جسد انثى مريم 🔞🔞🔞 الجزء الثاني

بارت ٤

بين دراسه وبين امتحانات خلصت المرحله الاولى .
.
هلو مريومه شلونج ...
الحمد لله مشمش بخير ...
اكلج مرايم حبيتي .....
اكلج لتكولين مرايم تلعب روحي من هلاسم ...
جا اصيحلج فله ..
شو رسل روحي اني كلبي خلصان ....
اسم الله على كلبج يبعد كلبي . شوفي اكو طالب وياج موضف وي حيدر وشافج صارله سنه يراقبج وكاتل روحه عليج يكول شلون بنيه مؤدبه وحبابه ....
ايييييي والمطلوب ....
شنو المطلوب ما مبين مثلا ؟....
اكلج رسل روحي منا بروح ابوج .....
اكلج مريم خاف عبالج ايهاب بعد منه امل . تره تزوج وراح ....
ادرررري ادررري شبيه قابل غشيمه ....
شمدريج . بلا لسه بعدج ويا .....
روووووحي رسل عوفيني والله مالي خلك احجي .....
ولج مريم نص عمري راح تاخذي من وراج ومن وره قهرج ....
روحي خيه روحي صلي ودعي ربج ياخذ عمري ويريحج مني ....
.
شفت رسل كامت تبجي وصارت شفافها زرك . رحت شبكتها . رسل حبابه ما اريد ازوج ....
كليلي شنو السبب واعوفج ...
احبه ما اكدر ....
الله يكسر كلبه مثل ما كسر كلبج .....
لتدعين عليه والله مو صوجه صوج امه هاي الجلبه الي فرقتنه والله جنت ماخذه عهد على روحي اخدمهم واخليهم جوه عيوني بس شسوي لقسمتي الغبره ....
انسي ....
ما اكدر قابل اني اله وانسه . ادوس دكمه وانسا . فهميني ....
بلكي هذا ينسيج وتبدين صفحه جديده ....
ما انسه ....
انطي فررصه لروحج ....
تدرين رسل اكو بنات طالبات ويانه يوميه وي واحد تدرين اني اتمنى اصير مثلهن ومن اريد اسوي هيج يجي ايهاب كبال عيني وابطل والله ....
كومي دشوفي هذا الولد بلكي يصير براسج حظ ....
هم كالت شوفي صارلي ساعه ششرح ...
.
رسل تحجي واني اقنعها واحجي واسولف  اخر شي كالت شوفي وبعدين نحجي فشله متطلعين طبيت لبست ملابسي وحجابي وطبيت للاستقبال جان اشوف ولد شايفته بلكليه هواي بس ممحاجيته ولا محاجيني . اول مطبيت كام حيدر كال راح انطيكم مجال واحد يعرف الثاني ....
.
كعدت مثل السطل لا اهش ولا انش ....
شلونج مريم ...
زينه ...
عساج انشاء الله .. تعرفيني مو ....
لا ....
طالب وياج بلكليه ...
كالت مشمش ...
منو مشمش ...
اختي ....
ونتي شنو ....
ما ادري ....
راح اسميج موزايه لان صفره ورفيعه .ههههه .....
شبيج ضجتي . اني اسف والله حبيت اتلاطف وياج ....
مريم شنو رايج بيه ....
من يا ناحيه ....
كزوج مثالي طبعا هههه ....
الف وحده تتمناك بس اني تعذرني ....
ليش مريم بس اني كلش معجب بيج ...
ما اريد اتزوج عندي عقده من الزواج ....
.

براحتج طلع . واني كلت كون هلحجي ميحجي بي لان اذا سمعت رسل تكتلني
.
طلع وطلع ويا حيدر . وره شويه رجع . يباوعلي صفح ...
ما اريده ما اخذه هيه كوه ...
لا مو كوه براحتج اريد اشوف تاليتج شنو ....
مثل شنو قصدك تاليتي ....
هيج خاف يطلع ايهاب ثاني صفح انوب ....
شكرا جزيلا يعني كلما اريد انسه تذكروني ....
مريم لاخر مره احذرج احجي عدل وياي لا اجيبج براشدي اعدله لوجهج ....
لان عايشه وياكم تتحكمون بيه ...
انجبي واكلي خره منو متحكم بيج اشكال سويتي وحده غيرج جان فصمت ركبتها . شنو تردين اسويلج هيج تجازيني بهاي الطريقه شنو الي قصرت وياج بي حاسبج حالج من حال خواتي واكثر خواتي ما اسأل عنهم بكدج اركضلج ركض ويا ريتج فكرتي بيه قبل لا اطببين احد غريب لبيتي . لزم ايدي جرها حيل لج اني زعطوط يطب لبيتي بدون دريتي واسكت والله غيره اخلي من سجن لسجن بس مثل بلاع الموس من وراج ساكت يا ريت اجيتي واعتذرتي وكلتي اخويه ونزلت راسه ...
.
حيدر يحجي واني احس حجي حيدر مو كلمات سيوف ويطبن بجسمي سوده بوجهي هيج سويت سوده بوجهي  تمنيت الله يموتني واخلص .
رفعت راسي اله كتله حيدر انت هم حبيت وحبيت اختي وجانت تنام يمك ما حجيت . لو لان اني مره اني هم جانت امنيتي اخذ الانسان الي ارتاح ويا واحبه ويحبني وشسوي مو بيدي لان ما صارت قسمتي ويا ريتني تزوجت من جان عمري ١٣ ولا هلذله الي عايشتها .
رحت اركض على غرفتي شبعت بجي . ليش هيج يا ايهاب شمتت الناس بيه اليسوه والميسوه صار شريف براسي ليش هيج هذا جزاء  حبي الك لزمت صدري حسيت راح يطلع كلبي من ورا .  اجتي رسل شبكتني وضليت لليل اني ابجي وهيه شابكتها وتسكت بيه وتقرالي دعاء الحزين ...
.
.
.
مره الايام من هذا الخطيب الي اجاني وطشت اشاعه بلكليه اني  متعقده من الزلم خبله هيج جانت البنات والولد نضرتهم اليه حته البنات ميمشن وياي خاف يتأثرن وبعد محد يكلبهن ....
.
.
بلا زحمه ممكن اكعد حدرج ....
ليش ....
عجل الباص متروس وين اكعد ...
ضل واكف ....
بسلا باص الخلفوج ....
لتحجي هيج اني اهلي متوفين ....
اسف الله يرحمهم . وهسه ادني ....
اووووف ....
.
ضل الباص يمشي واني اكتب واقره دروسي . وكف الباص
يلا خويه انزل ...
.