بعد ما عافني ماهر نزلت الدرج ورحت على غرفتي افتر رايحه راجعه من الخوف اكل بأظافيري ارجف اريد اگعد خايفه ...كل ما اسمع صوت اخاف وابقى جامده بمكاني خايفه لا حسوا بيه حاولت انام ... مگدرت تجيني افكار السچين والذبح وصياح اگعد مرعوبه تعبانه....عرگانه
صار الصبح نفس الشي صار لعبان نفس ودوخه وراسي ثقيل بدلت ملابسي ورحت ع المدرسه ....بس الخوف ميخليني حتى كوب مي اشرب ...جوع ودوخه وتعب دخلت ام العربي امتحنتني كولشي مجاوبت هزت ايدها وگالتلي گومي اني طلعت بره ع الساحه وفتريت على الاداره وچان اشوف اختي سعاد اجت ع المدرسه ......
من الخوف بلعت ريگي ليش اجت وشعدها وشسوي وشكو هنا ....سؤال وره سؤال وإني على نفس الوگفه ...الحد ما شفتها طلعت من المدرسه تمشي بسرعه تركض ركض......
اني خفت ليش ما دزت عليه المديره من اجت اختي بس لا هاي عرفت اني حامل يمكن من الخوف ردت اوگع بالگاع ...
دگ الجرس وطلعنا للبيوت ...وياريتنا ما طلعنا المدرسه الي اكرهه صارت عندي المنقذ...كون الوقت يطول ومنطلع بس شنو الفايده ...تبقى امنيات.......
وصلت ع البيت شفت الوضع طبيعي وماكو شي ...سلمت وگعدت تغديت بس بالگوه اكل انتبهت كلهم يأكلون الا سعاد كانت تباوع عليه وعيونها حمر ....صافنه عليه .....
ما اهتميت لان بداخلي گولت لو عرفوا شي مايخلوني چان ذبحوني .....
خلصت غده وصعدت على غرفتي صعدت وراي سعاد فتحت باب الغرفه ودخلت ... شفتها مو طبيعيه قفلت الباب بالمفتاح
واجت عليه جرتني من شعري .....
ولچ شنو هذا الكلام الي سمعته هاااا احچي ....
ياكلام شسامعه ....
لا تسوين نفسچ غشيمه شنو هاي الدعايه الطالعه عليج بالمدرسه ....هاااا ادبسزز حقيره وصلت بيچ النذاله والاستهتار والهيلگه اطلعين على روحچ دعايه انتي حامل وليش انتي سافله مو عيب متستحين فوگ الكسل والافلام هنوب اشاعات عليچ حامل .....اني اعلمچ بس خل يجي بابا..........
كذب والله كذب اصلا البنات يكرهوني ....
انچبي وانگرصي احمدي ربچ واشكري اصلا اني رحت لو رايحه امي چان هسه مذبوحه ياگحب......استغفر الله .....
عافتني وطلعت ...بس اني ولا قطرة دم بجسمي وريگي يابس من الخوف ....يمه انذبح ....أبويه عمامي فضيحه افترت بيه الدنيا وطحت بالگاع .......ومحسيت على روحي
ساعه اثنين تلاثه ....
گعدت شفت الدنيا مگلوبه گلاب امي مگطعه روحه وساجد يكفر ...وسعاد لازمه ماجد وتاخذ من أيده السچينه يريد يذبحني ....
طفرت من مكاني ...لاحس ولا نفس من الخوف ....امي تفشر عليه يا سايبه يا ويا گحبه ويا ام الكذا احچي من سواها بيچ
وساجد من شافني گعدت ركض عليه گطعني جلاليق ودفرات وسحلني بالگاع ...وإني اصيح ولچ يمه خلصيني جرني ع الدرج سحل المطبخ وطلع سچينه ركضت سعاد جرت أيده تتوسل بيه ولك خويه عوفها الحد ميجي ابويه ويعرف شغله وياها .....
البيت انگلب هوسه واحد ياخذ وواحد ينطي البيت احترگ حرگ .....جروني سحل الغرفتي وربطوني بحبل وطلعوا وقفلوا باب الغرفه.......
بس اني مگطعه تگطع زرگه من راسي الرجليه ....وارجف من الخوف وكل اليدخل للغرفه ياخذله مني كفخه وتفله .....
ردت اعرف منين عرفوا اني حامل ......معرفت لليل بقيت ابجي من الم الضربات دخلت سعاد للغرفه .....وگالت سمعت من المديره وكذبتها بس ام محمد السستر مستحيل تكذب
افتهمت اني من وكعت راكضين على السستر جايبيها تشوف شبيه مابيه.وهي گايلتلهم بتكم حامل .....
طلعت سعاد من الغرفه ....عافتني بوحدي بس قبل متطلع گالت واجهي مصيرچ ياساقطه الذبح قليل بحقچ فضحتينا ونزلتي راس ابوچ واخوتچ الله ينتقم منچ الله ياكلبه
رادت تعرف مني منو سواها بيه من غبائي بذيچ اللحظه خفت وما حچيت ضميت اسم ماهر بگلبي ......
من طلعت سمعتها ادگول لاخويه ماجد أبويه جاي بالطريق وهو يذبحها يشنقها هو ابوها وهو حر لاتدخل انت طفل معليك .........
من سمعت أبويه جاي يبس الدم بعروگي شسوي وين اروح وشلون اخلص روحي يايمه والله يذبحني گعدت ابچي واندعي الله يخلصني من مصيبتي .....
صار الليل وقرب الفجر سمعت سيارة أبويه بالباب خفت وكتلني الخفقان ...وحتى تقيأت من الخوف .....حركت ايديه ردت اخلص روحي من الحبل المربوطه بي اجتني فكرة اشرد اخلص روحي ....
عتيت الحبل مره مرتين ارتخى گدرت اخلص روحي فتحت رجليه ...وركض رحت ع الباب لگيته مقفول بدون فكر ولا وعي بركضه دورت المفتاح الاحتياط لگيته فتحت الباب وصعدت الدرج وللسطح احتاريت شسوي بدون وعي بدون انتباه ركضت وطفرت على بيت جيران سميره .....
