جسد انثى مريم 🔞🔞🔞 الجزء الثاني

بارت ١٣

خل اسولفلكم عن صباحيه زواجي  الثاني ...
.
هاي تختلف عن الاولى لان الاول جنت ما راغبه بلزواج وتزوجت لان رسل وحيدر حسيتهم بقلق ضلو عايشين من ورايه خاف اسويلهم مكسوره .
بس هلمره لا حسيت اني اول شي بعقل اكبر واني ام وصار عندي اطفال و تقريبا تأذيت حيل بحياتي . فجسمي تقبلها يعني اني اصلا مجانت عندي لهفه لهموضوع ابد يعني حته من جان ينام وياي احس روحي مثل الطابوكه . بس هسه ما اعرف هو جسمي وافق على هلشي وكأني جنت محرومه ما اعرف شلون جان احساسي .
.
اني طبعا تقبلت وجوده بحياتي بس جان اكبر هم اليه وضيفتي الي جنت ما مستعده اتخلها عنها لو اموووووت .

تفاجأت بجيه عمتي ثاني يوم الصبح . وضلت يمي بس بدون ما تنطخ بيه وحسيت بيها تدري بلي صار البارحه . كل الي كالته اليه : لتغيرين هذا مثل ما غيرتي ذاك ....

ما اعرف وكأنو اني جنت ارغم محمد انو ميروح الهم . وانوب راح اندار على هذا ....

بهذا اليوم ما اجه ابو اوس . ثاني يوم اجه يمي . اني جنت بلمطبخ جاي اسوي غده .  اني يعني ما اعرف ذاك الطبخ اطبخه بس تشريب دجاج ولحم وهذني الخفايف . .
شمسويه غده ....
تشريب دجاج ...
عافني وراح . كعد بلصاله . جان عندي هواي حجي احجي بي بس الخوف ماخذ كل فكري . نصيت التشريب ورحت كعدت يمه . الكلمات مترضه تطلع من حلكي . ابو اوس ...
اممم ...
اني كلش خايفه وما اكدر اتنفس وانت موجود ....
لو ما مسويه جريمه جان ما تخافين ...
جريمه شنو ...
صافن ميجاوبني ويلعب بموبايله . سويلي جاي ....
كمت سويت جاي وحطيته كدامه . شربه . ودوامي . مجاوب ودوامي . ابو اوس دوامي ....

خزرني بعينه حيل ...
شتردين بعد شكووووو ....
كلشي ما اريد بس دوامي اريده ....
وان كتلج ماكو ....
ميصير جريمه هاي ميصير هيج انتهاك لحقوقي لحياتي لراحتي ....
مريم ما اريد اضربج . اني تره برأي الرجال اليضرب حرمه ماهو رجال . بس انتي جاي ادوسين بكلبي واني كوه متحمل ...
ابو اوس لخاطر الله خليني ارجع . ما اكدر اكعد بلبيت ...
لا ...
سكتت عنه كلت ليروح يعاند بلزايد . وصار الليل .
افرشلك ....
هز راسه وهو جاي يشرب جاي ...
فرشتله . ورحت . من يمه . عافني بهذا اليوم واني هم كلش انقهرت . ضليت بس ابجي . سمعت يصيح مريم ....
رحتله نعم ...
باوعلي ضل صافن عليه شبيج ...
اول ما كال شبيج كامن دموعي يهلن ...
دموع التماسيح مسحيهن يولي ...
باوعتله . انتم الله ذبكم عليه نقمه ....
ليش ما تكولين انتي الله ذبج نقمه علينه ....

يعمي عتقوني عوفوني شجابركم عليه ...
كام . اني خنست رجعت ليوره . خله ايده وره خصري . عض شفايفه . شجنت تكولين ...

اريد دوامي ...
لا وراها ...
ما اذكر ...
ضربني على راسي على كيف . وكلي حكمي عقلج كبل لا تحجين .

كتله اكو رب اليشيل الحمل  وياي ثكل حمولنه ولا ثكل الوجوه ...

صايره شاعره ست مريم ...
دكتوره مريم لو سمحت . احب اذكرك اني دكتوره وانت حابسني ...
عجل يولي ياهو الحابسج انتي ....
يعني اداوم ...
لا ....
ها مو كلت ياهو الحابسج ....