اراك بقلبي

#اراك_بقلبي#

مسائكم عسل ..النشر راح يكون بارت .  طويل بليوم واذا كتبت اكثر  انشر    من عيوني .  اريد رائيكم بلبدايه ..   
.البارت الاول . بقلم غدير وسام
💐💮💮
جنت اباوع لصوره .. الي  بصفحته وابجي .. اني الي ضيعتك من ايدي واستاهل كل الي صار بيه
مياسه ...مياسه ..نعم باجي
.....وين صرتي ..
مياسه .....نعم باجي .
......امشي شوفي اخوانج وابوج شيتعشون
مياسه .....صار باجي .. رحت سئلت بابا .شيحب ياكل ..
....اي شي فضيها مو متنا جوع
مياسه ...هسه . اوووف تذكرت دلاله اليه من جان يشوفني .  مالي  خلك .شلون يتخبل 
واتذكرت طفولتي ..الي مجانت تستحق  تتسمى طفوله
طفولتي الي خسرتها بعمر 6 سنوات  بعد ماجنت طفله مدلله واي شي اريده بس ااشر يكون عندي ..
امي وابويه تزوجو عن حب ..بس  امي من بعد ماولدتني ماكدرت تحمل .ابد ..وهنا بدا الكل يلح على بابا انه يتزوج بس هو رفض   بعدين ..بدا الكلام ياثر عليه وقرر يتزوج ويجيب الولد ..وخطبتله بيبي وحده ارمله .عدها ولد وبنيه  وتزوج ابويه ولليوم اتذكر دمعة امي وحركة كلبهة بيوم زواجه جنت ماافهم ليش تبجي والناس جوة تركص وفرحانه .. واشوف بابا الضحكه ماليه وجهة
..رحتله ..بابا ماما ..تبجي
.....امشي نشوفها اني وياج
صابرين ليش تبجين ياعيني مو اتفقنا ان شاء الله ماقصر بحقج
...... ش
تريدني .. خليل اشوفك .تتزوج غيري واضحك .اكيد راح تنسانه
خليل .... وعيونج وعيون ميوسه ماانساكم الى جوة التراب اني
صابرين ... اسم الله عليك .يومي كبل يوم
خليل ....يابعد عمري ..تردين ابقى يمج اليوم
صابرين ...لاعيني روح انت عريس اليوم بس لاتنسانه
خليل ...ابد ..
نزل بابا ..ممصدك .  وبدا يتغير علينه ..اول كام كل 3 ايام يجي وصارت كل اسبوع وبعدين كل شخر الى ان حملت  باجي   نجاة زوجة ابويه الثاني .. وجابتله الولد ..   نسانه تماما ..وامي بدت تتمرض .وتضعف .
مياسه .. صار .عمري 7 سنوات ب.الثاني  ابتدائي .بس افهم .  شيصير  ماما ..اصيحلج بابا انتي مصخنه
....لا  روحي ركض لبيبي ام حسن  صيحيها
مياسه .شلون اعوفج وحدج
.....هذا بيتهة قريب صيحيها وتعاي بسرعه
مياسه ...رحت ركض لبيبي  ام ماما
....شبيج بيبي
مياسه ....الهث وماكدر اجاوب .. بيبي ..ماما .ماما ...تريدج  مريضه
.....شبيها ولج .خلي اجيب عباتي واجي
مياسه ..اي .بيبي بساعج فدوة
.....يله مشينا الطريق تسئل شبيها امج
مياسه ...صخنت . وكالت صيحي بيبي
....ابوج الشفيه وينه مكابل المسعده وكاعد
مياسه ....ها ..مادري .عفيه بيبي استعجلي امي خطيه
ب.....اي ولج  رجليه يوجعني اطي مجال .
مياسه .......بيبي تمشي مثل السلحفاة واني .. بالي على ماما وصلنا .جانت حالتها كلش تعبانه .
