#طفلي_المفقود2
بقلم نورا غدرني الزمن
بيج قصص ليل وعشگ
حبيته العلي من زغري هو حييل ينحب كولشي بي ينحب صح جان ياذيني ويفتن علي وجنت ماافهم ليش هيج يسووي بس هي صارت بعد
رحت البابا
دخلت للمحل مالته شفت يمه مريه كاعده مرتبه سلمت عليهم ابويه صارله كومه مشايفني امي متقبل نطلع اله
گلي هله ببنتي انهار شونج
بابا اني حور مو انهار
هلا بنيتي شونج وباسني ع راسي
وگلي سلمي عليهه هي زوجتي
بابا من زمان متزوج بس اني عمري مشايفتها زوجته
هي كامت وبوستني ورحبت بيه
بابا اني جايه للسوگ اشتري وكلت امر عليك اسلم (للعلم اني مشايله ويايه بس الكروه )
هله بنيتي هله بيج شنو دتشترين
بابا حفلة خطوبة ابن خالي وجيت اشتري فستان
هاا بنيتي ليش وحدج
والله بابا محد فارغ جيت من المعهد لهنا
اشتريتي لو بعد ج
لابابا بعدني
هاا لعد خلي مريم تروح وياج ذوقها حلو
لابابا مااريد اتعبها
هي جاوبت لا عيني عليمن اتعبيني امشي اوديج محل ابن اختي يجننن الفساتين يلا عيني
اني خجلت حييل منين حجيب فلوس ياربي صدك حبل الكذب قصير
بعدهه اشوف بابا طلع فلوس وانطاهه لمرته وكللهه اي فستان يعجبهه جيبي الهه
لابابا عفيه مو ماما
بعدني ممكمله سكتني
اشش معليج بامج خوش ويلا رجعوا هنا حتى نتغده سوة
اني بين فرحانه انو بابا اهتم بيه وبين گلبي مجروح حييل
اخذتني مريم للمحل الكالت علي وهي كلش طيبه كلتلي اذا معجبج هنا شي نروح غير محل عادي سكتت اني انبهرت بالفساتين گتله خاله خاف غاليات
گالت اشش معليج بالفلوس
اجه ابن اخوهه سلم عليها واني بس اباع ع المحل حيل فخم
اباوع عجبني فستان اسوود ومفتوح من الكتف والذراعين وبقية الردان نازله ع بقية الايد حد العكس كلش حلو
اني استحيت اكول شي
هي انتبهتلي كالت عجبج
دنكت
كلتلي لتدنكين شبيج هي موفلوس غريب هذا ابوج
اني ابتسمت حسيت بطيبتها وهزيت راسي اي
جان تكول ع فكره تره ذوقج كللشش حلو
ابتسمت الها وكتلهه شكرا واني خجلانه حييل
اشرت الابن اختها وكالتله عبود شوفلنه هذا
رحت لبسته بغرفة تغيير الملابس طلع يجنن اباع لنفسي انقهرت حييل حلوة مناقصني شي ليش علي فضل بسمه عليه دمعت وبدلت وطلعت وكتلهه خاله حلوو
كالت هذا هو
راحت حاسبت ع السعر الفستان غالي
اني خجلت حييل
طلعنه من المحل گتلها هاا نروح لبابا هسئ كالت ليش مستعجله بعد نشتري حبشكلات قابل مو فستان وبس كتلها خاله الفستان كافي سعره خيالي
كالت الي لتصيرين بخيله ع نفسج
رحت وياها محال مال احذيه
كالت لازم تاخذين حذاء فضي
اختاريت حذاء فضي كعب ومسدود من كدام يجنن ومرصع
ورحنه بعد اخذتلي جنطه حلو بيها سلسله ولونها فضي وحييل نازكه ونوب رهمتلي عقد واكسسوارات فضيه تجنن حتى تاج فضي يجي صفح ع شعري. خلصنا ورجعنه البابا تغدينه سوه بمطعم كتله بابا اني ارجع للمعهد واطلع ويا الخط مااريد مشاكل ويااامي كال ماشي اتشكرت منهم وبين فرحانه بالملابس وبين ضايجه ع علي
رجعت للبيت اخذت الفون ودزيت رساله البسمه
كلما اكتب حرف توكع مني دموع
گتلهه بسمه ديري بالج ع علي وخلي بين عيونج هذا حبي وربه حبه بگلبي ماالومج بعد ولااعاتبج لان ميفيد بس اكولج ديري بالج 💔
هي ردت خوش كهكهكه هيج عود تستهزء وكالت اي ادير بالي ع حبج عود
شعور مينوصف خيانة صديقه الي صعبه جنت اعتبرها وهي تعرف شكد احبه بس استسلمت كمت ضميت غراض الي اشتريتهم حتى ماما لتشوفهم لان تصير مصيبه
وبيوم حفلة علي رحت ويا روان نبدل سوة ونطلع حتى لتشوفني امي بالملابس
بدلنه ورتبنه خليت مكياج الشدو جان فضي كلتر ومحدد باسود ورتبت حواجبي وفتحت شعري وسويت كم خصله برم وخليت الاكسسوارات طلعت كلش حلوة ماردت احد يحس عليه
روان تعجبت ع الفستان جان كلش حلو واسود هذاا اللون الي يرهم لهالحفله بالذات 💔
مااخفي عليكم روان شكد جانت تواسيني بس الجرح الي بگلبي جبير مثل الخنجر يجرح وخاصة خيانة بسمه
رحنه ع الحفله حاولت شكد مااتختل عن امي حتى لتشوفني وتسالني الملابس منين
صرت مقابيل علي صار يباوعلي هوايه اني ابتسمت اله ورحت باركت الهم هواي عبالك يريد ياكلني بعيونه وبسمه متفاجاه سويت نفسي مااهتم
بس بداخلي عاصفه اعصار يدك بروحي
كل الحفله مسويه نفسي فرحانه علي يباوعلي اكثر ممايباوع الخطيبته وصرنا نركص وهو يباوعلي
طلعت رحت الحمامات اجتي ورايه امي
وسالتني ع الملابس منيلج ذن
اخذت نفس جنت واكفه كبال المغسله وايدي اثنينهم ع المغسله درت عليها ورفعت راسي وباوعتلها بنضرات قوة بس بداخلي كلشي محطم
من ابويه .........
گتلهه
تفاجات هي وصارت تعيط عليه وتغلط طبن بنات للحمام طلعت اني جان اكو مكان هيج ممر بين الحمامات والقاعه
اجتي امي ورايه تعالي لج مو احاجيج تعالي
درت عليها شكو شسويت اني جريمه رحت لابويه يشتريلي ملابس بيها شي
گالتلي اني اعلمج من نرجع للبيت
منو كلج راح ارجع للبيت اني
رجعت خطوات ليوره بدون ماادور طخيت بواحد لزمني
أنت تقرأ
طفلي المفقود
Genç Kız Edebiyatıقصه منقوله للكاتبه نورا ناصر ام تلد طفلها واثناء الولاده. يقال لها بانه ميت لتكتشف بعدها انه ليس طفلها وتبدأ رحله البحث عن الطفل ....
