جانت البلكونه مال ساوه مقابيل البلكونه مال أخت وسام يعني جان بين البيتين مثل الدربونه الصغيره ضيقه لدرجة محد يكدر يفوت بيها جان يبادل وسام واخته بالغرف حتى يضل يسولف هوه وساوه براحتهم وجانوا مرات يسولفون بالسطح وطبعا جانت العائلة النهار كله بالسطح بس هيه جانت تسولف ويا لمن يطلع محمد لأن لا محمد و لا ابوه يجرعون وسام واستمروا على هل الحال سنه تقريبا و بدأت سنه 2003وبدء الاحتلال الأمريكي للعراق وبيوم سقوط بغداد انفقدوا ام ساوه وأبوها بس اكو احتمال انو استشهدوا بالصاروخ إلي وقع على احدى مصارف بغداد بليلة السقوط وبقت ساوه وحدها هيه ومحمد ولارا بالبيت وجانت تشوف الدنيا حمره بسبب القصف الجوي المكثف على بغداد ومن ذاك اليوم صار وسام من عداد المفقودين ومحد يدري بي وين .يتبع...