.....ولج صبوره شبيج
....تعبانه يمه احس راح اموت .دزيت عليج اوصيج بمياسه لاتخليها عد مرت ابوها
.....اسم الله عليج شنو كلمن يصخن يموت كومي مابيج شي
.....لا يمه ..اني مو مطوله هيج احس .اوعديني خليني اغمض مرتاحه
......اسم الله ولج  لاتخوفيني مابيه حيل
......يمه ..حلفي  ماتخلين مياسه عدهم يأذوها اخاف اريد ارتاح ريحيني اخذيني على كد عقلي
..... ميخالف  حبيبه ..بعيني بنيتج
مياسه اسمع وابجي ..ليش ماما هيج توصي  كلش وضعها تازم اخذوها بيبي وابويه للمستشفى .واني رحت لبيت  جدو اهل امي يم خاله اسيل الصغيره ..جانت ارمله .تزوجت سنه وزوجها استشهد ..بقت امي 3 ايام بلمستشفى ..بيبي ماجت للبيت ابد .وبليوم الرابع اجه بابا اخذني للمستشفى لان امي طالبتني .رحت شفتها ممبينه من الاجهزه تتنفس بصعوبه وباقيه بس عظام .. باوعتلي بس دموعها نزلت .. وبعدين صار صوت .. بنفسها فريب وغمضت ..ماعرفت بوكتها اني خسرت .. امي  وخسرت وياها الامان والاستقرار ..  والحب .. ويه غمضت عين امي ..غمض كلشي حلو  بحياتي ..  بقيت اباوع بوجوهم ليش بيبي تبجي وابويه مكسورمياسه ....شبيها ماما .بيبي ليش تبجين جان سؤال سئلته ومحد جاوبني 
ايام العزا مرت .. اني بس ابجي بحضن بيبي وخاله اسيل ..
بابا ماشفته .بس مرته جتي للعزا وكعدت بيدها ابنها بعد اسبوع اجه ابويه عليه ..
بيبي مانطيها امها وصتني عليها
....بنتي اخذها عندي ..
.....لا ابو مياسه .خليها يمي اني وخالتهة ندير بالنه عليها
......لا اني خليتها اسبوع لان  جان عزا ..بس هسه ترجع للبيت ويايه
.....واذا كتلك لخاطر صابرين ..تنام مرتاحه خليهة عندي .. هي وصتني وانته عدك مرتك وابنك واكيد تصير حساسيات بسنهن عوفها
..... راح اخليها جم يوم وارجع .
......الله كريم .هسه .
مياسه بقيت يم بيبي . شهر واثنين ..وفعلا ابويه نساني خالتي جانت مثل امي تدرسني .وتغسلس وتحضرلي اكل .واذا احد من جهال خوالي او خالاتي حاجاني متقبل  وانام يمها ويم بيبي
اسيل .... تعاي مياسه شعندج دروس
مياسه ...خاله بس رياضيات  ماعرف هاي المسئله
اسيل ...تعاي ولج سهله هاي .صايره محششه
مياسه ...لا خاله اني شاطره بس المعلمه لوصتها علينه .عبالك تسوي تشريب مو تحل لاصت هذا على ذاك 
اسيل ... هههه .اكتبي يله .
مياسه ... خاله ..اريد دفتر جديد دفتري خلص
اسيل ...من عيوني باجر اجيبلج#اراك_بقلبي# .البارت الاول .
مياسه ... خاله ..جبتيلي دفتر . اباوع خاله صافنه
اسيل ....ها..ا ..نسيت حبيبتي
مياسه ..شلون اليوم انكتل 
اسيل ...بابتسامه ...امشي اشتريلج واوصلج للدوام .
