جسد انثى مريم 🔞🔞🔞 الجزء الثاني

بارت ٧

وصلت للبيت لكيت محمد نايم ع الجربايه ومخلي ايده على كصته ونايم .
شلونك محمد ...
هلا بيج ام امجد ....
وتالي محمد اني تعبت ....
انتي متعبه روحج ...
ليش اني متعبه روحي فوك ما جاي اركض من الصبح لليل ....
ومنو كلج اريدج تركضين ....
انت من خذتني شنو جنت تتوقع اكعد بلبيت مثلا ....
لا بس مو هيج مريم اني محتاج انسانه وياي تحبني تنتظرني من اجي تعبان بلليل تنسيني همي . لج يولي  اني احبج ....
واني هم احبك ....
ههههههااااااي ددكول احبك ....
منو اكثر تحبين شغلج لو اني جهالج لو اني بيتج لو اني نفسج لو اني سيارتج لو اني ....
محمد انت متحبني ليش هيج تقارن بينك وبين هيج شغلات ....
شقارن مريم فهميني بيني وبين شنو بيني وبين منو
شوفي نسوان اخوتي وشوفي نفسج ....
اني اختلف عنهم ....
بشنو تختلفين مخلوقه من ماي وهمه مخلوقين من تراب ....
محمد اني تعبت بحياتي مستقبلي تعبت عليه ليش هيج متقدر تعبي ليش متوكف وياي وتكول اريد ابني شي النا لحياتنه لاطفالنه ما اخليهم يعتازون احد منو الهم فهمني ....
ليش مكطوعين من شجره ....
خاف الله محمد تره اني كبل لا استلم الفلوس اروح ازكيهن وادفع منهن صدقات اكول حته الله يطرح البركه بيهن . محمد اني تعبت واريد اشوف نهايه تعبي اريد اشوف ثمره تعبي اريد اصير ....
كافي انطي لنفسج فرصه ....
مو هسه ....
استغفر الله ....
.
كام عافني وراح للصاله واني نمت بلغرفه . لبست ملابس مال نوم . رحت يمه . محمد ...
ها والتفت اليه . هاي شنو شلابسه ....
هههه عندي موعد اليوم وي واحد ...
لا وانتي الصادكه ....
ههههه اي رحت طبيت للغرفه لحكني محمد وضل يبوس بيه واخر شي نومني على صدره شبكته وكتله احبك والله محمد الله يخليك اوكف وياي خليني اسوي شي اريد ارسم علامه تعبي .
.
شبكني حيل وكلي انشاء الله ....
.
.
.
اكولك محمد خل نروح نودع رسل وحيدر باجر ....
ميخالف .....
والله ثاني يوم رحنه ودعناهم للمطار ورواحو شبعنه بجي اني ورسل .
رجعنه للبيت حسيت روحي غريبه بلعراق بعد محد الي وصيتها  اول متوصلين تخابرني صدك اول ما وصلت خابرتني مشتاقتلج مفتقدتج وهيه هم خطيه شبعت بجي وضليت شايله همها لان اصلا رسل متعرف انكليزي خطيه كلشي ماكو ....
وره شهر كامت تتعلم ودخلت دورات وتعلمت انكليزي وضلت تحجي وياي بلانكليزي بس جانت لهجتها مكسره ههههه حبيبتي خطيه . وجهالها هم وضلينه مستمرين نحجي ونسولف وياها اجه محمد هم سلم عليهم .
خلصت المكالمه . محمد خل نلحكم هههه
هو اني طلعت من اهلي امي لسه متحاجيني انوب اروح لامريكا ههههه . اكلج باجر زواج اوس ...
صدك اشو محد كال ....
لا هسه ابو اوس خابرني كال خل تجي ....
الله كريم اذا لحكت ...
مو الله كريم تروحين فشله من ابو اوس شيكول ....
.
ميخالف ....
.
.                                     #زينب_علي
.
.
ثاني يوم صار العرس الوجوهه مكلبه يمي ابد كالبين خلقهن عبالك جايتهم من طوكيو مع العلم ملابسي عاديه بنطرون وقميص رسمي وهنه كلهن بدلات ومكياج وتسريحات اصلا ممسويه شي بس همه بعد ممتقبليني ابيتهم .