#عديل_الروح
همس القوارير
(بيج قصص همس القوارير)
البارت ٣
بعدها رحت للدوام ويه اصدقائي ويه طلعتي دأروح للبيت شفت بس سيف وعلاء ماكو سئلت عليه
معتز
اگولك سيف علاء وين اشو ماكو احنا مو اجينا سوه
سيف
والله ما ادري شفته يخابر وطلع من باب المدرسه
معتز
امشي خلينا نروح نشوفه
واحنا دنطلع جان واگف علاء يم بنيه الضاهر حبيبته ما اعرف شنو تقربنا شوي شفناهم ديتعاركون وهي تبجي ياربي وين شايفها هالبنيه ما ادري بعدها فتحلها باب السياره وصعدت وهي تبجي وراحت وعلاء افتر علينا يباوعلنا صاير اعصاب مشى وعافنا واحنا نلحگ وراه وگفناه گوه
معتز
شبيك علاء ومنو هاي وانت ليش صاير عصبي
علاء
معليكم عوفوني ولحد يسألني
سيف
عوفه معتز ميريد يحجي
معتز
لا يحجي وغصبن عليه هو اخونا ولازم يبلغنا بكلشي واحنا نساعده
علاء وگف وندار عليه ويأشر بيده
معتز هالمره عوفني لخاطر الله روحي طالعه
معتز
ماشي اعوفك ساعه ترتاح بيها ورى الساعه اجي افتهم شنو السالفه
علاء
هسه عوفني لخاطر الله
عافنا وراح واحنا ضلينا نمشي على راحتنا
معتز
تتوقع هذه حبيبته لو اقاربه وشنو سالفته ليش هيج معصب
سيف
لا لو حبيبته جان حجى من الاول هو ميضم عنا شي
معتز
شكلهم احباب وديتعاتبون معود شسالفه راح اموت غير نعرف شصاير
سيف
هسه عوفه للولد شلزگت هو يحجي بكيفه تالي
وصلت بيتنا سلمت على سيف ودخلت للبيت ومنضر البنيه مراح من بالي خطيه تكسر الخاطر وشنو حجت ويه علاء حتى خلته هيج يعصب اوووف خلي اتغدى واناملي شويه يكون افضل
رحت لفراشي واني اگلب بالموبايل تذكرت علبة مروان لازم اشوف شنو بيها وطفرت على الكنتور حاولت افتحه ماكو ضليت ادور عالمفتاح بطلعان الروح يلا لگيته جان خاله بالمخده مالته
معتز
اخخ منك عباله يصعب عليه شي لا والله اني ابو العز كلشي عندي سهل واله حل
فتحت الكنتور واخذت العلبه فتحتها ولگيت بيها اسواره ذهبيه بس ما اعرف ذهب لو لا شكلها نبض ونازل منها حرف s ومحبس نفس الشكل ورده صغيره بيها بطاقه مكتوب عليها اعشقك ساره واعشق ابتسامتك ورقة قلبك
حبيبك مروان
اني كيفت
معتز
هلا بالخباثه هلا بالابتزاز هلا الاستغلال والله وطحت بيديه ومحد سمى عليك يوميه مشغلني خادم عنده اله اعلمه شغله العاشق الولهان ههههه
رجعت كلشي بمكانه وقفلت الكنتور ورجعت المفتاح نزلت جوه لگيت مروان جاي
مروان
هلا بالضلع الماينشلع
معتز
هلا بالغالي هلا بالحب والاحساس
مروان
هههه شجاك اليوم صاير حساس
معتز
والله كلها العالم صايره تحب واحساسهم عالي گلت خلي اجرب حالي حال الناس
مروان
شتقصد الذيب ما يهرول عبث احجي شعندك
معتز
شبيك خفت لا يكون ضام علينا شي
امي
معتز اخوك تعبان لا تبدي بسوالفك التعبانه عندك شي احجيه هي مو حزوره
معتز
شعندي يا أمي حرام واحد يسولف ويتشاقى
عافنا مروان وصعد فوگ واني اضحك عليه
معتز
والله ياخوي سالفتك سالفه هسه وينك وين الحب
عفتهم وطلعت اروح اشوف سالفة علاء شنو وصلت لبيتهم دگيت الباب طلعلي اخوه ميثم
ميثم
هلا معتز شلونك
معتز
هلا بيك حبيبي انت شخبارك علاوي وين
ميثم
والله طالع قبل ساعه وگال اذا اجه معتز خليجيني بالساحه
معتز
اهااا اوكي اروح اشوفه مع السلامه
هاي الساحه دائما ينجمعون بيها شباب المنطقه لو نلعب طوبه لو نگعد نسولف والي جايب مرات دومنه نگعد ونلعب مساحه تصير بضهر منطقتنا بيها كم شجره وثيل متناثر وتحيطها ضهر البيوت يعني مرتاحين بيها حلوه ومكان مناسب ألنا رحت لگيت علاء گاعد ويمه ولد اعرفه وديخط بالعوده عالتراب ويسولف ويه الولد
معتز
السلام عليكم
علاء
هلا ابو العز تعال هنا اريدك
من شافنا الولد خطيه گام يلعب طوبه ويه الشباب
