(Inspired by Troye Sivan's Seventeen)
Masyado pang maaga para sumikat ang araw
At ang aking langit ay hindi pa handa
Ngunit sa aking mga mata'y malinaw
Na ikaw ang gustong makasama
Sa paglaki ay nakapikit ang mga mata
At sa pagtanda'y umiiwas sa liwanag
Na wari'y hindi maintindihan ang nadarama-
Isang tagpong hindi maipaliwanag
Subalit ang sabi mo, "ang gusto ay gusto,
Kahit ipagkait ay siyang hahanapin.
Hindi man kailangan ay hinahanap ng puso
At balang araw ay matatanggap din."
At sa tagpong iyon ay nagkakulay ang mundo
Kinulayan ng iyong mga tingin at mga ngiti
Sa huli ay malalaman at maiintidihan ang totoo
Walang araw o oras ang makakapagsabi
Dahil labimpito ang taong hinintay ko
Maaga man ngunit tunay ang pag ibig na ito
BINABASA MO ANG
Dapit-Umaga (Mga Tula)
PoesíaIsang koleksyon ng mga tulang sulat ng kamay na nanginginig at nangangatal, Sulat sa Dapit-Umaga, mula sa puso, mula sa simula at magtatagal
