المهم خلوا البنيه يمهم بالبيت لأن ماكو مكان تروحله وكاموا يهتمون بيها لأن جان عدها جرح جبير شويه برأسها .
وبعد كم يوم اندك الباب:
ساوه :منو
وسام :اني
ساوه:منو انت ؟
وسام: افتحي وتعرفين
ساوه:ماافتح لو تكول منو لوتمشي
وسام: ساوه أني وسام
ساوه:شتريد جاي تريد تكتلني
وسام: بس اسمعيني
ساوه:احجي
وسام:ساوه ترى صارلنه خمس سنين مخطوبين ولازم نتزوج.
ساوه: يصير خير (باستهزاء)
وركعت الباب بوجها
واجه محمد و حجتله شصار:
محمد :والله وجانه برجليه
ساوه: شتقصد؟
محمد: ليش ما تتزوجين وسام ؟
ساوه :شنو مستحيل
محمد: ليش مستحيل هم.تتزوجين وسام وهم نسحب منه معلومات
ساوه :صدك تحجي
محمد:اي صدك احنه لازم نعرف بيش يفكرون خصوصا وهوه ظابط بمنطقتنه . شوفي بكيفج تريدين تتزوجين وسام ونطلع الشباب المعتقلين لو تريدين ينعدمون ويموتون بالسجون؟فكري
ضلت ساوه تفكر أسبوعين بعدين قررت
ساوه :وافقت أتزوج وسام
محمد :صدك تحجين
ساوه :أي صدك
محمد :أدري مو هينه بس هاذه الحل الوحيد
ساوه :أي والله مو هينه
محمد :لا تخافين اني وياج وحضنها وهيه تبجي
ساوه ورى ما هدأت :زين شلون اوصله
محمد :روحي للمركز
راحت ساوه للمركز كالت للشرطي الواكف باب المكتب مال وسام كله جتك ساوه أحمد
الشرطي : سيدي اكو وحده إسمها ساوه أحمد تريدك بموضوع
وسام: خل تتفضل
الشرطي :حاضر .ودخلت ساوه
وسام:هلا هلا تفضلي
ساوه:يزيد فضلك اجيت اكلك موافقه على الزواج
وسام:كولي والله العظيم
ساوه:والله شبيك ممصدك
وسام:لا مصدك بس شوكت العرس
ساوه :هذا الشيء تحدده انت ومحمد لو نسيت العادات والتقاليد العراقية ؟
وسام:لا مانسيت
ساوه :سوده عليه وطني
وسام :لعد شعبالج
ساوه:احم يله باي
وسام :الله وياج
واجه يوم العرس وتزوجها وجان يوم العرس صعب كولش على ساوه بس ما جان يبين عليها خلت وسام ينام وضلت تبجي للفجر بالمطبخ
وسام:ليش كاعده هنا؟وشبيها عيونج حمر؟
ساوه :اني اكعد من الفجر عادي
وسام:زين عيونج شبيها
ساوه :هنه هيج
وسام :احجي شبيج
ساوه :تذكرت امي و ابوي الله يرحمهم
وسام:الله يرحمهم لتزعلين
يتبع....