مياسه ...حاجيها عفيه خاله ترا تضربني لان رادت الحل بي
اسيل ... ميخالف دمشي راح تتاخرين
مياسه ...وصلنا خاله  كلت لست احلام .عليه وراحت للبيت .اني كملت دوام طبعي مو اجتماعيه ابد ماكونت اي صداقه حتى كاعده وحدي برحله بلاخير بس شاطره كلش  جنت كله الاولى .لحد ما وصلت للثالث متوسط ..خالتي اسيل انخطبت ..لولد صديق خالو علاء .واني بديت احلى ..واتغير ..  طولي . شكلي ..الي يشوفني اكبر من عمري  عيوني ..سود كبار  وجي بيضوي .وبيضه مايله للحمار .وشعري اسود سرح .وبي لفه .من افتحه عبالك مسرح وملفوف  .خشمي .شويه بي كبر بس ملائم تقاسيم وجي .  ناعمه كلش ورقيقه وحجايتي من تطلع فاهيه على كولة بيبي . تسميني الفاهيه .  خالو علاء حجبني .من صرت بلسادس .  بخطوبه خالتي اسيل ..خطبتني خالة  الولد بس بيبي وخوالي مقبلو .. المهم خالتي خلال شهر تزوجت بدون عرس حفله بينا لان الولد هم ارمل .وعده بنيه   بكدي ..  بلخطوبه تعرفنا على بعض ماعرف ليش ارتاحيتلها وحبيتها اسمهة .ريتاج . بهاي الفتره . ابويه  جان يسئل كل مده ومده صار عنده من  مرته .٣ اطفال .  ٢ولد وبنيه .  مشايفتهم  ابد ..بعد .زواج خالتي حسيت بليتم . لان الكل وجوهة تغيرت نسوان خوالي ال٣  كامو يصخروني حتى على كلاص المي . .. وابد مااكعد بيبي كبرت ومتطلع من غرفتها  ابد .
باجي ..سلوى زوجة خالو علاء .. جانت هواي تذب حجي عليه . ومره عافت ابنها صغير يمي . وكع على وجهة
سلوى ....انتي ثوله اني مو خليته يمح
مياسه ...هو حرك شسويله مليت اركض ورا
سلوى ... واذا حرك ..غير تنتبهين وين بالج خاتونه
مياسه ...عندي امتحان اريد اقرا
سلوى يجي علاء اذا مخليته يكعدج
مياسه ....ليش عيني تخلي يكعدني  .طلعت بيبي على الصوت شصاير
مياسه ....بيبي هاي باجي سلوى تصيح عليه وتريد تخلي خالو يبطلني
......ماعاش الي يصيح عليج وينزلج دمعه واريد اشوف شلونه الي يبطلج فوتي لغرفتي وبعد لاتطلعين
سلوى ... هاي مو حاله لاتكبرين راسهة علينه
.....راسهة غصبن ماعليج جبير .هاي بنت الغاليه وصيتها لاعبالج . بغرفتي ومادري شيصير من يوم تزوجت اسيل وانتن مستلماتهة صخره  حتى  غرفجن والمواعين عليهة
سلوى ....لاتصدكيهة عمه تجذب عليج
.....هي ماكالت اني مو عميه واشوف كلشي بس شكول .عليجن .. فوتي بيبي .فوتي
مياسه ..حسيت بيبي ضهري .الي ساندني فدوة الج والله يحفظج الي .. كعدت راجعت .. واقرا ..فات خالي علاء وجرني من شعري وراشديات ..حيوانه اني اربيج من جديد كمت ارفس جوة ايده ومايرحمني يدفر بيه وبيبي تعيط تريد تخلصني منه ماكو .. الى ان اجه خالي عصام الجبير دفعه مني ..واخذتني بيبي .وسهام مرت  خالو عصام .
بيبي اتصلت . بخاله اسيل اخذتني عدهة  رحت وجهي وارم  وايدي توجعني ..
اسيل ...الله يكسر ايده ليش هيج
مياسه .....والله  مسويت شي خاله . من ورا باجي سلوى
اسيل ....هين اني اعلمهم ..
