عشكت بغدادية

البارت 5

عشكت بغداديه
....................

ريماس : دخلنه جوه وضليت كاعده يم ماما وجنتهم ومرت عمي جنتهم هم اسمها نور مثل اسم ماما وكلش محبوبه وابنها كلش حلو وكيوت وخدوده اتجنن ضليت خالته بحضني والعب وياه ...
بس مرت عمي كلش ما ارتاحيتلها ضلت اتباوعلي بنضرات غريبة عبالك تريد تاكلني وضلت اتبسمر بيه على اللبس والحجاب ومن ردنه نفوت شافت سجاد يباوعلي هي تخبلت عبالها اكو شئ وضلت اتذب بسامير وتلمح مره انو سجاد هو شيخ ومن بعد عمر طويل هو يستلم الشيخه بعد عمي وما يأخذ إلا منهم وبيهم ما يأخذ وحده من خارج كرايبه أو من غير محافظه وتريد تاخذله بنت اخوها ومره انو هو ما يحب الوحده ما لابسه حجاب ويتخبل من وحده سافره وما تلبس رداء أو عبايه ذبحتني إلا شويه ردت ابجي أمي ما حجت شئ لأن متعوده على كلامها ومن ضلينه وحدنه كالتلي لا تهتمين لكلامها هي من شافتكم حلوات ومرتبات عبالها واحد من ولدها راح يخلي عينه عليكم فتريد تسمعج كلام علمود ما تتقربون منهم
نور  (أم ريماس ) : عابت حتى عابت عبالك اميتين عليها هي و ولدها إني ما جاوبتها لأن ما ردت اسوي مشكله وادري بيها السانها طويل وتموت على المشاكل وبعدنه ما صالنه كم ساعه من وصلنه هسه بس اشوف ابوج اخلي يحجي ويه عمج خلي يضب مرته لأن كلامها ما ينبلع اشايفه علينه هي ما شاء الله بناتي يخبلن وألف واحد يتمناهن ....
ريماس : ضلينه كاعدين بعدين كمت رحت للمطبخ حتى اساعدهم وأخلص من لسان مرت عمي رحت للمطبخ جنتهم ما خلتني اشتغل وياهم كالت انتي خطار ما يصير تشتغلين وأني ويه النسوان يساعدوني 
(طبعا هم يجيبون نسوان يشتغلن وياهم بالتنظيف والطبخ وينطوهم مثل فلوس مثل الراتب كل شهر لأن بيتهم كلش جبير وأربعة وعشرين ساعه خطار ) بالكوه خلتني اسوي السلطه فإني أخذني الواهس وكمت اسوي مقبلات لأن كل شي أريده الكاه كدامي ما شاء الله كل شي عدهم فسويت بيذنجانيه وجاجيك ومتبل حمص وتبوله وسلطه ورتبتهن صار كلش حلو شكلهن نور شافتهن هي والنسوان اتعجبو بيها وكلهم كالولي علمود اعلمهم شلون يسووها من كملت اخذتلها صورة ونزلتها على فيس كملت شلتهن كلهن خليتهن على الميز ويا ما كملت دخل سجاد كال نريد جاي للديوان على السريع ما انتبه عليه بعدين من التفت شافني إني من شفته انثولت مدري شصار بيه سويت نفسي دارتب بالميز هو إجه يمي كال شجاي اتسوين بلكوه جاوبته دارتب بالمقبلات .....
سجاد : فتت للمطبخ علمود الجاي ما انتبهت هي موجوده بعدين من ردت أطلع انتبهت عليها لأن المطبخ جبير وبيه كومه نسوان شفتها جاي ترتب بالميز ومخليه مواعين مدري شنو بيهن رحت يمها كتلها شجاي اتسوين كالت دارتب بالمقبلات بس شنو صوتها يموت باوعت على الميز مليان وشكله يشهي اشكال المقبلات وكلش مرتبه عبالك جايبيها من المطعم وبعد أرتب من المطعم مديت أيدي ردت اضوك كبل لزمت أيدي كالت لا تأكل منها يخرب شكلها هسه اخليلك بماعون ...
