحمد : احجي حجية وداعتج كلبي كام يرجف شكو؟؟؟
أم علي : ورة ما رجعت للعراق اني جنت يم اختي خطية بالمستشفى بين الحياة والموت وهي جاية ع ابو علاوي ورادت عنوانك بس ابو علاوي....... وسكتت الحجية
أحمد : شلعتي كلبي حجية فدوة اروحلج كملي
ام علي: ابو علي ما نطاها العنوان وكال الها انه انت متزوج وعندك طفل ولا تدخل تخرب حياتك
أحمد وكف ع حيلة :ليش هيج سوة مو يدري اني ميت بالحياة بدونها مو يدري امشي جسد بلا روح وكام يبجي لك ليش ابو علاوي رضينا بالزمن علينة نوب حتى انت علية ليش..... ليش
ام علي كامت تبجي ولزمت أحمد من أيدة : وداعتك انت الي ما عندي غيرك بهالدنيا ابو علي وصلتة رسالة من فهد عن طريق واحد نذل مثلهم انه اذا سمع زهراء رجعت لأحمد فيقرا عليك ابو علي الفاتحة وهو اصلا محد يعرفلة طريق يعني التعهد إلي كتبه ما ياكل ولا يشرب وأضطر يسوي هيج علمودك وروح عمك وهي هم راحت وكالت لخالها انه اسفة إذا اذتهم ومراح تشوف نفسها لأي أحد بعد
أنت تقرأ
سم بجرعات لذيذة
General Fictionفهد : رجف من العصبية بسبب استهزاء أحمد وبنفس الوقت عدم خضوعه للضرب وما يتوسل يعوفوه بالعكس كأنه مدا يتوجع ولا دا ينضرب فهد : وفوكاها تنكت حضرتك وكام يضرب أحمد بالحزام : اني اعلمك شلون تتطاول ع اسيادك أحمد فقد الوعي من الضرب ورشوا ع وجهه مي وانتظروه...
