سم بجرعات لذيذة

أعتراف

🌹   Part  Five   🌹                
°°°°°°°°°°°°°°°°°°°°°°°°              

زهراء صافنة بغرفتها ومدا تعرف شنو الصار وليش احمد رجع وليش اعتذر (وهذا أكثر شي عجبها)
وانقطعت الأفكار بإتصال $نهى$

نهى :
هلو حبي شلونج؟؟

زهراء:
هلاوات حبحب انتي شلونج؟؟؟؟

نهى :
زوز ما عرفتي شنو الي صار؟؟

زهراء :
ابد وداعتج اصلا دخت من كثر ما أفكر

نهى :
عندي فكرة 😎

زهراء :
وهي؟؟

نهى :
خابري خالج وكوليلة رجع احمد لا

زهراء :
غبية انتي؛  لعد منو اجة الصبح علينة هسة يكولي مو أجاج الصبح!!!!!

نهى :
مممممم زين حخابر احمد واسأله وافضها

زهراء :
شنوووووو 😮

نهى :
هاي شبيج منها اعرف شنو الي صار ومنها افتح باب وياه اريد اسولف اشوف اسلوبة بالحجي مثل شخصيتة ووجهه الكمر

زهراء :
نهى صدوك انتي معجبه بيه😳

نهى :
لج بابا مو كتلج البارحة معجبة كوولش هوووواية

زهراء :
انتي شعرفتي عنه علمود أنعجبتي بيه؟؟؟

نهى :
اولا شخصيته حلوة مو متكبر بس ثكيل مو لوكي مثل كل الولد الي بس يسمعون بعوائلنة لزك نفسه بسرعة

يعني اي ولد احنة عرفناه يتقرب في سبيل يرفع من مستواه لا أكثر ولا أقل وحتى كرايبنة إلي ديتقدمون ديعلون مكانتهم أما ولد الكلية من اول يوم بدت ال لواكة وانطيج محاضرات وحتى الأساتذة ست زهراء وست نهى

أما احمد غيييير شكل قريت حياته بملف ابوية من وصيته يتوسطله علمود يشتغل سائق وكتله انه عن طريق خالج مدح بيه وكال يتيم وما عندة شغل وحباب وخدوم وبابا ما اقتنع تعرفين إلا يحققون بكل تفصيل يلة يوافقون والا يخدمهم هذا الشي يلة يقبلون بيه.

زهراء :
وشنو لكيتي بالملف هسة مو قريت اني وياج حياته عادية مثل حياة اي يتيم!!

نهى :
لأنه انتي جنتي متنرفزة منه وتردين تذليه فقط لا غير فما شفتي الجانب المختلف من حياة احمد
أحمد رغم ظروف اليتم إلي عاش بيها والذلة من جده وخواله وعمامه إلي مسألوا عليه ما دنك راسه لبشر ولا سلك طريق مختصر حتى يعيش ويعلي مستواه  أهلي وأهلج كولشي عندهم بس دتشوفين شديسوون في سبيل يعلى مقامهم أكثر  ،،   بوك وباكو ضمير وباعو رشوة واخذو حتى قتل قتلو في سبيل يبقى المقام عالي والفلوس تكثر بس منين مو مهم

أما أحمد لو مثل كل أحد يستغل الفرصة ويتيم يعني ماكو محاسب ومدقق وراه يكدر كل شي يسوي ويعلى  ،،  أبسط شي من شغلتيه وياج جان يكدر يعتذر منج ويتلوكلج وينتظر ابوج علمود يبين روحه زين بلكي الله وابوج يعلي مكانته ويرقيه ويخليه وياه يشتغل يكدر يتلوك لخالج ويخليه يتوسطله عند اي احد من كرايبة