#طفلي_المفقود5
بقلم نورا
علي.. اني من جبت التحاليل .. طاگه روحي حييل .. محتار كلش .. شون الي دفنته مو ابني .. لعد ابني وين.. دااموت عليه ووين الكاه .. اجيت شفتهه واكعه ع االكاع تحاجيني .. بالم وتصيح ..واني هم مخنوگ وحيران ..گتلهه .. حور الي دفنا مو ابنه
حور .. كمزت عليه .. ولزمته من ياخة قميصه وصرت اصرخ بوجهه .. مو گتلك ماصدكتني هاا وين راح الگاه هسه هاا وين دكولي . .لك عمره اكثر من شهرين هسه .. علي راح اموت اموت ... لزم ايديه قوي ونزلهن بقوه منه .. علي... لعد واني شنو مدااموت وابني مااعرف بي وين .. حالي حالج تره .. ع صوت صياحنا اجتي امي ..
ام علي .. خير شبيكم صوتكم وين واصل .. اللتفتت العلي .. بشر شنو نتيجة التحاليل شنو بينت ..
علي .. الطفل المدفون مو ابني يمه .. وكمت رحت يمها وتركت حور واكعه ع الارض تبجي وتتالم ..
ام علي .. اي لعد انت شنو ذنبك .. واللتفتت الحور .. هو شنو ذنبه تذبين الصوج كله بي شبيج تخبلتي يالفگر ماتتلتام امج من كالت عليج فكر .. وين ضيعتي الطفل .. غير تنتبهين
حور .. ظليت اغلي من جوه .. منا نار بعد ابني ورجلي وكلامها .. صحت عطت بيهه شمعرفني اني ها .. غفيت ماادري خدروني واخذو ابني..
ام علي ...خدروج يالفكر .. زين وحبوب المانع ليش دتاخذيهه ماتسوين طفل بمكان الي ضيعتي..
علي .. انصدمت من كلام امي..نزلت يم حور
وهي كاعده ع الارض .. لزمتهه من ايدهه وللجج صحت بيهه .. شنو الي سمعته
حور .. انصدمت من امه شون عرفت بالحب
سحبت ايدي منه بقوه .. وكتلهه خاله مو عيب تفتشين بغرفتي ..
ام علي :.. كيفي غرفة ابني وافتش بيهه عسى مااحرگها معليج انت بس.. اصبري اخابر امج ع سوالفج
علي .. كومي ويايه ولج سحبتهه من ايدها قوي وصعدتها الدرج .. وكوه تمشي وتتالم من رجلها .. شمرتها ع السرير ضربتها كف
ع خدها .. ولج من رجعت لليوم يوميه دااكلج اريد طفل واسالج ماصار طفل وتكذبين عليه تخدعيني.. رفعت ايدي اريد اضربها ع وجها .. غطت وجهه بايدهه اجت الضربه بايدهه..رفعت ايدي حكيت بشعري . اذا ابقه يمها بعد .. اأذيها .. طلعت من الغرفه
حور.. هو يضربني واني ابجي واحجي وميسمعني... طلع بقيت وحدي بلغرفه والهم اضعاف ..يمكن لو ابني ميت ولاهالهم يمكن اذا ميت .. اعرف جوه الكاع ومااشوفه بعد
بس عايش ومااعرف وين صعبه حيل ..
بعدها بساعات واني وحدي بالغرفه واحس نفسي .. شايله جبال من الهم على اكتافي دخلت عليه امي ..وخالتي ..
ام حور .. ولج تخبلتي .. ليش هالمشاكل ليش تلاسنين خالتج .. ومأذيه علاوي.. وتاخذين حب مانع من وراه.. منو علمج على كل هذا ... اكيد مريم...
حور .. واني بس ابجي .. طب وراهم علي وشافهم ..يعيطون عليه..
علي ... رجاءا عمه وانت امي اني اعرف اتصرف وي زوجتي .. خلوني وياهه لوحدنا
طلعوا هم واتقربت يم حور .. اسمعي منا وهيج .. اني انام بغرفة غيث وانت نامي هنا الوحدج... مدام متردين طفل مني ....
حور ... لزمته من ايده وگتله لاعفيه علي
هو خل اصابعه ع شفتي وگال .. النقاش منتهي.. واخذ كم غرض من الغرفه وطلع
كلش انقهرت .. فوگ قهري .. مرت ايام احنه بعاد عن بعض .. شگد حاولت اصالحه ميفيد
أنت تقرأ
طفلي المفقود
ChickLitقصه منقوله للكاتبه نورا ناصر ام تلد طفلها واثناء الولاده. يقال لها بانه ميت لتكتشف بعدها انه ليس طفلها وتبدأ رحله البحث عن الطفل ....
