عشكت بغدادية
.......................
وهسه نجي لبطله القصه
ريماس : هلوو ، اسمي ريماس أحمد ... من بغداد طالبه كليه صيدلة مرحله ثالثه ، خلي اوصفلكم شكلي طولي وسط بس يصيحولي قزومه ليش ما ادري والله طولي زين 😭 بشرتي بيضه وعيوني خضر طبعا ماما عيونها خضر وبابا عيونه ملونه و شعري اسود طويل كلش بطولي وأي واحد يشوفه يتعجب بيه وجسمي حلو ومرتب... وعندي خوات اثنين وأخ واحد اكبر وحده بينه أختي يقين خريجه كليه هندسه وبالكليه تعرفت على مصطفى واتزوجو وهسه عدها ولد اسمه علاوي يخبل عمره ست أشهر ودائما تجي تبات يمنه هي وزوجها مصطفى من يروحون اهلي للبصرة أو أي مكان ثاني .. وعلى حدها اخويه تيم خلي هو يعرفكم على نفسه
تيم : هلوو شلونكم اني تيم طالب كليه طب وهاي أخر سنه الي واتخرج مواصفاتي أبيض عيوني ملونه شعري اسود مرتب وحلو وطولي 178 وكل البنات يركضن ورايه وعندي كومه معجبات وصديقات بس بالي أبد مو وياهن صح اطلع واطب وعندي كومه صديقات بس قلبي ويه وحده وبس 😢 بس للأسف .. المهم هسه نرجع لرموسه
ريماس : طبعا تيم جان يحب وحده وياه وظل هو وياها على علاقه أكثر اربع سنين بس هي اتزوجت العميد مال الكليه مالتهم وتيم كلش اتاذه وراها وحاول شكد ينساها بس ما كدر ومرات يكعد يبجي عليها كلش قهرني وبيوم عرسها ضل قافل على نفسه الباب ويبجي وشكد أمي اتضل تحجي وياه علمود يتزوج بس هو ما يقبل ويضل يطلع حجج وشكد عنده علاقات وبنات بس ما كدر ينساها وهي اسمها (ريم) وراح تتعرفون عليها أكثر من خلال القصه ....
وعلى حد تيم إني وعندي أخت أصغر مني اسمها ريتاج آخر العنقود خلي تعرفكم على نفسها
ريتاج: هلو شلونكم إني ريتاج الصغيرونه مال البيت ومحد يرفضلي طلب طالبه كليه طب أسنان مرحلة ثانيه اوصفلكم شكلي بيضه عيوني خضر شعري اسود طويل يوصل حد فخذي وجسمي كلش مرتب وحلو وطولي نفس طول رموسه بالضبط
وهسه نرجع لرموسه ....
ريماس : وهسه خلي أعرفكم على خوالي وعمامي مو كلش أعرفهم لأن ما شايفتهم من جنت صغيرة بس اعرف عندي عم واحد إسمه محمد وهو توأم بابا وثلاث عمات ....
أما خوالي عندي بس خال واحد وخاله وحده ... خالي اسمه 《شهاب》 كلش حباب وحلو عبالك مو خالنه مثل صديقنه وأربعة وعشرين ساعه يمهم عنده أربع ولد وبنات اثنين وكلش محبوبين
وخالتي نور عدها خمس ولد وثلاث بنات .... وطبعا احنا ما اكللهم لا خالو ولا خاله كله شوشو (شهاب) و نونو (نور) 😁😂 ....
ونسيت أعرفكم على بابا وماما
طبعا بابا اسمه أحمد بس احنا انصيحله حمودي وماما اسمها أشواق بس انصيحلها شوشة طبعا احنا هيج عايشين مثل الأصدقاء وعلى راحتنه بس ابد ما نتجاوز حدودنه وصحيح احنا مو حجابات بس لبسنه مستور وابد ما نتجاوز حدنه ....
القاكم في البارت 3
أنت تقرأ
عشكت بغدادية
Romansaقصتنا تتحدث عن الشيخ سجاد من الجنوب وابنه عمه البغداديه وما أريد اكشف احداث القصه اكثر اقروها بنفسكم الكاتبه ايناس
