عشكت بغدادية

البارت 4

تيم : وصلنه لبيت عمي نزلنه لكيناهم واكفين علمود يستقبلونه سلمنه على الكل واخير شئ وصلنه يم بنت عمي اسمها تمارة سبحان الخالق كلش حلوة ضليت مفهي يمها مع شايف كومه بنات حلوات وعندي كومه علاقات وصديقات بس هي جذبتني بشكل غريب وتحسها كلها برائه ورقه النوب سلمت عليه يابوووويه صوتها يموت كلش حلو وناعم ضليت فاتح حلكي عليها مثل الخبل حتى ما رديت عليها ضليت صافن بوجها هي خطيه ضلت اتباوع عليه عبالها بيه شي حسيت على ايد بابا كرصتني فانتبهت لنفسي كبل رديت عليها بعدين بابا سحبني على جهه وشاورني ....
أحمد : لك يا طايح الحظ متكلي شبيك فضحتنه ضليت فاك حلكك بوجه البنيه ما شايف إذا عجبتك احجي ويه اخويه واخطبها الك هسه ،،،،
تيم : بابا على كيفك ما صالي خمس دقايق من شفتها كبل تريدني اتزوجها واصلا فكرة الزواج شايلها من رأسي وانته تعرف بهذا الشئ ومن أريد أتزوج إني أجي واكللكم أريد اتزوج .....
أحمد : بكيفك ابني ما اجبرك على شئ إني بس لا تضل صافن على البنيه خزيتنه ادبسزز ....
تيم : تامر بس والله طلعت بنت أخوك صاكه ههههه .....
أحمد : أيا ادبسزز إني أعلمك بسيطه اوكفلي ....
تيم : 🏃🏃
سجاد : فتنه جوه للديوان وكعدنه نسولف وتريكنه بعدين عمي أحمد كال أريد أطلع افتر بالبستان شويه وأخذ تيم وأشوف البنات اذا يرحون ويانه لو لا ....
ما أدري ليش من كال نأخذ البنات ضجت تخيلتها تمشي بالبستان والشعر نازل والعمال يباعون عليها كلش عصبت. ....
سجاد : عمي تريد تروح تتمشى انته وتيم اخذو راحتكم بس مال تاخذون البنات وياكم هاي واكفه تدري البستاتين مليانة عمال وفلاحين مو مال تأخذ بناتك وياك وفوكاها الله يستر عليهن ما لابسات حجاب ويا ريت لو تكللهم يلبسون حجاب لان ما عدنه بنات يطلعن ويفوتن بدون حجاب ... وإلا انته شتكول يأبه ....
محمد : والله وليدي كلامك صحيح ... يا خويه إني ما أريدك تضوج او تزعل وصدك بناتك هنا بناتي بس كلام سجاد صحيح ما يصير تاخذهم بنص البساتين كلها عمال وفلاحين وما شاء الله تبارك بناتك الله يحفظهن يكولن للكمر كوم خلي اكعد مكانك وفوكاها بدون حجاب احنا ما عدنه هيج حجي وانته تعرف كلش زين عاداتنا وتقاليدنا ماكو داعي اعلمك شنو هنا لأن ما اضن بغداد نستك بهذا السرعه العادات إلي تربينا عليها ...
أحمد : والله يا خويه كلامكم على عيني وعلى رأسي بس إني أريد اطلعهم خطيه ضايجين وهم ولا مره جايين هنا وشايفين الأرض والبساتين إلي اني وياك تربينه بيها من جانو صغار ما جايين وبعدين لا تخاف مدام احنا ابيتك الحجاب ما ينزع بس بعد اذنك اني أريد أخذهم ويايه علمود يشوفون الأماكن الي تربيت وكبرت بيها وإذا تريد شيخ سجاد تعال ويانه علمود اتدلينه لان صالي هواي ما جاي هنا وهسه اكيد كومه شغلات تغيرت بيها .....
سجاد : أن شاء الله عمي تامر أمر ...
حسن : واني هم أريد أجي وياكم صالي هوايه ما متمشي بالبستان وهم اتعرف على بيت عمي أكثر ...
سجاد : 😒😒 انهجم بيت الباميه يريد يتعرف أكثر سودة عليه ...
حسن : 😂😂 لعد شلون أهم شي نتعرف ....
حسن : وره ما كعدت ويه تمارة و ريتاج شويه رحت للديوان لان عيب ما اكعد وياهم بس كاعد وياهم وبالي كله يم ريتاج سمعت كلام سجاد واتفطنت بيها هي بنت الاوادم تكول للكمر كوم اكعد مكانك على كولت ابويه والنوب الشعر فد شي ومسويته ذيل حصان ويتمايل وياها تخيلت شكل العمال شلون يباعون عليها تخبلت بس همزين ابويه وسجاد كالو لعمي يلبسن حجاب نوعا ما ارتاحيت بس حتى إذا لبست حجاب الوجه وين يروح الجسم الصوت الي عبالك كناري ويغرد أوف ربي كون الي سلطه عليها إلا احبسها بالبيت وما اخلي أحد يشوفها فكلتلهم أروح وياكم بحجه افتر وهم اتعرف أكثر عليهم بس جذب اني أريد اخليها كدام عيني بلكي نوعا ما أطمئن .....