#عديل_الروح
همس القوارير
(بيج قصص همس القوارير)
البارت ٤
گعدت يم علاء وضلينا نسولف
معتز
شنو سالفتك اليوم ومنو هالبنيه
علاء
ادري بيك مراح تعوفني اسولفلك احسن واشتري راحة بالي لان انت لزگه اذا متعرف الموضوع مني راح تدور لحد ما تعرف
معتز
همزين تعرف طبعي حتى لا اتعب واختصر الوقت هههه سولف حبيبي
علاء
هذه مسار احبها قبل سنه تصير بنت خالة بيت ابو يوسف جوارينا تعرفت عليها كانت تجي لبيت خالتها ومن اوگف بالباب نتبادل النضرات وبعدها شمرتلها الرقم واخذته وبقينا على علاقه طويله بس تلفون ومرتين يمكن طلعنا بالسياره افترينا ورجعنا بس لا لازم ايدها ولا شايف منها شي كلش حبابه وحبيتها
معتز
حلوووو هااا هسه تذكرت اجت اشترت من عدنا وامها كان عدها زهايمر مدري شنو
علاء
اي بلي انفصام بالشخصيه وعايشه ويه بيت اخوها بس هي الي مداريه امها
معتز
زين وليش تعاركتوا
علاء
يا اخي شلعت گلبي خلينا نطلع لا خلينا ننخطب لا مو هسه لازم اشوف حل لامي خلينا نتزوج ماكو يعني ابتليت بأمها كلما اگوللها على شي مرتضى وحجتها كله بأمها
معتز
خطيه يعني وين تخلي امها شدعوه عليك حقها البنيه لو امك ترضالها
علاء
تبقى يم ابنها يعني وين اوديها خوما اجيبها لبيت اهلي يا معتز هي همين لازم تقدر هالشي
معتز
شوفلك بيت واخذها هي وامها خليها ساكنه وياكم لازم تضحي لخاطرها
علاء
من وين يا معتز انت تعرف البير وغطاه هو احنا بعدنا ندرس ومصرفنا من اهلنا هسه اکلها بس خطبه حتى نطب ونطلع براحتنا وهمين متقبل لحد ما اتخرج والله يحلها
ومن شفتنا دنتعارك خيرتها بين حبنا وبين امها وهي اختارت امها
معتز
عفيه عليها لو مختارتك جان وگعت من عيني اهم شي الام
علاء
زين اني شنو ذنبي
معتز
يا خوي الي يحب يضحي وانت من موضوع بسيط اتخليت عنها