بقيت يم خاله اسبوع اني وريتاج نام سوا لكيت بيها الاخت الي جنت اتمناها . 
ريتاج .... امشي .بدلي بابا راح يطلعنه اليوم
مياسه ...  وين .اروح بهذا شكلي لا عفيه
ريتاج .....لعد .راح اخلي يجيبلنه عشه
مياسه ....بكيفج ..
اسيل ...شلونج ميوس
مياسه .....الحمد لله  بس بالي يم بيبي اريد اروحلهة
اسيل ...تحسني  واواديج   بس تشوفيها ونرجع
مياسه .... رحنا ثاني يوم لكيت بيبي مريضه وقررت ابقى يمهة ..خاله ماروح وياج .اني ابقى يم بيبي
اسيل ...ديري  بالج عليهة ..واذا احتاجيتي شي اتصلي .. هذا تلفون اشتريته الج وخليت بي شريحه
مياسه.....شكرا خاله  ......راحت خاله .وبيبي  صارت  متكدر ابد تتحرك حتى صلاتهة كعده اني اسبحها وامشط شعرها .واعطرها .. ونكعد نسولف .. المدرسه اروح وارجع ركض عليهة .  نجحت للرابع . بهاي السنه توفت بيبي   وصتني اروح عد اسيل اعيش .. وبعد الحداد والعزا اخذتني اسيل يمهة .. جنت بس ابجي اني وخاله اسيل ..
ريتاج ...كومي صلليلهة  بدال البجي .تقري قرأن
مياسه ....اي ..كايمه ..  ريتاج هواي مشتاقتلها
ريتاج ....اعرف حبيبتي بس هي تعبت والموت راحه الهة .
مياسه ....بس مافكرت بيه اني منو الي
ريتاج ...واني .واسيل .وين رحنه
مياسه ....الله يخليكم لو ماانتم جان متت من القهر .
ريتاج .. اسم الله عليج  ليش متنقلين هنا يمي  ونداوم سوا
مياسه .....ياريت ..
ريتاج .....اكل لبابا لعد ينقلج
مياسه ...بعد الاربعين مالت بيبي اجه ابويه لخوالي . واجوي اخذوني ..اله لان مقبل ..ابقى يم  رجال غريب   يومين ..واجه عليه  وداني لبيتنا الي طلعت منه بيوم  وفاة امي .. اخواني  كبرانين ..   بنتها اكبر مني 
نجاة .... ليش جبتهة
خليل .....شنو ليش ..غير  بنتي .وجبتها لبيتي لو ابقيها عند الغريب
نجاة .... هي متعوده على خوالها وخالتهة هي مربيتها
خليل ....خلص بيبيتها ماتت وخالتهة تزوجت لهنا وكافي .
نجاة ..تعاي ..عيني تعاي .اوديج للغرفه .. شوفي حبيبه هنا تنامين يم خواتج
مياسه .. اي .
نجاة...يله بدلي ..تعاي مريم فرغيلها خانه من الكنتور ترتب ملابسها
مريم ....هو يريد ينفجر شفرغ وين اخليهن
..... دبرن وضعجن مالي دخل .يله خلصن وتعالن ساعدني بلبيت .
مياسه ..مريم ..تباوعلي صفح
مريم ..شكو خاتون تباوعين
مياسه ...لا سلامتج بس وين اخلي ملابسي اريد ابدل
مريم  فوك ..راسي .شمدريني خلي ابوج يجيبلج  كنتور بوفيه .
مياسه .... طلعت .. واني اباوع بقيتهن بلجنطه طلعتلي  ثوب ولبسته وحجابي . طلعت .المطبخ كومه مواعين .
