جسد انثى مريم 🔞🔞🔞 الجزء الثاني

بارت١

تنويه قبل لا تنزل الاحداث . القصه ما كاتيتها واني عندي ضروف هواي فراح يصير النشر بين يوم ويوم وما انشر يوميه ابد ... همتجن ويايه حته اكملها .... مشتاقه للجميع .....
.
.
.
رايحه للمدرسه ...
لتنسيخ اخذي لفتج ...
اي اخذتها يسلمو عسوله ....
.
اني مريم من اشطر الطالبات * ٧ نيسان* . جانت قبل اسم مدرستي ٧ نيسان . جان معدلي لا يقل عن ٩٨ او ٩٩ شاطره كلش بحيث حته من اتمرض اخذ ٩٦ هاي درجاتي ممخليه ابالي اي شي لا حب ولا غزل ولا لبس ولا ونسه اريد اصير فد شي . وهذا جان الي مخليني مسيطره وشخصيتي قويه ...
حلوه كلش ناعمه جدااااا جسمي يختلف عن رسل تماما رسل كلشي عدها واني كلشي ما عندي ههههه مثل اجسام الاوربيات ههههه جانت رسوله دوووم تكلي اتمنى اكص من جسمي وانطيج اداينج جم كيلوو ...
.
.
.
مريم بسست بسست ... بصوت هامس
هااا وجع شبيج ... بصوت هامس
.
كتبتلي ورقه .. شراح تلبسين باجر بعيد الطالب ...
دروحي لا تشوفه المدرسه ....
.
خلص الدرس وطلعنه ...
نجلاء : مريومه شحتلبسين ...
باجر ما اداوم ...
ليش ولج ....
اريد انام ....
عود شنو كل احتفال متجين لويش عود ...
ولج اريد اساعد اختي خطيه ....
براحتج ....
.
.
دك ااجرص . يلا خل نروح للبيت . اليوم حيدر ميجي عليه نمشي ...
اكلج منو حيدر هذا ...
يصير ابن رجل خالتي .....
حيييييل وايش هو يجي عليج خاف يحبج ....
لاااا ههه هو عايشين ويا هو متكفل بينه ....
يعني شلون ليش وين اهلج ....
اهلي ماتو ....
الله يرحمهم . يعني ما عدكم بس هذا من اقربائكم ....
لا عدنه بس ميحبونه . يردون يزوجونه .....
هو مزوج ....
لا بس اصور يريد يزوج رسل اختي لان احس بي يحبها ....
هههههه انتن شلون عايشات عمي شنو ماكو واحد يسأل عنجن ....
شبيج نجلاء غير هو حباب وشريف ويريد اختي بلحلال .....
زين وين تنامن ....
رسل بلصاله يمه واني بلغرفه .....
ايباااااه وتقنعيني ماكو شي بيناتهم ....
ولج والله ماكو شي شبيج .....
اي عبريها على غيري حبايب .....
بكيفج لتصدكين .....
بس هو مبين عليه زنكين .....
والله ما ادري ههههه .
.
.
ما حسينه على السوالف اخذتنه وصلنه للبيت يلا مع السلامه باجر ما اجي ....
.
ثاني يوم غبت وساعدت رسل بلشغل والتنضيف وجانت كلش اعصاااب مدري شبيها بس تزمخ ....
.
.
.
قريت واستعديت للامتحان مال الرياضيات طبعا اني تركت سنه يم خالتي فصار عمري ١٥ سنه واني بلثاني متوسط هاي جايي احجيلكم عن سنه ٣٠٠٤ بلشت بلدوام بسنه ٢٠٠٥ ...
.
ثاني يوم داومت جانت بنات المدرسه مدري شبيهن كلهن يتبسبسن عليه وحده تبسبس للثانيه عني وكأنو اني مسويه جريمه . قبل لا نمتحن الرياضيات اجتي وحده من الطالبات اكول مريم ....
هلا تماره كولي .....
صدك اختج تنام وي الضابط بدون زواج ....
شنوووووووو .....
اشو سمعنه هيج .....
منو كلج .....
الناس كلها تدري ....
منو يدري هاي ماكو غير سوالف نجلاء .....
.
نجلاء انت هيج حجيتي ....
ياااا اني لا والله ابد ولا جايبه طاريها شعليه ابنات العالم اني ...
شوفي تماره الي كلج هلحجي هذا ساقط وكلب ابن كلب .....
.
هاي شنو هلحجي هاااااا ....
وكفنه اني وتماره ونجلاء كدام المدرسه . ماكو شي ست ....
شلون ماكو شي وهلصياح والعياط .....
ست اني يتيمه وابن خالي كاعدين ويا يريد يزوج اختي يحجين علينه اشكال الوان ....
هشنو هلحجي ماما انتن جايات تتعلمن لو تنافقن وحده ع الثانيه ....
يلا روحن . بسرعه راح اوزع الاسئله ...
وزت الاسئله . ونسبت كلشي بلرياضيات نسيت شكو شي كتبته وقريته كمت اضرب ٢×٢= ٦
خربطت تخربط . سلمت الورقه وشبعت بجي متت قهر .
ثاني يوم استلمت النتيجه ٧٠ واامدرسه ما قبلت على نتيجتي كالتلي تعيده اليه ....
