........
من صار الليل تعشينا وبقينا گاعدين نسولف حوالي للعشره بعدها گاموا ساجد وماجد كل واحد وغرفته نام وإني وسعاد كملنا تنظيف الصاله ...وصعدنا لان كانت غرفنا فوگ واخوتي جوه ....
كل وحده طبت على غرفتها انتظرت للساعه بالوحده لحد ما طفه التلفزيون لان اعرف سعاد تگعد تقره بالليل وتتاخر
فتحت باب الغرفه على كيف وباوعت شفت غرفه سعاد ضواها منطفي عرفت هي نامت ....صعدت للسطح لان غرفتي قريبه ع السطح الثاني بس كنت خايفه لا ماهر انتظر ونام ....صعدت وعليك ياربي .....
فتحت باب البيتونه على كيف حتى ميطلع صوت وفتت ع السطح ...باوعت على حايط بيت ام ماهر هذا ماكو لاحس ولاخبر گلت خلي ارجع احسن لان بارده....
وإني راجعه اريد ادخل وأقفل الباب اجه واحد من وراي جرني وخلاني بحظنه ..وسد حلگي اني من الخوف خفت وجمدت بحضنه هو حچه بسكوت ..
_اششششش.ولا صوت وين چنتي كتلني البرد وإني منتظر...
_اني من الخوف ساكته الحد ما صاح بيه ....
_متحچين شبيح تخورستي ....
_لا بس هسه ناموا ....بس انت شتريد حچيتها وإني اوخر بروحي عنه لان چان حاضني حيل .....
_شبيج اكو واحد يواعد وحده بالليل غير يحبها شبيچ انتي
_يعني هسه انت تحبني ..
_اي احبچ واموت عليج....
_هااا اني خجلت بس كنت فرحانه لان طلع يحبني ...
_يلا گوليها انتي تحبيني ....لو لا ....
_اتلعثمت بالكلام لان كانت صعب تطلع مني بس هو بقه يلح يلا لتستحين ....اني گتله احبك وانهزمت وسديت باب البيتونه...ونزلت على غرفتي بس ممصدگه من الفرحه...
الصبح من طلعنا ماكو السياره فرحت لان راح نمشي مشي لان الفرصه اكبر تصير مو مثل السياره ننحصر وما اگدر افتهم شي ....
بالطريق أيده لامست ايدي وخله بيها رساله ع السريع ...ردت بس اوصل للمدرسه حتى اقراها ....
دخلت للمدرسه ...شفت ورده رحت ركض عليها بس هي دارت وجهه عني نسيت على اساس اروح اني وسعاد البيتهم حتى اصالحها ....بس الفلم نساني كلشي....قريت الرساله كاتبلي ليش انهزمتي جبانه غير تبقين حتى نسولف.....
اني. أقره وفرحانه ممصدگه من الفرحه رحت للساحه ادور على ورده لگيتها تسولف ويه البنات ...
_ورده ورده تعالي بسرعه .....
_هااا شتردين گولي ...اريد ارجع اسولف ويه صديقاتي ...._
_صارن عندچ صديقات غيري ...
_احسن منچ مو شكوكيات ويحترمن....
_هاا ورده اعتذر منچ والله مو قصدي .....
_المهم هسه شرايده ....
_خلي نتصالح واگلج ....
_اشتريلي بسكت الحمراء وبطل بارد....
_ونتصالح....
_اي ونتصالح ...
اشتريتلها وگعدت تاكل ونسولف ع ماهر كلشي سولفتلها حتى هي بقت مستغربه ....
_يمه يمه ....ولج منين هاي الجرئه لو شايفج واحد من اهلچ
_نايمين اصلا ....
_اي وشصار بعد ....
_ما صار بس گلي احبج وگوتله احبك وانهزمت...
_شنو يعني وين تتقابلون يشوفج يخطبچ...شلون...
_هااا ما ادري ....
_شوفي خلي اعلمچ من يدزلج رساله لو تتقابلون مره ثانيه اتفقي وياه على مكان تتشاوفون بي تگعدون تسولفون ...
_شلون اصلا ميخلوني اطلع ....
_هاااا زين بالسطح ...
_يااااا صدوگ ....
_اي انتي مو ادگولين ينامون اصعدي وسولفي وياه احسن...
_خلي يدزلي رساله وافتهم منه....
كانت ورده اذكى مني بالتصرفات وتنتبه على أقل التفاصيل احسن مني اني كنت مطفيه وگعدت تعلمني هواي سوالف وكل شويه الگبر الفلام ماعلمتج شي ...بس الرگص ....
رجعت ع البيت واي شغله فوك السطح اني أسويها لان اريد اشوفه مر اسبوع وهو ماكو ...بعدها انظربت باب السطح طابوگه محد انتبه بس اني صعدت بحجة انزل الملابس شفته منتظرني سويت روحي ممنتبهه حتى يعتذر
_بسسس بسس ....
_ها شرايد ...
_ليش هالقسوه ياعمري ...
_والله صار اسبوع لاحس ولاخبر ....
_شسوي ياروحي امتحانات ودراسه...
_لعد اني هم عندي دراسه....
_وداعت عيونج الحلوه اصلا بس اخلص امتحانات اشبعچ حب وغزل ...
_وعد تره ابقى اطلبك ...
_اي والله وعد ....
_بس وين اشوفك اذا اني ميخلوني اطلع....
_هنا فوگ...
_والبرد اموت ...
_ميخالف حبيبتي تحملي....انتي ملكي وگلبي وعمري ...
بس شردنا اثنينا من سمعنا صوت سعاد وهي تصيح ورين رحتي .....