نجاة ...مدي ايدج لو نعزمج .يله منا وغاد ايدج بايدي
مياسه ....غسلت .كومه مواعين وهي  تسوي  عشه خلصت وصبت  صاحني ابويه ..تعالي لاتستحين بعد هذا بيتج
مياسه ....ان شاء الله . اباوع بوجوهم محد طايقني .شكو جبتني  يايابه . كملت ..وكمنا  ثاني يوم نتريك . وفات .. ولد   اسمر شافني وصوفر ..  منين هاي الحلوة ..
مريم ...بت عمو خليل ..تعال اكلك لاتظل فاتح حلكك
نجاة ...يله صفي المطبخ .حتى تتعودين وتعاي اشوفج وين نحط الاشياء   بدت تشوفني ..كل حاجه ومكانهة . وفعلا بدت تسحب ايدهة من كلشي ..
نجاة ...خلصي الملابس وذبي اللحم على النار  اعلمج تسوين مركه
مياسه ....رحت .غسلت الملابس كومه .خليت اللحم بدت تنطي تعليمات .وراهة تركت كلشي عليه .
قرب .دوام المدارس .. رحت لابويه
بابا ...اريد اجيب كتبي .وملتبسي من بيت جدي .
بابا ...روحي لبسي وامشي نجيبهم
مياسه ....ربع ساعه وطلعتله جبت كلشي  بابا نقلني لمدرسة  قريبه .من بيتنا .. وراح ادوم ويا مريم .. فتت لغرفة بيبي .كلشي بيها يحرك كلبي .اتذكرها واتذكر ريحتها ومحنتها عليه ..الله يرحمج  اخذت كتبي وملابس المدرسه .وفوطه لبيبي .  طلعت ..
مياسه ...بابا ..اكو كنتور بيبي جانت مخصصته اليه خلي ناخذه
بابا....لا اني اشتريلج واحد .. راس الشهر .
مياسه ....بكيفك   رجعنه للبيت
نجاة ..وين رحتي
مياسه جبت كتبي  وملابسي
نجاة ..ناويه داومين ان شاء الله
مياسه ...طبعا اداوم ليش  ماادوام
نجاة ...والبيت والشغل شنو احنا خدم
مياسه ....اني محد خادمني بلعكس من اول يوم خليت رجلي بلبيت خدمتكم فات بابا شكو
نجاة ...شنو حجينه اشو تريد تداوم
خليل ....طبعا تكمل هاي وصية امها وبيبيتها بركبتي .تكمل دراسه
نجاة سكتت تخاف من  ابويه  رحت .للغرفه  طبعا طول هلفتره جنت اتضايق من نظراة .محمد ابن نجاة اليه احسه يتفحصني .ويحاول يطخني وهذا الشي كلش اذاني وربكني مرات .يتحجج بليل يدخل للغرفه ..مريم اريد جاي .اريد عشه 
مياسه ...بابا .ليش متخليني ارجع يم خاله اسيل اني مضايقتكم هنا والبيت صغير
....لا ممضايقتنه بيتج هذا ولازم تتعودين على العيشه بي
مياسه ...بس اني ممخاذه راحتي مرات بلغرفه متمدده وماحس الى محمد يجفت علينه
.....اعتبري مثل اخوج
مياسه ...بس مو اخويه واني متضايقه
.....اني انبه عليه بعد ميجي يمكم ..
وهنا كبت العيطه ..وزادت  عليه الضغوط من  باجي  .
نجاة ...شعنج ولج تردين تذبيلج مصيبه براس محمد كمتي تمهدين
مياسه ....اني مو تهامه ..ولا اريد اذب بلوه على احد ابنج علمي الاصول .كليله اكو بنيه بلبيت  ميصير يفوت لغرفتنا شوكت ميعجبه
نجاة ...والله هذا بيتنا ومتعلمين احنا هيج  منتغير لان حضرتج جيتي
مياسه ...قنعي بابا .يرجعني لخاله ورجعو لروتين حياتكم .
