#عديل_الروح
همس القوارير
(بيج قصص همس القوارير)
البارت ٩
ضلت تلح مسار حيل وياي ومن وين ما اطلعلها تطلع لحد ما استسلمت لرغباتها وگلتلها احبج بقينا نتراسل يوميه وزاد الحب والعشق بينا وگامت تتبعد عن علاء وما ترد على اتصالاته وبقيت اداوم كليه وهي تلح لا تضحك ويه فلانه ولا تحجي ويه فلانه معتز اغار ومرات استفزها واشعل نار الغيره حلوه الغيره بين الاحباب بقينا تقريبا شهر كامل واحنا حب وغرام وعلاء وسيف التقي وياهم صدف لان كلنا مشغولين بالدراسه لحد ما فد يوم اتصل عليه علاء
علاء
ابو العز حبيب گلبي شخبارك
معتز
الله يسلمك حبيبي انت شلونك
علاء
بخير الله يسلمك معتز محتاجك بشغله ضروري
معتز
گول حبيبي بخدمتك
علاء
لا يخوي ما تنفع تلفون تعالي للساحه هسه
معتز
ماشي حبيبي جايك
كانت وقت مغربيه واني دامشي اروح لعلاء لاگاني ابو رقيه ابو اللبلبي الي حجيتلكم عنه بداية القصه
ابو رقيه
عمي معتز شلونك
معتز
هلا ابو رقيه شلونك انت شخبارك
ابو رقيه
والله وليدي بخير بس انت محد يشوفك
معتز
والله ملتهي دوام وكليه واسواق الوالد
ابو رقيه
الله يعينك اگلك بويه البارحه اجوي على بنتي رقيه خطابه ولد شاب من منطقتكم اسمه مضفر تعرفه لو لا
معتز
اي عمي اعرفه خوش ولد حباب
ابو رقيه
بويه ما أريد هيج جواب اني گلت غير ابو العز محد يحلها اريدك تنخله نخل وتعرف شعنده ما عنده اقصد اخلاقه اهم شي عندي
معتز
غالي والطلب رخيص باجر يوصلك خبره
ابو رقيه
عشت والله وليدي ربي يحفضك لشبابك
معتز
الله يخليك عمي من رخصتك عندي شغله ويه علاء واريد اشوفه
ابو رقيه
الله وياك عمي وسلمنا عليه وبعد. ما اوصيك وليدي
معتز
لا عمي بخدمتك
خطيه هالرجال محتار بناته ربي يوفقهم بحياتهم وصلت للساحه علاء گاعد على جهه واشوفه ماله خلگ لحيته وتعبان وصلت يمه
معتز
السلام عليكم
علاء
هلا ابو العز شلونك شخبارك
معتز
شبيك يا خوي شصارلك اشو مبين عليك تعبان ومالك خلگ
علاء
اي والله خويه هذه مسار مدري شبيها مدري شنو غيرها عليه لا ترد على اتصالي ولا رسايلي ولا اشوفها مرتين اروحلها وما الگاها كلش تغيرت تعجبت منها كانت تتمنى احجي وياها هسه اختلفت عليه
معتز
يمكن تعبانه من امها لو بيها شي او تريد تتزوج
علاء
لا معود تتزوج شنو هي تحبني مستحيل تتزوج غيري
معتز
انت همين مقصر وياها اسلوبك محلو ومتنطيها عذر
علاء
هن النسوان ميجن اله هيج لا تنطيهن وجه احسن
معتز
يمعود ياا ميجن مو هسه عافتك
علاء
يا خوي والله. محتار اتمنى اعرف هالتغير وليش نگلبت عليه
معتز
محاولت تفهم منها شنو السالفه
علاء
ليش هي ترد عليه لو تجاوبني ابد ولا كانوا بينا علاقه
معتز
عوفها تشوف حياتها وانساها
علاء
انسى شنو معود هي يوم يومين هذه عشرة عمر احبها ما أگدر
احجي بيني وبين نفسي اوووف بيا وجه احجي وياك شگد اناني اني مفكرت بيك ياريتني ما خطيت هالخطوه ولا تعلقت بمسار اووووف والله احتاريت ومدري شسوي
علاء
هااا معتز وين شارد
معتز
سلامتك حبيبي بس اسأل عن سيف
علاء
سيف ان شاءالله فد اسبوع ويخطب بنت خالته الي جان رايدها حجه ويه اهلها ووافقوا وراح يسوون خطبه على گدهم
معتز
يالله خلي واحد منا يرتاح على الاقل ربي يتمم على خير ويسعده
لحكايتي بقيه 💕💕
