غير وصلت لدوزيام إيتاج بانلها. واحد طايح في دروج غير شافتو هبطت تجري ..صابت راجل مكسل في دروج و مغمض عينيه ...خافت بزاف
ريهام:" واش صرالو هذا !!!هبطت للمستوى تاعو و دارت وذنها على قلبو مي صابتو يخبط ...
ريهام:"الحمد الله ...
قاعدة أجونو و بدات تهز فيه في كتافوو تعيط
ريهام:".. مسيو .. راك تسمع فياا !!
هو حل عينو كي صابها شاداتو بلخف شدلها يديها و قلبها حتى ولات هي تحتو ...
راجل:" شوووت .. ما تعيطيش !!هي بقات تخزر فيه مشوكيا ما قالت حتى حاجة و هو طلع حاجب و قاعد يخزر في عينيها ...كي فاقت لروحها راحت طبعو مي زير يدو عليها
ريهام:" اااي وجعتني ... وشبيك اطلقني وجعتني...
طلقها و ناض عليها و هي ناضت تجري شادة يدها..
ريهام: " شبيك نتااا... ديجا واش راك دير هناا.... قلت سيد مات فدروج ...
ما جوبهاش طلع فدروج و خلاها... هي ضاقتلها
بدات تعيط: " حق الخير لي خفت عليك!!! ياخي حابس ياخي... روح ان شاء الله طيح فهذاك دروج عضامك يتكسرو.....!!!مي محلبهاش طلع و خلاها تاكل في روحها... راح للبيرو تاعو صاب مساعدة تاعو وناشر يستناو فيه...
مساعدة: " أستاذ شهاب من صباح و حنا نستناو فيك... حتى تيليفونك مغلوق...
شهاب: " راني هنا دوكا...
قعد في بيرو تاعو و هما مقابلينو...
ناشر: " بون لازم نقولك مبروك يا سي شهاب كتابك لخر لاقى نجاح كبير.. مليون نسخة انباعت في اقل من شهريين ملي نشرتو...مساعدة: " وي و هذا كتاب 9 لي لقى هذا النجاح..
شهاب: " جيت تشكرني برك!؟
ناشر: " هههه في حقيقة جانى طلب باه نترجم كتابك لخر لعدة لغات و نخرجه لمكتابات عالمية...
شهاب: " ايهيه ماشي أول مرة يجينا طلب كيما هما...
ناشر: " حبو لقاء معاك.. عبارة عن مقابلة مصورة...شهاب: " نرفض...
مساعدة: " مي أستاذي هذا شيء راح يرجعك مشهور كتر..
شهاب: " علاه راني نحوس على شهرة أنا... حلمي نكتب و ننجح و حققتو.. ما نسحق والو كتر..
ناشر: " ماشي هذا الوقت باه نسلطو الضو على الكاتب المجهول لي عالم راه حاب يعرفو..
شهاب: " مممم نو...
ناشر: " كيما تحب سي شهاب.. أنا نكمل خدمتي و نردلهم لخبر...
ناض و خلاه تبعتو مساعدة و هو قعد وحدو في بيرو يشوف في كتابو لصدر..و يتفكر كيفاش بدا و وين لحق....بون رحبو بالبطل... شهاب ***** معروف بالكاتب المجهول.. من أنجح الكتاب في الجزائر و عالم اشتهر بلخف و سورتو كي خلى هويتو مجهولة زاد من حب قراء ليه... مي بطبعو جاي كاره حياتو و ماشي إجتماعي.. في عمرو 33 سنة.. عايش وحدو.... باباه و يماه حيين مي ما يتفهامش معاهم ألوغ خرج من دار و كمل حياتو وحدو...
أنت تقرأ
حياتي معه
Humorجنونها و تهورها يوقعها في مشاكل و مواقف لا يحسد عليها أحد ...هذه حال بطلتنا ريهام لي طبق قبل ما تخمم... قصة حب باللهجة الجزائرية... تجمع بين فتاة تعشق الكتابة و كاتب سريع الغضب و الانفعال.. ❤🌺