نجاة ...سمعت باذنك خليل بنتك تذب بلاوي على محمد حتى ترجعها لخالتهة
خليل ...لاياحيوانه واني   مصدكج بس طلعتي حيه .دفعني وراح .. بعدها تعلمت اسكت واحمي نفسي بنفسي  واستمرت مضايقاته الي ..  وسكوتي ..
مريم ...ماما ..اريد  لبس للمدرسه جديد
....اليوم اكل ونروح نشتري .. شتحتاجين انتي واخوانج
نجاة ...خليل اريد اطلع اشتري لاوزم المدرسه
.....اي . روحي واخذي . مياسه وياج .. اشتريلها شتحتاج
.....اي ميخالف .انت راح تطلع
.....اي عندي شغله  لليل اتاخر . هاي فلوس
......يله مريم ...مياسه ابقي بلبيت وسوي عشه لاخوانج ورتبي البيت
مياسه .... ان شاء الله . بس محتاجه كم غرض اريد تجيبيهم الي
.....عود اذا زاد عندي يله مريم ..
مياسه ...وجع ..صارفه من جيس الخلفج .غير فلوس ابويه .لملت البيت
محمد ... وينج يمه
مياسه ..متت بدمي .
محمد ....وينهم 
....راحو للسوك .
محمد ...ها .. وعمي خليل
مياسه ...بابا ..راح يشتري حلويات للجهال هسه يجي جذبت حتى اذا يفكر ياذيني ..يخاف .
محمد .... اريد جاي من ايدج الحلوة
مياسه ...اي .هسه .ظل بلمطبخ كاعد ويباوع ..   تقرب وحجزني بينه وبين السنك ..  دفعته شبيك 
محمد اريد اخذ كلاص اشرب مي منو يمج
مياسه ....ركضت قفلت الباب عليه ..والله دز ابويه من وكت سمعت صوته وطلعت ...
....مارحتي وياهن
مياسه ....لا مااخذتني .
...... تاخرن شراح تشتري
مياسه .... مادري تتعشه
.....اي .وجيبي اخوتج وتعاي .
صبيت عشه وخليتلهن .  على صفحة . 
خليتلهن ..ورحت  للدوام ..  وشويه  التهيت ويا
  حلا .وغيرت نفسيتي ..  وحبيتهة
.جتي خاله سئلت عليه وكلعاده عافتلي مصرف هلمره ضميته  جوة فراش الجربايه وهم ملكيته قررت ماسكت بعد 
مياسه ..بابا .اريد مصرف
....مو دانطي لنجاة
مياسه ..متطيني واني عايشه على بنيه اكلي وشربي والصراحة كمت استحي .منها .وخاله اسيل من تنطيني .  مالكاهن  ينوخذن من كنتوري
...منو ياخذهن
مياسه ...مااعرف .هاي رابع مره  خاله تنطيني
...اني مو كايلج متاخذين منهة
مياسه .. منين اجيب لعد .انت تنطيهن لباجي وهي متنطيني .شسوي لعد اطلع اشتغل ..محسيت الى راشدي ..على وجهي .  هو هذا .ائما  ردك عليه ..لو تضرب .لو تصيح .خليني اروح لخالتي .
...انجبي ولي لغرفتج
نجاة ...هاي افلام حتى ترجعها لخالتهة وتلعب بكيفها
مياسه  ....اني مامثل وانتو تاخذون فلوسي .وابنج يباوع عليه .لزمني ابويه من شعري .وراشديات ..وهي ويا .خلصوني الى ان كمت ماتنفس . وينج بيبي . على راشدي كلبتي الدنيا اليوم جنزوني . اخذ تلفوني وخابر لرجل خالني  و غلط  عليه وكله انت مو رجال اذا خليتهة  تعتب بيتنه . وحبسني .بلمخزن .قفله عليه . من الوجع فقدت . بين الحلم والحقيقه حسيت بملمس على جسمي . فزيت لكيته محمد عيطت سد حلكي .
.