حياتي معه

بارت 10

     نفس النهار لي جا فيه شهاب لدار ريهام :

كانت في بيتها قاعدة..  حتى حلت يماها  الباب
مليكة :" تبعيني  للصالون باباك يحتاجك..

ريهام رجليها فشلوا... ناضت بلا ما ما قالت حتى كلمة
لحقت لصالون  صابت  غير باباها قاعد..  تلفتت  تحوس على وحيد مي ريحتو  ما تسعاش.. كان ملجأ تاعها..

عبد الحفيظ:" بون من ليوم  تقدري تخرجي من بيت مي زنقة انسايها  عندك غدوة تعقدي و يومين في يدك وجدي روحك للفاتحة  تاعك..

ريهام قلبها بدااا  يخبط مأمنتش  بابها من نيتو راح يبيعها على جال غلطة صغيرة..
طاحت في لرض  تبكي..
ريهام :" يا بابا تعيش علاه راك دير هاكا و الله غير غلطت..  سمحلي و الله ما نعودها...

عبد الحفيظ:" هاذي لكان خممتيلها من قبل ماشي حتى وطيتي  راسي في لرض...

ريهام تخزر في باباها و تقول بينها و بين روحها 
واش راه يهدر هذا..  واش. درت أنا!!!  يا ربي خليه يفهم راه غالط..

جاز و خلاها كي الكلبة في دار.. شافت في يماها لي كانت تبكي على بنتها مي هكاك دارت و خرجت من لتم...

قلبهم قاسي.. ╭∩╮(ಠ۝ಠ)╭∩╮

ناضت راحت لبيتها و غلقت  باب..
ريهام :" واش راح يصرالي؟ 

💕💕💕💕💕💕💕💕💕💕💕💕💕💕💕💕💕💕💕💕💕💕💕

عند شهاب

كان مكسل  في بلاصتو  و يخمم  في هدرتو  مع سي عبد الحفيظ...
  
Back then..

شهاب: " و انتي مادام واش رايك؟ 

مليكة: " باباها و يعرف صلاحها...

شهاب: " حتى انا مستنيتش توقفي  معاها..

عبد الحفيظ: " تقدر تتفضل...

وقف شهاب خزر فيهم و قال لبابات  ريهام: " مدامك  ما راحش  تبدل رايك..  خليني نقترح  عليك..

عبد الحفيظ: " واش تقترح..؟ 

شهاب :" أنا نتزوجها..

وحيد  بلعياط :" واش راك تهدر انتاااا 

عبد الحفيظ:"   و علاه حاب تتزوجها...  لي جيت هنا و راك دافع عليها سور كاين حاجة بيناتكم...

شهاب؛:" كاين والا مكاش انت راح تزوجها..  نديها انا لي راك تقول غلطت معايا خير من يسمعوا غاشي و تولي علكة في فم ناس والا راني غالط؟