جسد انثى مريم 🔞🔞🔞 الجزء الثاني

بارت ١٥

مرات الاشتياق يقطع تفكير الانسان وياخذه بعالم ثاني ومستحيل يكدر يعبر يوم بدون متشتاق للانسان الي تحبه بغض النظر عن انو شنو هذا الانسان شلون يصير شلون طبعه شلون اسلوبه هذا
.
.
.
يوم عن يوم صار جزء مني وبقيت احسب الايام بدونه وتمر الايام وبدت اثار الزراك الي بركبتي تخف وجان همي الوحيد هلاثار وكأني اتوسل بيها لتروح رغم بياض ركبتي بس حسيت هلاثار ضايفه لركبتي فد شي وكأنها قلاده ..
اااااااه صرخت تمزق احشاء قلبي .
بيت جبييييير ومابي غير بس اني وجهالي وخالي من كل مشاعر صارلي اكثر من ٦ سنوات هلبيت . عمري محسيت ابيتي حي وبي روح غير بس بوجود خالد بحياتي . وبنفس الوقت صارت عندي حاله حقد على محمد كلش كرهته . هاي الفتره الي اني بيها ما عده يوم اذا ما لمت نفسي وأنبتها ما عده يوم ما كرهت روحي من ورا وكل ما اخس اني ضالمته امووووت . وتالي يطلع مزوج وعنده ولد . هو مبين اصلا ما ملحك عليه ولا شايفه لان صغير بس ليش صح اني جنت بشغلي من الصبح لليل بس مو لدرجه انو يروح يزوج . وهو شنو القصور الي صدر مني حته يروح يزوج اشو مكابلني من الصبح لليلل بلجامعه ثنينه سويه وبلدوام ثنينه سويه بلشغل ثنينه شويه بلبيت ثنينه سويه حته من نستلم راتب هم سويه . هيج حقدت عليه كلش . وقررت انو خلاص محمد لازم يطلع من بالي . ايهاب ومحمد خلاص بعد ميستحقون كل تفكير . ابد
.
بس خالد لا ... خالد ويا سالفه ثانيه مو اني الي يضحكون عليه ويرحون بسيطه .
خابرت رسل . رسل سوي الاجرائات حبابه حته ارفع قضيه دعوى طلاق . بس اسافر ارفع دعوى ...
ها شكو ...
سولفت القصه لرسل اجتي رسل تتخبل . مريم عوفيها وتعاي جيبي جهالج وتعاي ....
مرت الايام واني الليل كله ما نايمته . يوميه اتخيله ينام بصفي . يوميه اتخيل عطره بلغرفه اطلع ملابسه ابوسهن وانام وصلت لدرجه حته لبست وحده من دشاديشه ونايمه . ما ودي انزعهن . ومرت الايام وصار شهر كامل على فراقنه . يجي اوس يجيب مسواك ويذبه ويروح .

عمه ابوي يكول جيبي السويج مال السياره ....
شيسوي بي ....
ما يبقل تصعدين بيها . يكول اذا احتاجت شي خل تخابر واحد من الولد يجيها لتطلع بلسياره ....
اي كله ميخالف ما تطلع بس خلي السياره خاف يتخربط واحد من الجهال ...
راح اوس . فتحت المسواك . اني مالي خلك اسوي غده بس ذوله الاطفال شنو ذنبهم  . سويت الاكل شلون مجان . اكلو وخلصو . واني روحي كامت تتغريف ياربي دخيلك هاي شبيه . اجتي ابالي شنو شوكت اخر مره ؟
عزززه صارلها سبوع . اخر موعد قبل سبوع . يا ربي دخيلك عندي ثنين ايتام انوب اجملهم بلثالث . يا ربي ما اريده هلطفل .
ما صدكت شوكت يصبح الصبح . رحت حللت وتأكدت اني حامل . وهاي اني حامل والله اتذكر بهذا اليوم كعدت بلباب مال ابو التحليل . وجان خيارين ابالي اسقاط لو اسافر  .
واني جاي اطلع شفت خالد جايب عمتي تسوي تحاليل . باوعلي عكد حواجبه .
يولي شجابج هنا ...
مجاوبته وكتفيت بلسلام . جر الورقه من ايدي
حامل ....
لا ...
سحب ايدي قوي
شنو لا عجل هاي شنو ....
راح اجهض ...
فنج تكربيله والله لافنيج فني وما اطلع رجال ومن ضهر ابوي . اخليج تتحسرين على شوفه جهالج ....
تهددني انت ...
اهددج واهدد عشيرتج .....
.
رحت بلبيت هذا شنو شبي معقوله ما رف كلبه عليه يعني صدك جان ينصب عليه صدك هذا غزله وحبه هيج كلاوات .
.
شويه واجه ايهم ابن خالد .
ابوي يريد زينب ....
شسوي بيها هم راح يخطفها ...
عمه هذا ابوي شلون تحجين عليه كدامي تره واكفه هااا ...
دروح كله نايمه ....