سجاد : من لزمت أيدي بيدها مدري شصار بيه عبالك كهرباء مشت بجسمي ضليت صافن انطتني ماعون وحد علمود أكل منه ضكته طعمه كلش طيب اكلت الماعون كله من خلصت كتلها عاشت ايدج كلش طيب رفعت رأسي علمود انطيها الماعون وأني مبتسم بس من شفتها شلابسه راحت الابتسامة وعيوني صارت بكصتي هي من شافتني ضلت صافنه ابوجهي خايفه اني من فتت ما انتبهت عليها ضليت مدنك لأن نسوان وعيب أرفع راسي واضل اباوع ....
سجاد : عيوني صارت بكصتي بس ما كدرت احجي وياها لأن المطبخ بي كومه نسوان بنت الاوادم لابسه تراكسود برموده اسود وشوي حصر وهي بيضه والشعر رافعته ليفوك على شكل كبايه واكو خصل نازله على عينها من كدام شكلها كلش حلو ومغري بلكوه لزمت نفسي ما كتلتها كتلها وأني ضاغط على سنوني راح أروح لغرفتي ثواني الكاج كدامي فاهمه .....
ريماس : هو جان مبتسم انطاني الماعون ورفع رأسه شو من باوع عليه اختفت الابتسامه وعيونه و وجهه صارو حمر من شفته هيج ضليت صافنه متت من الخوف كالي الحكه ويحجي بصيغه الأمر وأني الثوله من الخوف كبل لحكته صعدت للطابق الثاني لأن غرفهم فوك بس ما اعرف ياهي منهم غرفته ضليت صافنه يا غرفه مالته ما أحس إلا الباب البصفي انفتح على السريع وانسحبت من زندي بقوه ....
سجاد : صعدت فوك ضليت انتظرها والله شويه حسيت صوت خطوات عرفتها هي اباوع من جوه الباب على خيال رجلها ضلت واكفه اني اذكرت هاي ما تعرف الغرف اني على السريع فتحت الباب وسحبتها من زندها وسديت الباب وحصرتها وره الباب صارت عيني بعينها عيونها مدمعه والخدود حمر مال كرط وكذلتها نازله على عيونها وريحتها تجنن تسطر سطر من شفتها فهيت فد مره واصلا نسيت على شنو صحتها ضليت صافن بعيونها
ريماس : اووووووي عفيه اتركها لايدي حيل داتاذيني ...
سجاد : من كالت اوووي شعلتني شعل ...
ولج من اشتعل جدج على هل الاوووي مالتج إذا بعد كلتيها كدام أحد اجرم بيج فاهمه بس كدامي تكوليها
هديت ايدها وضليت صافن بعيونها
بعدين اتذكرت خزرتها وكتلها وأني صاك على سنوني انتي شلون واكفه بالمطبخ بهلاللبس تدرين الولد يضلون طابين طالعين وخاصه المطبخ حضرتج واكفه تسويلهم عرض ازياء بهذا لابسج خاف اهلج ما ربوج اني اربيج يالبغداديه هل اللبس ممنوع بعد تلبسي اخذي من تمارة دشداشه وشال وديربالج اشوف شي من جسمج طالع لو شعرج فاهمه .....
ريماس : دمعت عيوني حيل خفت منه وضجت حيل من كال اهلج ما مربيج اني لابست هيج المطبخ حار وماكو أحد بس نسوان كلت من أخلص أروح ابدل ما عبالي راح يجي ...
ريماس : حجيت بالكوه خنكتني العبره أحترم نفسك اني مربيه أحسن تربيه وما انتظر حضرتك تجي تربيني وبعدين اني جنت مشتغله بالمطبخ وحاره الدنيا فلبست هيج وكلت من أخلص ابدل والمطبخ ما بي بس نسوان ماكو أحد دخل للمطبخ ولو أدري بيك راح تجي للمطبخ ما جان لبست هيج بس النسوان كالو ماكو أحد فاخذتي راحتي ما جنت واكفه اسوي عرض ازياء يا شيخ وهسه لو سمحت ممكن توخر أريد أطلع لأن مو حلوة يجي أحد ويشوفنه لوحدنه بالغرفه وانته شيخ ما حاجه أعلمك ...
سجاد : بالكوه تحجي خنكتها العبره وعيونها مدمعه بس أبدأ ما نزلت دمعه منها ومن تحجي شفيفها تخبل إلا اشويه ردت ابوسها بس ضليت مركز بكلامها خجلت من نفسي وبعدين من كالت أحد يشوفنه لوحدنه بالغرفه انتبهت على نفسي كبل ابتعدت عنها هي كبل عافتني ونزلت ......