فاتو يامات على مؤتمر كلش تبدل في حياتهم والاو يخرجو بسيف من دار خاف شهاب يتبعوه و يعرفو دارو يعشي راحل... ألوغ هذو يمات ماهوش يروح للشريكة...
أما فيما يخص علاقتهم كان توجوغ يسيي يتقرب ليها مي هي كانت تصدو و كي عادة تتهرب بصح لوقتاه؟
_________________________________________
ليوم
خرج شهاب و خلا ريهام تخمل في دار كانت لاتية حتى سمعت طبطيب... راحت حلت صابت مرا كبيرة
مرا :" صباح الخير بنتي..
ريهام :" صباح الخير خالتي..
قاعدة تشوف فيها تستنا فيها كشما تقول مي هذيك لمرا ساكتة حتى يلحق موراها راجل غير شافتو ريهام عقلاتو... إسلام خو شهاب...
تخلعت ريهام كيفاش عرف دار؟ واش جابو!
لمرا:" نغمالمون دوك تقدري تعرفي شكون أنا!!!
ريهام بلخف ربطت الاحداث و عرفت بلي يمات شهاب...
إسلام :" تخلينا عند باب
ريهام تبسمت و دخلتهم للصالون قعدو...قعدت تشوف فيهم معرفتش كامل واش تقول...
حياة (يمات شهاب) :" سمحيلنا جينا على غفلة بصح غير عرفت بلي إسلام صاب خوه ما صبرتش.. حبيت نشوفو...
إسلام :" راح يزعف علينا مي خليه أنا ماراحش نسمح فيه...
ريهام ما راهي فاهمة والو و قعدت غير تدعي يطول و ما يجيش بسكو باينة راح يقلب دنيا سورتو كي يشوف يماه...
حياة :" نتي مرتو مانيش غالطة..
ريهام :".. أ.. أنعم.. أنا مرتو
حياة و بغصة :" اييه نغمالمون أنا لي نزوجكم و نفرح بيكم.. حتى في فرحو و ما حضرتش
..
بدات تبكي ريهام مالغري علابالها بلي يماه غالطة مي غاضتها.. قعدت قدامها تكالمي فيها
حياة :" غلطنا.. كرهناه فينا.. نيتي كانت نوريلو صلاحو.. حبيتو يكون ناجح بلا ما همني رايو و لا حوست نفهم واش راه حاب....
إسلام :" غرتكم الدنيا نتي و بابا أنا ما كونتش راضي بصح هكاك و سكت حتى أنا غلطت لي محبستش خويا هذاك نهار... و دوك.. كي صبتو حاوزني...
هبط راسو للرض و سكت..
ريهام :" ما كانش ساهل عليه.... 6 سنين و هو وحدو واش راكم تستناو يدير.. يفرح بيكم..
أنت تقرأ
حياتي معه
Humorجنونها و تهورها يوقعها في مشاكل و مواقف لا يحسد عليها أحد ...هذه حال بطلتنا ريهام لي طبق قبل ما تخمم... قصة حب باللهجة الجزائرية... تجمع بين فتاة تعشق الكتابة و كاتب سريع الغضب و الانفعال.. ❤🌺