هاحادثه الي صارت هاي اول انتكاسه بحياتي صارت ولدت عندي عدم ثقه بلناس كمت لو واحد يحلفلي ١٠٠ امام ونبي ما اصدك بي . مشت الايام وحيدر تزوج عسوله وكلمن التهه بحياته اني بدايه حياتي تولدت عندي مشاعر اتجاه حيدر بس جنت احس نفسي صغيره عليه كلش وهو احسه مهتم بمشمش فما ردت كلش ازرعه ابالي وحاولت انو اوخره من دماغي وبلفعل صدك راح عرفت مو هو هذا الحب الي منتظرني .
وصلت للرابع عام وصادف بيومها عدنه امتحان تاريخ وجان التاريخ يهلك المطي والجو باااارد وحيدر نازل للدوام كمت امشي وليلتها جانت ماطره والكاع كلها طين .
يربي راح اتأخر شسوي .. ياااااا يبووو ياااا عزززه شوف الحظ وكعت بنص الطين وعباتي وصدريتي وهدومي انترسن ترس كمت ابجي بنص الشارع ...
.
.
هههه انتي مال وكعه هسه تتكسرين ....
منين هلصورت التفتت شفته شاب حلو كلش . لابس قميص ابيض وبنطرون رصاصي مبين طالب كليه .
شتريد ....
كومي اساعدج ....
شكرا هسه اروح للمدرسه ...
هيج ترحين ...
اي عندي امتحان تاريخ ....
ها انتي رابع مو ؟...
اي ....
كومي اوصلج شلون تمشين هيج محد يوصلج ....
لا هسه اروح امتحن واطلع ....
لا روحي ارجعي بدلي وداومي ....
اتأخر عن امتحاني ....
بكيفج ....
رحت للمدرسه . طبيت للاداره ست عادي امتحن هنا وبعدين ابدل واجي . روحي بدلي وتعاي ماما ....
.
رحت بدلت وكملت ورجعت وامتحنت وطلعنه من الامتحان لكيت نفس الولد واكف من بعيد يباوع يتفحص بين البنات .
اني نزلت راسي ومشيت كلت لا يجيبلي حجايه هذا .
شافني من بعيد كام يمشي ورايه ما حجه ولا حجايه ولاكانهو يمشي مو على حسابي بس اني جسمي كله مكزبر ...
وصلت للبيت هو عافني وراح . وره يوم جان عدنه امتحان رياضه لان اخر السنه مسوين الجدول صعب ورا سهل . رحت للمدرسه .
شفته يبوووو وتالي ويا هذا ....
امتحنه وطلعنه . ما شفته رجعت وستمريت طول ايام الامتحانات اشوفه اخر يوم سألني شسمج . مجاوبته شتصيرين من حيدر . مجاوبته . وطبيت للبيت . بس ضل كلبي يمه هههع حلو شعور وحده يركض وراها واحد هههههه .
.
مرت العطله مثل مر السحاب بين تنضيف وعمل وشغل وكعده ومتحظره للخامس علمي . واشترينه ملابس وصداري وجان كرار كلش حرك دفاتري يمزك بيهن فاحاول اضمهن عنه وعنهم بس البقيه كلهم دك دك بس كرار رئيس العصابه بلجهال ...
.
صار الشهر التاسع وبده الدوام وداومنه ومرت ايامي كلها حلوه ودوامي بين صباحي وضهري وجان الخامس سهل كلش واحلى شي بي خلصنه من التاريخ والاقتصاد والجغرافيه اخ لو نخلص من العربي هم اوووويلي . هههه .
.
اكلجن باجر شنو ااجدول . انكليزي وكيمياء ورياضيات وعربي واسلاميه .
فديت الجدول الفارغ . ههههه ...
.
نمشي بلطريق ونسولف اني وصديقاتي . فاجأني صوت مريييم ...
التفتت ها ...
احبج ....
اول مره اسمع هلكلمه خربطت عقلي وكل موازيني ...
حوراء صديقتي : ولج هذا منو يمعزايه ....
شمدريني امشي ....
ولج يكلج احبج ....
اي شسويله ...
منين يعرفج ....
ما ادري ....
علينه مو حته سمج كلينه ....
شكليتي بس تريد اعرف . مو وياج ليل ونهار وين اعرفه ....
لعد منين يعرف اسمج ...
مدريني ....
.
طبيت للبيت واني فرحاااانه وكلبي احسه طاير .
باوع لروحي بلمرايه يربي لو جسمي مثل جسم رسل جان هسه اكتسحت العالم هههه ...
هااا خير اشو تباوعين لروحج بلمرايه ....
اكول مشمش برأيج منو المفروض اخذ حقي منه امي لو ابويه ....
ليش ناس ميته صارلهم سنين شلج بيهم ....
يصير ينطوج كلشي واني كلشي ماكو . عادي بعدل الج شي والي شي ....
ههههههه . خرب عقلج .....
وشسوين بيهن لو يصير جان انطيتهن الج فلاحه ملاجه ....
حته حيدر ثاني يوم يطلكج هههههه .....
مشمش اريد اسمن بلكي اطك شويه ....
شوف الحظ اني اتحسر على رشاقتها وهاي تريد جسمي اهو امده قسمتي .....
.
.
.
.
* عقبه الحب من اصعب العقبات الي تواجه الانسان*
.
اموووووت علي.....(ك /ج )
شتتوقعون شراح تصير الجمله اموت عليك لو اموت عليج وشلون راح يصير ويا ترى منو هذا الشاب انتظروني بلبارت القادم .
تحياتي زينب علي .