حياتي معه

بارت 11

يوم الفاتحة

اليومين هذوك جازو رهج على البطلة تاعنا.. رانية باتت معاها تسيي تصبر فيها و تعاونها تفرز دوزانها... لحقت الجمعة ناضت رانية و ريهام جوايه 9.. وجدو الكابات ريهام ما عياتش روحها تروح تمشط والا تماكيي لبست حوايج الخرجة نرمال...

راح تخرج من دارهم مذلولة مي سي بون دات قرار ما تحلل ما تزيد تعيي روحها.. الهدرة خلاص ما تفيدش ...

رانية :" نوضي نشربو القهوة...

ريهام :" ما هيش في خاطري..

رانية :" ايا ختي دوك جي يماك تبدا تسمعنا في كلام...

ما كملتش هدرتها دخل وحيد

وحيد :" ختي لعزيزة. راكي لابسة؟؟

ريهام :" وي

وحيد :" مزال حال

ريهام :" علابالي..

....
سكت و خلاها...

وجدو الحالة و باباها راح يهدر مع الامام لي راح يفتح..

✈🍊☀🐘🍕❤✈🍊☀🐘🍕❤✈🍊☀🐘🍕❤✈🍊☀🐘🍕❤✈🍊☀🐘🍕❤

عند شهاب

جاب فام دو ميناج خملولو كامل الدار فرغ بيت لي كان يرقد فيها من دوزانو كامل و داهم للبيت وحدوخرا كان دايرها مستودع.. معمرة غير كتابات و مسودات تاع الكاتب المجهول
هكا اوموان يلقا وين يكتب و يرقد براحتو..

لحق وقت الفاتحة ضرب حطة.... جا جواد و مدير على اساس هوما عايلة تاعو... جابو باتيسري و الورد...

ديما راو مور الجموعة كيف كيف ... بلخف لحقو..

جواد :" يا خو ما تخافش رانا معاك اوكي... و
شهاب نوصيك باباها يقول واش يقول متتقلقش

شهاب خزر فيه بنص عين حل الباب و هبط.. تبعو هو و مدير..

مدير :" راك واجد؟

شهاب :" واجد..

لحقو للباب طبطبو.. حللهم سي عبد الحفيظ.. يضحك زعما..

عبد الحفيظ:" مرحبا مرحبا جوزو...

بدا يسلم لحق لشهاب.. دخل و خلاه... حرڨو هاهاهاهاها... يستهل 😏

___________________________

اما ريهام قلبها خرج مع هذيك طبطيبة ... شافت في رانية و دموع في عينيها...