بصيص امل

البارت الاول

#الأبن_السري_2#
بصيص أمل
غدير وسام البارت الاول  والثاني والثالث .
تكون الخسارة احيانا  اكبر مما نستطيع استيعابها والالم اكبر من أن يمحيه الاعتذار  مافقد لايعوض وماضاع لايرجع  والندم صعب التعايش معه لكني عايشته  كل يوم من حياتي بفقداني لمشكاة  حاولت بكل الا ساليب والطرق  مسامحت نفسي قبل ان اطلب منها السماح  بدأت بمراقبتها من بعيد كان هذا مايساعدني على العيش  فأذا لم اراها يوما لايعد من عمري  صح اعمالي ازدهرت ووضعي  واحوالي الماديه كما هي لكن خسارتي اكبر من المادة   انفصلت عن نورهان لان مكدرت اكمل وياها متحلالي غير ميشو  ولااكدر انام بحضن غير حضنها ولحد الان من اتمرض احتاجها وأروح اوكف تحت شباكها مجرد اتنفس نفس هواها اتحسن  (بقلمي غدير وسام )   مشكاة بعد منفصلنا تعينت بحضانة اطفال  يمكن حتا تعوض الطفل الى حرمتها منه  مجنت متوقع ردة فعلها راح تكون هذا الشكل  بس بعد ماتحمل لازم ترجع لحياتي بأي ثمن .
مشكاة ... ماما اني طالعه واليوم اروح ويا البنات للسوك محتاجه شغلات .الام روحي ديري بالج على نفسج   مشكاة باي حب ..طلعت واجه الخط اخذني للحضانه وطلعنا اني وجنان بعد الدوام جنان بنيه تعرفت عليها يشغلي حبابه ممرتبطه  واكبر مني  حجيتلها كل قصتي وتعرف تفاصيل حياتي  اشترينا احتياجاتنا وكعدنا نتعشا بمطعم  وشفت سامر كاعد على طاوله كدامي شوفته صارت امر طبيعي لان دائما يلحكني بس من اشوفه احس بحسرة بقلبي والم  كتلها جنان شوفي  كالت والله اليوم كلت اشو ماكو 😂😂 لج يحبج خطيه  انطي فرصه .مشكاة سدي الموضوع  يله نرجع . رجعت للبيت  رن فوني رقم غريب مجاوبته  لح كلت خلي اشوف منو
الوو .نعم تفضل  مشكاة اني سامر لاتغلقي   كتله شتريد سامر ليش تذل نفسك وتتصل وتلحكني وانت تعرف شنو ردي  سامر ..ممكن التقي بيج ونكعد نحجي وبعدها قرري وقرارج احترمه واوعدج ابتعد عنج  مشكاة .انسى سامر ماشوفك  ولاتتصل ولاتلحكني  غلقته .وحاولت انام مكدرت اخاف منه يرجع يهدد مثل قبل 😢😢 ثاني يوم اتصلت بجنان تاخذلي اجازة بقيت بلبيت  بابا  ها ميشو اليوم بلبيت باباتي  مشكاة بلي بابا  كسلت اروح واكو واحد مشتاقه لحضنه  رحت حضنته هههه لج انتي متكبرين   كتله  واحد يصحله حضن  ودلال ميدلل  وبسته اموت عليك باباتي  اجتي ماما واني مالي حصه  اهلي يتعاملون ويايه بحنان ورقه بعد الازمه الي مريت بيها واني  محتاجه حبهم  ردت احجي لبابا عن مضايقات سامر وسكتت مردت ازعجه كملت يومي كاعدة يم بابا  وثاني يوم داومت  لبست بنطرون اسود وقميص احمر وحجاب اسود جنطه وحذاء تكرمون حمر ومكياج خفيف  اجه الخط وطلعت الاطفال احبهم واعوض بيهم حرماني من الامومه  جنان كالت اخويه الي بلخارج رجع نريد نشوفله عروس   طلعت شفت سامر  غمزلي😉😉 انداريت وضحكت من تصرفه بعده متصور انو نظراته تدوخني اجه اخو جنان ياخذها وعرفتني  علي اسمه اكرم   لاحضت نظرات اعجاب منه مهتميت  طلعت وياهم وصلوني وسامر ضل يتصل وبعدين كام يدز مسجات منو هذا وليش رحتي ويا وانزلي اشكال مهتميت  نزلت يم بيتنا   وهم راحو بعد ايام كالت جنان اخويه معجب بيج وحابب يتقدملج . كتله جنان مستحيل اني مارتبط بعد  جنان ..ليش .شعايزج .مشكاة عايزني هوايه اخوج ميريد اطفال اني ميصير عندي بعد  اخوج ميريد انسانه طبيعيه تحبه اني مستحيل احب  بعد لان حب سامر  دمرني مستحيل ارجع احب من جديد  سدي الموضوع .. وخلينا صديقات ..  طلعت من الدوام وسحبني سامر وصعدني سيارته  ظليت اعيط واسب بي  واخذني  للشقه مالتنه  اول مدخلتها بجيت وتذكرت كلشي بيها  كعدت بلكاع مشالني رجليه هو كعد ويايه ولزم وجي ويمسح دموعي  كتله سامر شيل ايدك حرام تمدها عليه اني موزوجتك  ابتعد  كال اسف بس ماتحمل والله اشوفج  ومالمسج واحضنج  كتله شتريد مني سامر موكافي  كال  احبج افهمي ماعيش بدونج  وهذا منو الي طلعتي ويا ..كتله خطيبي ردته يبتعد عني كومني كال تحلمين تصيرين لغيري مرة اقتله   كتله هاذا سامر القديم رجع    ههههه انت متتغير ولا راح تتغير  تحب تاخذ كلشي بقوتك وسلطتك  سامر ..مشكاة صبرت عليج هوايه  بس لهنا وكافي  حاولت وياج  انطيني فرصه حتى اثبتلج شكد تغيرت    مستحيل تحلم سامر اتركني ارجع واطلع من حياتي   سامر متطلعين اليوم اذا متسمعيني    مشكاة ليش عندي حل ثاني انت دائما تحصرني بزاويه  وتجبرني بلي تريدة  ياخي افهم ماتحمل اشوفك  انت قتلت ابني مو بس ابني انت حرمتني اكون ام طول عمري   سامر مستعد اخذج لااخر العالم واعالجج بس انطيني فرصه واذا ماكو امل نتبنى طفل    بس رجعيلي لج احبج  ماتحمل تصيرين لغيري  اني تغيرت لاتجبريني ارجع لاسلوبي القديم  مشكاة 😲😲شسوي سامر  لاتلعب بيه مثل قبل  عوفني بحالي انت ماعندك غيري   يااخي كمل ويا زوجتك خلف وانساني   اتهسترت وظليت ابجي واعيط حاول يهديني مكدر رجعت كل مواقفه كدامي موسهل انسى   لزمني ووكفني  كال كومي ارجعج اني اسف وفعلا نزلني يم اهلي واني ممصدكه نفسي رجعت  للبيت (غدير وسام )#الأبن _السري_2#