طفلي المفقود

البارت الاول

#طفلي –المفقود 1
بقلم نورا غدرني الزمن
بيج قصص ليل وعشگ
ملاحظه :حادثة فقدان الطفل حقيقيه 100%
اني حور عمري 21سنه مرحله اولى معهد فنو ن اعرفكم على عائلتي عندي اختي انهار وياسر اثنينهم اكبر مني اني الزغيره بينهم
ابويه وامي منفصلين عن بعض لاسباب تتعلق انو ماكو توافق بينهم اني معاصرت حياتهم لان امي جانت حامل بيه وصارت ضروف الانفصال بينهم اخذتنه امي لبيت جدي وهناك صرت اني ونفصلو... امي معلمة مدرسه اختي طالبة كلية مرحله رابعه بس هي بالاصل راسبه واخويه خريج وكاعد بلا شغل كاضيهه اكل ونوم امي متقبل يشتغل شغل يتعبه
جنت دائما اشوف امي تفضل عليه اخواني لا وتكولها الي صراحة انت غلطة مردتج تجين جانت تلزمني تموتني كتل 😞وتكولي انت غلطة وجيتي نوب بنيه ياريت ولدددد ..هنا الثقه بنفسي قلت وصرت خجوله واتخذ قرارات خاطئه
نجي لبيت جدي اهل امي عدهه اخوان اثنين واخت جانو بالبدايه عايشين بيت واحد بعدها خالي الجبير حامد  طلع للخارج عنده ولد اثنين وبنت جانت امي تريد وحده من بناته لياسر حتى تسحبه يمها
وخالي الثاني ماجد جان فتره عايش ويانه وتالي عزل بيت وحده عنده ولداسمه علي
ولاخ غيث
وخالتي عدهه بنيه واولاد 3البنيه اسمها روان بعمري بالضبط واخوانها اصغر منها واحد اكبر منه اسمه عمار

ابويه مجنت اشوفه هوايه من يجي امي تجبرنه منكعد يمه مجرد نسلم عليه ونطلع بسرعه واذا طولنه يمه تعصب وخاصة عليه اني جانت تحجي عليه هوايه انهار وياسر ميحبو بس اني مكدرت اكرها لان جنت اعرف امي شنو جنت اتمنى اكعد يمه اسولف ويا اتقرب اله اكثر بس اخاف من امي
جنت من اني زغيره معجبه بابن خالي علي هو اكبر مني بكم سنه بعدما كبرت زاد الاعجاب وتحول حب بس حب من طرف واحد للاسف... جان هوايه يشاقه ويايه ودوم يجي النه كول يوميه عدنه
واحنه شقه وضحك اباع لعيونه يخبلن رصاصي ع ازرك وكفشه شعره واسود ابتسامته تموت وجسم معضل بشكل حلو بس هو ميدير بال الي ومااحس بي يحبني بس اني احبه بسكوت بس روان تعرف اني احبه روان بير اسراري وتوأم روحي هي الوحيده التفهمني وتصغيلي جانت امي بخيله ويايه مو مثل اخواني تلبيلهم كولشي اني لا
روان جانت تتفهم هالشي ومن تشتري اي شي لازم تشتريلي وياهه تخجلني بس اني وياهه واحد وجانت تعرف ضروفي واكوللها لتشترين مااريد تزعل مني وتبقى متحاجيني الا ان اخذه
عدنه صديقه اسمها بسمه هم ويانه بالكليه ونفس القسم
جنت مصدعه راسهن هالكد مااحجيلهن بعلي وجانن يشجعني اعترفله بحبي اله بس اني ماالي جرئه اگوله ابد
انخطبت اختي انهار لاخو علي َ غيث وبخطوبتها عزمت بسمه وصدفه بسمه شافت علي وكوتلها بسمه باعي هذا علي
بسمه; وينه وينه ولج
حور ;لج هذا ابو قاط نيلي شبيج عميتي ياالله يجنن
جان علي مبتسم وهو ابتسامته دمار وشويه انتبه علينه اني وبسمه
بسمه ;ياالله لج هذا يجنن شنو هذا بقلاوه 😍
حور ;لج نجبي اغار
بسمه ;لج والله يجنن احلى من الصور الي شوفتيني
حور ;لج كافي بسمه تره من صدگــ اغار
بسمه ;;اممم اوك كافي بس تره امم يخبش 😜
حور ;عابت مو گتلج كافي
خلصت حفلة اختي وراحو المعازيم وصار الليل اتشكلت اني وبديت اعزل البيت جان علي يمنه هو دائما عدنه بس اني مااشبع منه اضوج من يروح
جنت بالمطبخ اني وهو وياسر وبيبي باللهول صاحني علي
حور حور
اني مرات ازاغل ويا اغلس احب يعصب ويشاقه ويايه
صاحني جكمه حور
جاوبته
خير
علي;يعني من اصيحج باسمج متجاوبين اله اكولج جكمه يله
هو دائما يصيحني جكمه رغم اني مو جكمه والله 😔
حنطاويه وعيوني بني وشعري اسود سرح وطويل وجسمي كلش متناسق وحلو وحواجبي مخطوطات طبيعي وشفايفي ملينه ورموش كثيفه
بس هو طلع يحب الجمال اوڤر كلش
حور ;هه تره متضحك قديمه
علي;منو كلج اريد اضحكج
حور ;شتريد لعد
جان كاعد ع التخم كام تقرب مني وظل يهمس باذني
علي ;منو الصاكه الي جانت واكفه يمج اليوم ام عيون حلوه ةةة
حور;خرب انتبه عليهه 😓بقلبي كلت هذا الكلام وكف كلبي بديت ارجف
شعليك انت مو عيب تباوع ع المعازيم
علي ;منو احجي
حور ;صديقتي
علي ;دبريلياهه
حور ;صارت عيني بعينه ومتت قهر وعيوني غورگن
شنو ادبرلك ياهه ؟؟