طفلي المفقود

البارت الثالث

#طفلي_المفقود3
نورا (غدرني الزمن
بيج قصص ليل وعشگ
وصلت لبيت ابويه الباب مقفوله ..يربي شأسوي ..كعدت يم الباب رجليه ماعادت تحملني .جريت النفس..كل شويه يتخيل الي ياسر جاي ورايه واحصل سحله معدله .. متت مليت عمري 21سنه ولسه داانضرب .فتحت الجنطه اخذت الفون ..واتصلت بمريم ..گالت على ابويه مسافر للهند وهي ببيت اهلها ..بجيت..كالت شكو كأنج دتبجين ..گتلهاا طلعت من بيت اهلي صارت مشكله كبيره
واخويه يريد يضربني .. هي گالت ابقي بمكانج جايه عليج .. سدته كعدت انتظرها يم الباب وابجي والدنيا دتصير مغرب وجو بارد ..ولسه اهلي ممفتقديني وصلت مريم  ووياهه وحده .هي تسوق السياره..ورحت الها راسا حظنتها وبديت ابجي ..
مريم :خير شكو حوريه شبيج ...امشي اوديج لاهلج واتفاهم وياهم ..اصعدي يله
حور :لا فدوه خاله مااريد اروح عفيه وصعدنه بالسياره مريم كعدت يمي وره
كالت الي هي زوجة اخوها اسمها عبير
مريم :كل شي واله حل حبي نروح نتفاهم وياهم ..وحركت السياره ومشت
حور :لا اهلي اعرفهم ميتفاهمون .. والله ماسويت شي اني ومااعرف شون انفصلو ..
مااتدخلت بينهم ..وصلت الحد انتحر واخفي كل شي بقلبي بس ماااذيهم ابد .. كل شي يوكع براسي واني ممسويه شي ..
عبير :مريم المفروض متددخلين انت خاف تصير مشاكل بينكم ..وانت حبيبتي ارجعي للبيت هسه واحنه نحاجيهم ميأذوج ..
حور :لا نزليني يمج اني اروح اتصرف اشوفلي مكان (ابجي واحجي )
مريم :وين تروحين شهالحجي ..
حور :دنيا الله الواسعه تلفيني عود ..
مريم :عبير ودينه البيتكم ..
حور :سكتت وشهگت بالبجي .. طلعت الفون سديت الشبكه مالته ..ورجعته بالجنطه ..مااتحمل منهم شي اذاا اتصلو بيه ..
وصلنا البيت نزلنا .. دخلتني وسلمت على امها واختها ... وعبير صعدت فوك بيتهم بي درج خارجي الفوك لاخوها وزوجته الي هي عبير عازلين عنهم .. كعدت بالصاله جابت الي عصير ومي ..شربت المي رغم الجو بارد بس انسحنت سحن لهاتي نشفت ..مريم صارت تحاجيني واني مااسمع الها  ..بعدهه خابرت البابا ..كالت ميجاوب خليني ارجعج لاهللج هسه بالهم مشغول گتله ممكن الفون اخابر انطتنيا.. اخذت فون من مريم طلعت تليفوني خليته بجيب البنطرون .. ترخصت منها اخابر بعد مرور كم ساعه .من طلعت من البيت .رحت للمطبخ .. طلعت تليفوني .. وسجلت رقم روان بتليفون مريم وخابرتهه
گالت انتي وينج يامعزايه .. الدنيا مگلوبه عليج .. ولج خاصة علي خابص الدنيا وطالع يدور عليج وامج وياسر الكل مخبوص
گتلها ..لتحجين اني خابرتج .. اني يم زوجة بابا مريم .. كالت ولج اصلا هم راحو لبيت ابوج ماكو وحتى للمحل هم .. طمنيهم عليج .. كتلها داانتظر بابا يجاوب ونحاجيهم .. بابا مسافر ومريم يم اهلها .. سديته من روان ..
بقيت بالمطبخ افتر رايحه جايه .. بقت ابالي علي يدور عليه .. سجلت رقمه بفون مريم وخابرته..
الو علي ...
علي ..منو ؟ ...حور ؟!وينج
حور .. منو يمك ؟!...
علي ماكو احد يمي .. بس اني بالسياره وداادور عليج ..انت وين احجي وشنو هالتصرف ..
حور .. علي اني بمكان امن يم مرت ابويه .. علي اني ماسويت شي ولا جان الي ايد بانفصالكم انت وبسمه ليش توكع براسي
علي .. انت وين اني اجي عليج وابرئج .. ومااخلي احد يمس شعرايه منج ..
حور .. ماارجع داانتظر بابا يجاوب يحاجيهم .ملت نفسي منهم مدااكدر اتحمل
علي ..انت وين اخذج البيتنه ومحد يكدر يلزمج
حور ...باي علي
علي .. اذا متخليني اجي عليج هسه .. بعد
مالي علاقه بالموضوع ولاابرئج ولااي شي خليني اجي الج هسه وانطيني المكان
حور .. اسفه علاوي .. داانتظر بابا.. اني خايفه ..
علي .. هيج ماالج ثقه بيه .. ماشي بكيفج اني راح اسحب نفسي .. من الموضوع .. باي حور ..علاوي !!!
علي .. اسمعج
حور .....اسفـه. تصبح ع خير
حور ...سديته منه .غمضت عيوني جريت نفس ياربي مجرد اسمع صوته احس براحه شكد احبه..شصار واذا اتجرء واكوله احبك من سنين واني مخبيتهه هالكلمه. ورحت يم مريم انطيتهه الفون ..
علي...سديته منهه .. شمرت الفون .. ضربت ع الستيرن .. عصبتني هي ليش مدتنطيني فرصه .. ليش متثق بيه .. لفيت السياره شخطتهه بسرعه رجعت للبيت شفت امي وابويه حاجوني ماحاجيتهم ..صعدت فوك يتصل بيه ياسر مجاوبته .. للحظه ردت اجاوبه واكوله معليه بيك و  باختك ..بس عفته سويت الفون  سايلنت وبدلت ملابسي ونمت ع السرير خليت المخده ع راسي ..وافكر بيهه
جتي امي .. تحاجيني سويت نفسي نايم منطقت...كلمه.... راحت وبقيت اني اتكلب افكر بيها الاان نمت....
حور ...رجعت يم مريم واختها وامها تعرفت على اختها ...طالبه مرحله اخيره .. كليه هندسه .اسمها .رند.ناس مثقفين وبيتهم حيل حلو مرتب .. بعدهه خابر بابا وحاجته مريم وحجه ويايه وطمني وكال راح يخابر ياسر ويحاجي وان هو بعد 3ايام حيرجع ...
مريم :حوري امشي نجيب الج ملابس من عبدالله هذا المحل المقابيلنه ..
حور .. لا خاله اني انام بملابسي عادي